Mid Day Meal: આ રાજ્ય સ્કૂલોમાં મધ્યાહન ભોજનમાં આપશે ઈંડા, જાણો વિગત

વિદ્યાર્થીઓ અને વાલીઓ તરફથી મળેલા સકારાત્મક પ્રતિસાદથી સરકારને આ નિર્ણયનો અમલ કરવાની સત્તા મળી છે. સૂત્રોએ ધ ઈન્ડિયન એક્સપ્રેસને જણાવ્યું કે ઈંડાનો ખર્ચ સરકાર ઉઠાવશે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે.

Mid Day Meal: કેટલાક ધાર્મિક જૂથો અને સમુદાયોના વિરોધ છતાં કર્ણાટકમાં મધ્યાહન ભોજનમાં ઇંડાનો સમાવેશ કરી શકાય છે. ભાજપ સરકાર આગામી શૈક્ષણિક સત્રમાં આની શરૂઆત કરી શકે છે. ઈન્ડિયન એક્સપ્રેસના અહેવાલ અનુસાર, ભાજપ સરકાર એક પ્રાયોગિક પહેલ પર કામ કરી રહી છે, જેના હેઠળ બાળકોમાં કુપોષણનો સામનો કરવા માટે ડિસેમ્બર 2021 થી માર્ચ 2022 ની વચ્ચે ઉત્તર કર્ણાટકના સાત "પછાત જિલ્લાઓ" માં ઇંડા પીરસવામાં આવ્યા હતા. તાજેતરની દરખાસ્ત મુજબ જે લોકો ઈંડા નથી ખાતા તેમને ફળ અથવા અન્ય વિકલ્પ આપવામાં આવશે.

સરકારના આ નિર્ણયનો લિંગાયત અને જૈન સમુદાય સહિત અનેક જૂથોએ વિરોધ કર્યો હતો. જોકે, વિદ્યાર્થીઓ અને વાલીઓ તરફથી મળેલા સકારાત્મક પ્રતિસાદથી સરકારને આ નિર્ણયનો અમલ કરવાની સત્તા મળી છે. સૂત્રોએ ધ ઈન્ડિયન એક્સપ્રેસને જણાવ્યું કે આ પ્રસ્તાવને આખરી ઓપ અપાયા બાદ કેબિનેટ સમક્ષ મૂકવામાં આવશે. ઈંડાનો ખર્ચ સરકાર ઉઠાવશે.

કેબિનેટની મંજૂરી મળ્યા પછી, કર્ણાટક બીજેપી શાસન હેઠળનું પહેલું રાજ્ય હશે જ્યાં શાળાઓના મધ્યાહન ભોજન કાર્યક્રમમાં ઇંડાનો સમાવેશ કરવામાં આવશે. સૂત્રએ ઈન્ડિયન એક્સપ્રેસને જણાવ્યું, “એક દિવસ સિવાય, વિદ્યાર્થીઓને શાળાઓમાં ઈંડા આપવામાં આવશે. આ અંગે સત્તાવાર ઔપચારિકતા અંતિમ તબક્કામાં છે. જો અમે આ યોજનાને સમગ્ર રાજ્યમાં એકસાથે લાગુ કરવામાં અસમર્થ હોઈએ તો પણ યાદીમાં વધુ જિલ્લાઓ ઉમેરવામાં આવશે. પ્રાયોગિક પહેલને કારણે બાળકોમાં પોષણ સ્તરમાં સુધારો જોવા માટે રાજ્ય દ્વારા એક અભ્યાસ હાથ ધરવામાં આવ્યો હતો. જેના પરિણામો આશાસ્પદ છે.

આ પણ વાંચોઃ