Joshimath Cracks: વરસાદ નક્કી કરશે જોશીમઠનું ભવિષ્ય, જમીન સર્વેમાં અડધો કિમી લાંબી અને 2 ફૂટ પહોળી તિરાડોનો ખુલાસો

વિશ્વ વિદ્યાલયે જમીનની સ્થિતિનું આકલન કરવા માટે સમિતિનું ગઠન કર્યુ હતુ, અને વિશેજ્ઞણોએ 25 થી 28 જાન્યુઆરીની વચ્ચે પડેલી તિરાડોનું અધ્યયન કર્યુ હતુ

ફાઇલ તસવીર

Joshimath Land Sinking And Cracks: શ્રી દેવ સુમન ઉત્તરાખંડ વિશ્વવિદ્યાલયની ચાર વિશેજ્ઞણોની ટીમે જોશીમઠ ભૂસ્ખલનને લઇને જમીન સર્વે કર્યો છે. તેના સર્વેમાં જાણવા મળ્યુ છે કે, જોશીમઠમાં આવેલા તિરાડો 2 ફૂટ પહોળી અને અડધો કીમી સુધી લાંબી છે. આ પહેલીવાર છે, જ્યારે સરકારી અધિકારીઓએ સાર્વજનિક રીતે તિરાડોની લંબાઇ અને પહોળાઇ વિશે ખુલાસો કર્યો છે. આ સર્વેમાં જાણવા મળ્યુ છે કે, જોશીમઠમાં સંકટ કેટલુ મોટુ છે 

વિશ્વ વિદ્યાલયે જમીનની સ્થિતિનું આકલન કરવા માટે સમિતિનું ગઠન કર્યુ હતુ, અને વિશેજ્ઞણોએ 25 થી 28 જાન્યુઆરીની વચ્ચે પડેલી તિરાડોનું અધ્યયન કર્યુ હતુ, પેનલના સભ્યોએ મંગળવારે (21 ફેબ્રુઆરી)એ વિશ્વ વિદ્યાલયના કુલપતિ એમએસ રાવતને રિપોર્ટ સોંપ્યો. હવે આને ઉત્તરાખંડ સરકારને મોકલવામાં આવશે. પેનલે ભૂગોળના પ્રૉફેસર ડીસી ગોસ્વામી, ભૂવિજ્ઞાની શ્રીકૃષ્ણ નૉટિયાલ, અને ભૂવિજ્ઞાનના સહાયક પ્રૉફેસર કૃષ્ણા ગોસ્વામી અને અરવિંદ ભટ્ટ સામેલ છે. 

પેનલ સભ્ય શ્રીકૃષ્ણ નૉટિયાલે ધ ટાઇમ્સ ઓફ ઇન્ડિયાને કહ્યું કે, મનોહર બાગમાં તિરાડો 2 ફૂટ જેટલી પહોળી હતી, આમાં એક વ્યક્તિને અંદર ઉભા રહેવા માટે પર્યાપ્ત જગ્યા હતી, વળી, ખુલ્લા વિસ્તારોમાં તિરાડો 300 મીટર સુધી અને જ્યાં નિર્માણ થઇ રહ્યુ છે ત્યાં અડધા કીમી સુધી ફેલાઇ હતી. તેમને કહ્યું કે, તિરાડો જોશીમઠ શહેરના મધ્યમાં રોપવેની પાસે છે, પહેલા આને ભરી દેવામાં આવી હતી, પરંતુ આને ફરીથી સાઇટની તપાસ કરી તો તિરાડો ફરીથી આવી ગઇ. 

'NTPCની ટનલ બૉરિંગમાંથી થયુ પાણીનું ગળતર - 
સમિતિના સભ્યોએ કહ્યું કે, ટનલ બૉરિંગ મશીન સહિત પ્રાકૃતિક અને માનવજનિત દબાણના કારણે મોટી માત્રામાં પાણીનુ ગળતર થયુ છે, ઉલ્લેખનીય છે કે, એનટીપીસીએ ભૂસ્ખલનમાં પોતાની ભૂમિકા હોવામાં શરૂથી જ ઇનકાર કરી દીધો છે.

વરસાદ નક્કી કરશે જોશીમઠનુ ભવિષ્ય - 
પેનલે આગળ કહ્યું કે આ વર્ષે ચોમાસાનો વરસાદ જોશીમઠનું ભવિષ્ય નક્કી કરવામાં મહત્વપૂર્ણ ભૂમિકા નિભાવશે. તેમને કહ્યું કે, આ શહેરની ભાર હવન ક્ષમતા છે જેને કામ કરવાની આવશ્યકતા છે. જો શહેર પર દબાણ વધારવામાં આવશે તો આનાથી પરેશાની વધુ વધશે. વિશેજ્ઞણોએ એ પણ બતાવ્યુ કે, જોશીમઠ ટેકનિકલી રીતે સક્રિયા ભૂકંપીય ક્ષેત્રમાં છે અને ખાનગી અને સરકારી નિર્માણ કાર્યોના દબાણે વર્તમાનની સ્થિતને ટ્રિગર કરી છે.