આવતીકાલથી બદલાઇ રહ્યો છે રેલવેનો નિયમ, જો આ કામ નહી કરો તો બુક નહીં થાય તત્કાલ ટિકિટ
Tatkal Ticket Booking:1 જૂલાઈથી રેલવે તત્કાલ ટિકિટના નિયમમાં ફેરફાર કરવા જઈ રહ્યું છે.
Tatkal Ticket Booking: ભારતીય રેલવેમાં મુસાફરી કરનારાઓ ધ્યાન આપો. 1 જૂલાઈથી રેલવે તત્કાલ ટિકિટના નિયમમાં ફેરફાર કરવા જઈ રહ્યું છે. હવે 1 જૂલાઈથી Tatkal Ticket Booking ની પરવાનગી ફક્ત તે IRCTC ખાતાધારકોને જ આપવામાં આવશે જેમણે આધાર નંબર સાથે પોતાનું એકાઉન્ટ પ્રમાણિત કર્યું છે. આની મદદથી રેલવે તત્કાલ ટિકિટમાં છેતરપિંડી રોકવા માંગે છે.
રેલવે મંત્રી અશ્વિની વૈષ્ણવે X પ્લેટફોર્મ પર પોસ્ટ કરીને આ નિયમ વિશે માહિતી આપી દીધી છે. હવે નવા નિયમ વિશેની માહિતી ઇન્ડિયન રેલવે કેટરિંગ એન્ડ ટુરિઝમ કોર્પોરેશન (IRCTC) ના પોર્ટલ અને એપ પર પણ જણાવવામાં આવી રહી છે.
આધાર સાથે IRCTC એકાઉન્ટ કેવી રીતે વેરિફાય કરવું
આજે અમે તમને જણાવીશું કે તમે આધાર નંબર સાથે તમારા IRCTC ખાતાને કેવી રીતે પ્રમાણિત કરી શકો છો. આ સર્વિસ એકદમ મફત છે અને થોડીવારમાં પૂર્ણ થાય છે. ચાલો તેની પ્રક્રિયા જાણીએ.
IRCTC એપ ઓપન કરો અને અથવા બ્રાઉઝરમાં IRCTC વેબસાઇટ ખોલો. આ પછી IRCTC પોર્ટલ પર લોગિન કરો.
પ્રક્રિયામાં આગળ વધો
આ પછી ટૉપ રાઇટ સાઇડ પર તમને MY Account નામનો વિકલ્પ મળશે, તેના પર ક્લિક કરો. આ પછી સ્ક્રીન પર Authenticate User ઓપ્શન દેખાશે, તેના પર ક્લિક કરો. જેમ તમે ઉપરના સ્ક્રીનશોટમાં જોઈ શકો છો.
તમારે આ વિગતો ભરવાની રહેશે અને OTP આપવો પડશે
આ પછી મોબાઇલ અથવા લેપટોપની સ્ક્રીન પર ઓથેન્ટિકેશન પ્રોસેસ ઓપન થઇ જશે. અહીં તમારું નામ અને લિંગ વિગતો હશે. નામની ઉપર, આધાર નંબર વિગતો ભરવાનો વિકલ્પ દેખાશે, જેમાં તમારો આધાર નંબર દાખલ કરો.
નીચે આવો ત્યાં OTP નો વિકલ્પ દેખાશે, તેના પર ક્લિક કરો. આ પછી આધાર સાથે નોંધાયેલા નંબર પર OTP આવશે, તેને IRCTC પોર્ટલ પર દાખલ કરો. છેલ્લે કન્ડિશન બોક્સ પર ચેક કરો અને પછી સબમિટ કરો.
આધાર ઓથેન્ટિકેશન પ્રક્રિયા પૂર્ણ થયા પછી આ મેસેજ દેખાશે
આધાર નંબર સાથે IRCTC એકાઉન્ટને ઓથેન્ટિકેટ કરવા માટે હંમેશા સત્તાવાર એપ્લિકેશન અને સત્તાવાર પોર્ટલનો ઉપયોગ કરવો મહત્વપૂર્ણ છે. સાયબર સ્કેમર્સ તમને છેતરવા અને તમારા બેન્ક એકાઉન્ટને હેક કરવા માટે નકલી પોર્ટલ અથવા એપ્લિકેશનો બનાવી શકે છે, જે તમારા માટે ખતરનાક સાબિત થઈ શકે છે.
ટોપ સ્ટોરી
ટ્રેન્ડિંગ સમાચાર
