Mumbai Rain: મુંબઈમાં ચોમાસાની થઈ ધમાકેદાર એન્ટ્રી, લોકોને ગરમી અને ઉકળાટથી મળી રાહત
મુંબઈના દાદર, થાણે, અંધેરી સહિતના વિસ્તારોમાં ઝમાઝમ વરસાદ વરસ્યો હતો. ભીષણ ગરમી અને લાંબી રાહ બાદ આ સીઝનનો પ્રથમ વરસાદ છે.
- મુંબઈમાં ધમાકેદાર વરસાદથી ગરમીથી રાહત, યલો એલર્ટ.
- 25-26 જૂને મુંબઈમાં ચોમાસું વધુ સક્રિય થશે.
- ગુજરાતમાં વિવિધ વિસ્તારોમાં પ્રિ-મોનસૂન વરસાદ ચાલુ છે.
- રાજ્યમાં સત્તાવાર ચોમાસાની હજુ રાહ જોવી પડશે.
મુંબઈમાં ચોમાસાની ધમાકેદાર એન્ટ્રી થઈ હતી. મુંબઈ અને આસપાસના વિસ્તારોમાં વરસાદના આગમનથી લોકોને ગરમી અને ઉકળાટથી રાહત મળી છે. મુંબઈના દાદર, થાણે, અંધેરી સહિતના વિસ્તારોમાં ઝમાઝમ વરસાદ વરસ્યો હતો. ભીષણ ગરમી અને લાંબી રાહ બાદ આ સીઝનનો પ્રથમ વરસાદ છે. હવામાન વિભાગે આજે અને આવતીકાલે મુંબઈમાં વરસાદનું યલો એલર્ટ જાહેર કર્યું છે. મુંબઈના કેટલાક વિસ્તારોમાં વીજળીના કડાકા અને ગાજવીજ સાથે વરસાદ ખાબકી શકે છે. ખાસ કરી 25 જૂન અને 26 જૂને ચોમાસું વધુ મજબૂત થશે. જેના કારણે ભારે વરસાદ ખાબકી શકે છે. હવામાન વિભાગ મુજબ 23 જૂનની આસપાસ દક્ષિણ-પશ્ચિમ મોનસૂન મહારાષ્ટ્રના અન્ય વિસ્તારોમાં આગળ વધશે.
રાજ્યમાં ચોમાસાના આગમનની કેટલી જોવી પડશે રાહ?
હવામાન વિભાગ મુજબ રાજ્યમાં ચોમાસાના સત્તાવારના આગમનના હજુ કોઈ અણસાર દેખાઈ રહ્યા નથી. હવામાન વિભાગ મુજબ હાલ ચોમાસું હરનોઈ, સોલાપુર, હૈદરાબાદ,રાંચી અને મુઝફ્ફરપુરથી પસાર થઈ રહ્યું છે. 23 જૂન આસપાસ ચોમાસું તેલંગણા, ઓડિસા, ઝારખંડ,બિહાર અને છત્તીસગઢના વધુ ભાગોમાં આગળ વધે તેવી સાનુકૂળ સ્થિતિઓ સર્જાઈ રહી છે. બીજી તરફ વેસ્ટર્ન ડિસ્ટર્બન્સ અને ટ્રફની અસરને લઈને રાજ્યમાં આગામી સાત દિવસ પ્રિ-મોનસૂન એક્ટિવિટીનો વરસાદ વરસી શકે છે. આજે સૌરાષ્ટ્રના રાજકોટ, જૂનાગઢ, અમરેલી, બોટાદ, ભાવનગર અને ગીર સોમનાથ જિલ્લામાં પણ વરસાદ વરસવાની આગાહી કરાઈ. તો અમદાવાદમાં પણ હળવા વરસાદની હવામાન વિભાગે શક્યતા વ્યક્ત કરી છે. તો મધ્ય ગુજરાતના ખેડા, મહીસાગર, પંચમહાલ, દાહોદ,આણંદ, વડોદરા અને છોટા ઉદેપુર જિલ્લાના છુટાછવાયા સ્થળોએ હળવોથી મધ્યમ વરસાદ વરસી શકે છે. આ સિવાય દક્ષિણ ગુજરાતના ભરૂચ, નર્મદા, સુરત, તાપી,ડાંગ, નવસારી અને વલસાડની સાથે સંઘ પ્રદેશ દીવ,દમણ અને દાદરાનગર હવેલીમાં પણ વરરસાદની હવામાન વિભાગે આગાહી કરી છે
જો કે, રાજ્યના ખેડૂતો અને નાગરિકોએ સત્તાવાર ચોમાસાના આગમન માટે હજુ થોડી રાહ જોવી પડશે. જરાતના સૌરાષ્ટ્ર, મધ્ય અને દક્ષિણ ભાગોમાં વાદળછાયા વાતાવરણ અને વીજળીના કડાકા સાથે પ્રિ-મોનસૂન વરસાદ વરસી રહ્યો છે. આ તરફ ગુજરાતમાં આજે સૌરાષ્ટ્રના રાજકોટ, જૂનાગઢ, અમરેલી, બોટાદ, ભાવનગર અને ગીર સોમનાથમાં વરસાદની શક્યતા છે. જ્યારે મધ્ય ગુજરાતના ખેડા, મહીસાગર, પંચમહાલ, આણંદ અને વડોદરા તેમજ દક્ષિણ ગુજરાતના ભરૂચ, સુરત, નવસારી અને વલસાડ સહિત દીવ-દમણમાં છુટાછવાયા સ્થળોએ વરસાદી માહોલ રહેશે. નવસારી અને ચીખલીના ગ્રામ્ય વિસ્તારોમાં સવારથી જ પ્રિ-મોનસૂન વરસાદ શરૂ થતાં હાઈવે પર વિઝિબિલિટી ઘટી હતી, જે ખેડૂતો માટે આશીર્વાદરૂપ સાબિત થઈ રહ્યો છે.
ટોપ સ્ટોરી
ટ્રેન્ડિંગ સમાચાર
