Mandous Cyclone Update: ખતરનાક થયુ Mandous તોફાન, આગામી ત્રણ દિવસ સુધી આ વિસ્તારોમાં ભારે વરસાદ વરસશે

સાયક્લોન Mandous હવે ખતરનાક સ્વરૂપ ધારણ કરી રહ્યું છે અને તેની અસર ઘણા રાજ્યોમાં જોવા મળી રહી છે

પ્રતિકાત્મક તસવીર

Cyclone Mandous: સાયક્લોન Mandous હવે ખતરનાક સ્વરૂપ ધારણ કરી રહ્યું છે અને તેની અસર ઘણા રાજ્યોમાં જોવા મળી રહી છે. તેને જોતા તમિલનાડુના ત્રણ જિલ્લામાં રેડ એલર્ટ જાહેર કરવામાં આવ્યું છે. એલર્ટ પરના જિલ્લાઓમાં ચેંગલપટ્ટુ, વિલ્લુપુરમ અને કાંચીપુરમનો સમાવેશ થાય છે. આ ઉપરાંત ઉત્તર-પૂર્વના રાજ્યોમાં આગામી દિવસોમાં સારો વરસાદ થવાની સંભાવના છે.

Severe cyclonic storm 'Mandous' over Southwest Bay of Bengal moved nearly west-northwestwards withspeed of 12 kmph in past 06 hours & is over Southwest Bay of Bengal on 9th December. It lies 320 km south-southeast of Chennai: Andhra Pradesh Meteorological Centre #CycloneMandous

— ANI (@ANI) December 9, 2022

હવામાનની આગાહી કરતી એજન્સી સ્કાયમેટ અનુસાર, આ બંગાળની ખાડીમાં બનેલી સિસ્ટમને કારણે સાયક્લોન Mandous તોફાની બની ગયું છે. વરસાદની અસર તમિલનાડુના તમામ પાંચ સબ ડિવિઝન અને આંધ્ર પ્રદેશ સહિત પુંડુંચેરી અને કરાઈકલ, આંધ્ર પ્રદેશના દરિયાઇ વિસ્તાર, કર્ણાટક, કેરળ અને રાયલસીમા સહિતના કેટલાક રાજ્યોને અસર કરશે. આ સિસ્ટમ આજે દરિયાકાંઠાની નજીક પહોંચી ગઈ છે. હવામાન વિભાગના જણાવ્યા અનુસાર, આજે તે નબળું પડવાની સંભાવના છે, જો કે આ પહેલા તોફાન ઉત્તર-પશ્ચિમ તરફ આગળ વધશે.

12 ડિસેમ્બર સુધી ભારે વરસાદ

3 Tamil Nadu districts on red alert as cyclone 'Mandous' maintains severe intensity

Read @ANI Story | https://t.co/0uji7EmO5T#CycloneMandous #Mandous #Cyclone #TamilNadu pic.twitter.com/4VtpknTA8d

— ANI Digital (@ani_digital) December 9, 2022

તોફાનના કારણે તમિલનાડુમાં વરસાદ ચાલુ રહેશે અને આજે કરાઈકલ, પુંડુંચેરી અને દક્ષિણ કોસ્ટલ આંધ્રપ્રદેશમાં ફેલાઈ જશે. આ વિસ્તારોમાં 9 ડિસેમ્બરે વરસાદ ચાલુ રહેશે, પરંતુ રાયલસીમામાં પણ વરસાદ જોવા મળશે. અહીં 10 ડિસેમ્બરે પણ વરસાદ ચાલુ રહેશે અને કેરળ અને દક્ષિણ કર્ણાટકમાં શરૂ થશે. 11 અને 12 ડિસેમ્બરે પાંચેય સબ ડિવિઝનમાં ભારે વરસાદ પડશે. પુડુચેરીમાં વરસાદને કારણે શાળાઓમાં બે દિવસની રજા જાહેર કરવામાં આવી છે. વરસાદને કારણે તમિલનાડુના થેની જિલ્લા અને કોડાઈકેનાલના સિરુમલાઈ વિસ્તારની શાળાઓમાં રજા જાહેર કરવામાં આવી છે. વરસાદને કારણે તમિલનાડુના તૂતુકુડીમાં શાળાઓમાં રજા જાહેર કરવામાં આવી છે.

તોફાનના કારણે તમિલનાડુ સરકારે તમામ તૈયારીઓ પૂર્ણ કરી લીધી છે. નેશનલ ડિઝાસ્ટર રિસ્પોન્સ ફોર્સ (NDRF) અને SDRPના 400 કર્મચારીઓની બનેલી 12 ટીમો તૈનાત કરવામાં આવી છે. માછીમારોને પણ દરિયામાં ન જવાનું કહેવામાં આવ્યું છે.