Parliament Winter Session Live: વિપક્ષના હોબાળા બાદ લોકસભા આવતીકાલ સુધી સ્થગિત
Parliament Winter Session : આ વર્ષે સંસદનું શિયાળુ સત્ર તોફાની બની શકે છે. જ્યાં વિપક્ષ SIR અને નેશનલ હેરાલ્ડ સામે FIRનો મુદ્દો ઉઠાવે તેવી અપેક્ષા છે, ત્યારે સરકાર આ સત્રમાં 14 બિલ રજૂ કરી શકે છે.
LIVE
Background
Parliament Winter Session Live: સંસદનું શિયાળુ સત્ર આજથી શરૂ થઈ રહ્યું છે. સત્રના પહેલા જ દિવસે વિપક્ષ કેન્દ્ર સરકાર સાથે ઘણા મહત્વપૂર્ણ મુદ્દાઓ પર ટકરાઈ શકે છે. ઉદાહરણ તરીકે, નેશનલ હેરાલ્ડ કેસમાં સોનિયા ગાંધી અને રાહુલ ગાંધી વિરુદ્ધ નવી FIR પર કોંગ્રેસ ગુસ્સે છે. પાર્ટી તેને બદલાની કાર્યવાહી ગણાવી રહી છે. તો બીજી તરફ દેશમાં ચાલી રહેલા મતદાર યાદીના સ્પેશિયલ ઇન્ટેન્સિવ રિવિઝન (SIR) અંગે આજે સંસદમાં હંગામો થઈ શકે છે. મમતા બેનર્જીની પાર્ટી તૃણમૂલ કોંગ્રેસથી લઈને સમાજવાદી પાર્ટી અને DMK સુધી, બધાએ મતદાર યાદી સુધારણા (SIR) સામે પોતાનો વિરોધ વધારવાનો નિર્ણય લીધો છે.
સર્વપક્ષીય બેઠક બાદ, સંસદીય બાબતોના મંત્રી કિરેન રિજિજુએ જણાવ્યું હતું કે, આ શિયાળુ સત્ર છે અને દરેકે ઠંડા મગજે કામ કરવું જોઈએ. સત્ર શરૂ થવાના એક દિવસ પહેલા બોલાવાયેલી સર્વપક્ષીય બેઠકમાં કોંગ્રેસ, સમાજવાદી પાર્ટી, તૃણમૂલ કોંગ્રેસ અને અન્ય ઘણા વિરોધ પક્ષોએ દિલ્હી બોમ્બ વિસ્ફોટ, SIRનો મુદ્દો તેમજ રાષ્ટ્રીય સુરક્ષાનો મુદ્દો મુખ્ય રીતે ઉઠાવ્યો હતો.
તેમણે સત્ર દરમિયાન વાયુ પ્રદૂષણ, વિદેશ નીતિ, ખેડૂતોની દુર્દશા, મોંઘવારી, બેરોજગારી અને અન્ય ઘણા વિષયો પર ચર્ચા કરવાનો પણ આગ્રહ કર્યો હતો. બિહાર વિધાનસભા ચૂંટણીમાં રાષ્ટ્રીય જનતાંત્રિક સાથે ગઠબંધનથી પ્રચંડ વિજયથી ઉત્સાહિત, કેન્દ્ર સરકાર આ સત્રમાં 14 બિલ રજૂ કરી શકે છે.
સર્વપક્ષીય બેઠકમાં 36 રાજકીય પક્ષોના 50 નેતાઓએ હાજરી આપી હતી. સરકારનું પ્રતિનિધિત્વ સંરક્ષણ પ્રધાન રાજનાથ સિંહ, આરોગ્ય પ્રધાન જેપી નડ્ડા, સંસદીય બાબતોના મંત્રી કિરેન રિજિજુ અને સંસદીય બાબતોના રાજ્યમંત્રી અર્જુન રામ મેઘવાલ દ્વારા કરવામાં આવ્યું હતું. કોંગ્રેસના નેતાઓ પ્રમોદ તિવારી અને કોડિકુન્નિલ સુરેશ, તૃણમૂલ કોંગ્રેસના નેતા ડેરેક ઓ'બ્રાયન, સમાજવાદી પાર્ટીના નેતા રામ ગોપાલ યાદવ, ડીએમકેના તિરુચી શિવ અને અન્ય અનેક પક્ષોના નેતાઓએ આ બેઠકમાં હાજરી આપી હતી.
કોંગ્રેસના મહાસચિવ જયરામ રમેશે આરોપ લગાવ્યો કે, સંસદના શિયાળુ સત્રના એક દિવસ પહેલા કેન્દ્ર સરકારે બોલાવેલી સર્વપક્ષીય બેઠક માત્ર ઔપચારિકતા હતી. સર્વપક્ષીય બેઠક બાદ, લોકસભામાં કોંગ્રેસના નાયબ નેતા ગૌરવ ગોગોઈએ કહ્યું, "એવું લાગે છે કે ભાજપ, વડા પ્રધાન નરેન્દ્ર મોદી અને ગૃહમંત્રી અમિત શાહના નેતૃત્વ હેઠળની સરકાર, લોકશાહી, સંસદીય પરંપરા અને શિષ્ટાચારનો નાશ કરવાનો પ્રયાસ કરી રહી છે." તેમણે દાવો કર્યો કે સરકાર પોતે જ સંસદ સત્રને પાટા પરથી ઉતારવાનો" પ્રયાસ કરી રહી છે.
લોકસભા આવતીકાલ સુધી સ્થગિત
મણિપુર GST બિલ લોકસભામાં પસાર થઈ ગયું છે. વિપક્ષના હોબાળાને કારણે, લોકસભા આવતીકાલે સવારે 11 વાગ્યા સુધી મુલતવી સ્થગિત કરવામાં આવી છે. રાજ્યસભામાં હાલમાં ચર્ચા ચાલી રહી છે.
Parliament Winter Session Live: ભારે હોબાળા વચ્ચે મણિપુર GST બિલ પસાર
નાણામંત્રી નિર્મલા સીતારમણે મણિપુર
#ParliamentWinterSession | Delhi: Union Finance Minister Nirmala Sitharaman moves ‘The Manipur Goods and Services Tax (Second Amendment) Bill, 2025’ in Lok Sabha for consideration and passing
— ANI (@ANI) December 1, 2025
(Source: Sansad TV) pic.twitter.com/Slexh4YRBA
ટોપ સ્ટોરી
ટ્રેન્ડિંગ સમાચાર
