Cruise Drug Party: NCB ના સાક્ષી કિરણ ગોસાવીને કોર્ટે  8 દિવસની પોલીસ કસ્ટડીમાં મોકલ્યો, આજે થઈ હતી ધરપકડ 

Kiran Gosavi Sent to 8-Day Police Custody: પુણે પોલીસે આજે આર્યન ખાન ડ્રગ્સ કેસમાં એનસીબીના સાક્ષી કિરણ ગોસાવીની ધરપકડ કરી છે. કિરણ ગોસાવીની 2018માં છેતરપિંડીના કેસમાં ધરપકડ કરવામાં આવી હતી.

Kiran Gosavi Sent to 8-Day Police Custody: પુણે પોલીસે આજે આર્યન ખાન ડ્રગ્સ કેસમાં એનસીબીના સાક્ષી કિરણ ગોસાવીની ધરપકડ કરી છે. કિરણ ગોસાવીની 2018માં છેતરપિંડીના કેસમાં ધરપકડ કરવામાં આવી હતી. ગોસાવીની ધરપકડ કર્યા બાદ આજે એટલે કે ગુરુવારે તેને પુણેની સેશન્સ કોર્ટમાં રજૂ કરવામાં આવ્યો હતો. જ્યાંથી તેને આઠ દિવસની પોલીસ કસ્ટડીમાં મોકલી આપવામાં આવ્યો હતો. કિરણ ગોસાવી સામે 2018થી છેતરપિંડીનો કેસ નોંધાયેલો છે. તે જ સમયે, હવે તેમની સામે વધુ બે નવા કેસ નોંધાયા છે.

કિરણ ગોસાવી સામે હવે ઇન્ફોર્મેશન ટેક્નોલોજી એક્ટ 66D હેઠળ કેસ નોંધવામાં આવ્યો છે, જે ફેસબુક પર જાહેરાતો પોસ્ટ કરીને નોકરી આપવાના બહાને યુવાનોને ફસાવવાનો કેસ છે. આ સિવાય તેની સામે IPC-419 હેઠળ છેતરપિંડીનો બીજો કેસ નોંધવામાં આવ્યો હતો. આ મામલે સરકારી વકીલ સાથે ફરિયાદી ચિન્મય દેશમુખ વતી એડવોકેટ હર્ષદ ગરુડને દલીલો કરી હતી.

જણાવી દઈએ કે 02 ઓક્ટોબરે મુંબઈના દરિયાકાંઠે ક્રુઝ શિપ પર NCBના દરોડા પછી આ કેસમાં ધરપકડ કરાયેલા અભિનેતા શાહરૂખ ખાનના પુત્ર આર્યન ખાન સાથે કિરણ ગોસાવીની તસવીરો અને વીડિયો વાયરલ થયા હતા. ડ્રગ્સ કેસના અન્ય એક સ્વતંત્ર સાક્ષી પ્રભાકર સઈલે આરોપ લગાવ્યો છે કે આર્યનને NCB ઓફિસમાં લાવવામાં આવ્યા બાદ તેણે ગોસાવીને ફોન કરીને સેમ ડિસોઝાને 25 કરોડ રૂપિયાની માંગણી કરવા અને 18 કરોડ રૂપિયામાં નક્કી કરવા અંગે વાત કરતા સાંભળ્યા હતા, કારણ કે  તેણે સમીર વાનખેડે (NCBના મુંબઈ પ્રાદેશિક એકમના ડિરેક્ટર)ને આઠ કરોડ રૂપિયા આપવાના હતા.

ગોસાવીએ સોમવારે સઈલના તમામ આરોપોને નકારી કાઢ્યા હતા અને કહ્યું હતું કે તે લખનઉ પોલીસ સમક્ષ આત્મસમર્પણ કરશે. જોકે, એક વરિષ્ઠ અધિકારીએ જણાવ્યું હતું કે ગોસાવીએ પોલીસ સમક્ષ આત્મસમર્પણ કર્યું નથી.