Encounter: ડોડામાં આતંકી અને સુરક્ષાદળો વચ્ચે વધુ એક અથડામણ, SOG જવાન ઘાયલ
ફાયરિંગ દરમિયાન, એક SOG કર્મચારીને ગોળી વાગી હતી, તેને તાત્કાલિક નજીકની હોસ્પિટલમાં સારવાર માટે ખસેડવામાં આવ્યો હતો. વધુ વિગતોની રાહ જોવાઈ રહી છે.
Doda Encounter: બુધવારે જમ્મુ અને કાશ્મીરના ડોડા જિલ્લાના ગંડોહ સબ-ડિવિઝનમાં કોટા ટોપ ખાતે આતંકવાદી અને સુરક્ષા દળો વચ્ચે વધુ એક અથડામણ (encounter broke out between terrorist and security forces) થઈ હતી. અહેવાલો અનુસાર, સ્પેશિયલ ઓપરેશન ગ્રુપ (SOG) ના એક પોલીસને ઈજા થઈ છે. ઉલ્લેખનીય છે કે, છેલ્લા ત્રણ દિવસમાં કેન્દ્રશાસિત પ્રદેશમાં (Union Territory) આ ચોથી અને ગઈકાલથી જમ્મુ વિભાગના ડોડા ક્ષેત્રમાં બીજી અથડામણ છે.
અધિકારીઓના જણાવ્યા મુજબ, ભાલેસાના કોટા ટોચના વિસ્તારમાંથી સાંજે 7.41 વાગ્યે ગોળીબારની જાણ કરવામાં આવી હતી જેનો સુરક્ષા દળોએ જવાબ આપ્યો હતો. સત્તાવાર સૂત્રોએ જણાવ્યું કે ચોક્કસ ઇનપુટ પર, પોલીસ અને આર્મીની 4RRની સંયુક્ત ટીમે આ વિસ્તારમાં ઘેરાબંધી અને સર્ચ ઓપરેશન શરૂ કર્યું. જેમ જેમ સંયુક્ત ટીમ શંકાસ્પદ સ્થળની નજીક પહોંચી, છુપાયેલા આતંકવાદીઓએ દળો પર ગોળીબાર શરૂ કર્યો.
ફાયરિંગ દરમિયાન, એક SOG કર્મચારીને ગોળી વાગી હતી, તેને તાત્કાલિક નજીકની હોસ્પિટલમાં સારવાર માટે ખસેડવામાં આવ્યો હતો. વધુ વિગતોની રાહ જોવાઈ રહી છે.
આતંકીઓએ આર્મી બેઝને નિશાન બનાવ્યું, 6 જવાન ઘાયલ
અગાઉ મંગળવારે સાંજે, જમ્મુ અને કાશ્મીરના ડોડામાં ભદરવાહ બાની રોડ પર છત્તરગલ્લા વિસ્તારમાં આર્મીના ટેમ્પરરી ઓપરેટિંગ બેઝ (TOB) પર આતંકવાદીઓએ હુમલો કર્યા પછી ઓછામાં ઓછા છ સૈનિકો ઘાયલ થયા હતા. મંગળવારે મોડી રાત્રે અન્ય એક ઘટનામાં, કઠુઆ જિલ્લામાં સુરક્ષા દળોએ એક શંકાસ્પદ પાકિસ્તાની આતંકવાદીને ઠાર માર્યો હતો. બુધવારે બીજા આતંકવાદીને પણ ઠાર કરવામાં આવ્યા બાદ રાતોરાત અથડામણ સમાપ્ત થઈ ગઈ હતી પરંતુ ઓપરેશનમાં CRPF જવાનનું મોત થયું હતું.
રવિવારે, આતંકવાદીઓએ શિવ ખોરી મંદિરથી કટરા તરફ શ્રદ્ધાળુઓને લઈ જતી બસ પર હુમલો કર્યો હતો, જેના કારણે તે રસ્તાથી પલટી ગઈ હતી અને ઊંડી ખીણમાં પડી હતી, પરિણામે 9 લોકોના મોત થયા હતા અને 41 અન્ય લોકો ઘાયલ થયા હતા.
ટ્રેન્ડિંગ સમાચાર
ટોપ સ્ટોરી
