Manipur : ફૂટબોલ ખેલાડી, BSF જવાન, પત્રકાર અને મુખ્યપ્રધાન, જાણો મણિપુરના નવા મુખ્યપ્રધાન એન.બીરેન સિંહ વિશે
Chief Minister of Manipur : 2022ની વિધાનસભા ચૂંટણીમાં તેઓ ફરીથી હેંગાંગ બેઠક પરથી જીત્યા. આ સતત પાંચમી વખત છે જ્યારે તેણે પોતાની સીટ જાળવી રાખી છે.
Manipur : મણિપુરમાં બીજેપી ધારાસભ્ય દળની બેઠકમાં એન બિરેન સિંહને ધારાસભ્ય દળના નેતા તરીકે પસંદ કરવામાં આવ્યા છે. હવે તેઓ સતત બીજી વખત મણિપુરના મુખ્યમંત્રી તરીકે શપથ લેશે. કેન્દ્રીય નિરીક્ષક નિર્મલા સીતારમણ અને સહ-નિરીક્ષક કિરેન રિજિજુ ભાજપ ધારાસભ્ય દળની બેઠકમાં હાજર હતા. આવો જાણીએ સતત બીજી વાર મણિપુરના મુખ્યપ્રધાન બનનાર એન બિરેન સિંહ વિશે.
મણિપુરની રાજધાની ઇમ્ફાલમાં જન્મ
એન બિરેન સિંહનો જન્મ 1 જાન્યુઆરી 1961ના રોજ મણિપુરની રાજધાની ઈમ્ફાલમાં થયો હતો. શાળાકીય અભ્યાસ પૂર્ણ કર્યા પછી, તેમ ણે મણિપુર યુનિવર્સિટીમાંથી બી.એ.ની ડિગ્રી મેળવી. પરંતુ રમતમાં વધુ રસ હોવાને કારણે તેમણે શરૂઆતમાં તેની કારકિર્દી તરીકે ફૂટબોલને પસંદ કર્યું. બાદમાં તેઓ દેશની સેવા કરવાના હેતુસર બોર્ડર સિક્યુરિટી ફોર્સ (BSF)માં જોડાયા. અહીં પણ તેમણે તેની રમતગમતની રુચિ જાળવી રાખી અને ઘરેલું મેચોમાં તેની ટીમનું નેતૃત્વ કરવાનું ચાલુ રાખ્યું. તેમણે ડ્યુરાન્ડ કપ જેવી પ્રતિષ્ઠિત ટુર્નામેન્ટમાં પણ ભાગ લીધો છે.
પત્રકાર પણ રહી ચુક્યા છે એન બીરેન સિંહ
ફૂટબોલ અને બીએસએફમાં લાંબી સેવા કર્યા પછી, 1992 માં પત્રકારત્વમાં બિરેન સિંહની રુચિ બદલાઈ અને તેણે મણિપુરના સ્થાનિક અખબાર નહરોલગી થાઉડાંગમાં નોકરી શરૂ કરી. બિરેન સિંહે પત્રકારત્વમાં પણ ખૂબ જ ઝડપથી પ્રગતિ કરી અને 2001 સુધીમાં તેઓ અખબારમાં સંપાદકના પદ સુધી પહોંચી ગયા.
એન બીરેન સિંહની રાજકીય કારકિર્દી
એન બિરેન સિંહ 2002માં ડેમોક્રેટિક રિવોલ્યુશનરી પીપલ્સ પાર્ટી ઓફ મણિપુરમાં જોડાયા હતા. તેઓ હેંગાંગ બેઠક પરથી ચૂંટણી લડ્યા હતા અને જીત્યા હતા.
2003માં તેઓ કોંગ્રેસમાં જોડાયા અને તેમને વન અને પર્યાવરણ મંત્રાલય મળ્યું.
2007માં તેઓ ફરીથી ચૂંટણી લડ્યા અને જીત્યા. ઓકરામ ઇબોબી સિંહની આગેવાની હેઠળની સરકારમાં, તેમને સિંચાઈ અને પૂર નિયંત્રણ મંત્રાલય ઉપરાંત યુવા બાબતો-રમત મંત્રાલયનો હવાલો આપવામાં આવ્યો હતો.
2012માં તેઓ ફરીથી તેમની બેઠક જીત્યા અને સતત ત્રીજી વખત ધારાસભ્ય બન્યા. જો કે, તેમની વધતી શક્તિએ કોંગ્રેસમાં જ ટોચની નેતાગીરીની ચિંતા વધારી દીધી હતી.
2016માં બિરેન સિંહે કોંગ્રેસમાંથી રાજીનામું આપ્યું અને તત્કાલિન મણિપુરના સીએમ ઓકરામ ઇબોબી સિંહ સાથેના વિવાદ પછી ભાજપમાં જોડાયા.
2017માં ધારાસભ્ય બન્યા અને ભાજપે CM પદ આપ્યું
2017માં ફરી એકવાર બીરેન સિંહ ધારાસભ્ય બન્યા. તેમની વધતી લોકપ્રિયતાને જોતા ભાજપે તેમને રાજ્યના મુખ્યમંત્રી બનાવ્યા. 15 માર્ચ 2017 ના રોજ જ્યારે તેમણે શપથ લીધા ત્યારે તેઓ રાજ્યના પ્રથમ બીજેપી સીએમ બન્યા. 2022ની વિધાનસભા ચૂંટણીમાં તેઓ ફરીથી હેંગાંગ બેઠક પરથી જીત્યા. આ સતત પાંચમી વખત છે જ્યારે તેણે પોતાની સીટ જાળવી રાખી છે. તેમણે આ સીટ પર INCના શરતચંદ્ર સિંહને 18 હજાર વોટથી હરાવ્યા હતા.
ટ્રેન્ડિંગ સમાચાર
ટોપ સ્ટોરી
