દેશના તમામ ખેડૂતોને મળશે PM કિસાન સન્માન યોજનાનો લાભ, વાર્ષિક મળશે 6000 રૂપિયા

પ્રધાનમંત્રી કિસાન સન્માન નિધિ યોજના હેઠળ હવે તમામ ખેડૂતોના વાર્ષિક 6000 રૂપિયા મળશે.

નવી દિલ્હીઃ મોદી  સરકારની પ્રથમ કેબિનેટ બેઠકમાં ખેડૂતો માટે મોટો નિર્ણય લેવામાં આવ્યો છે. પ્રધાનમંત્રી કિસાન સન્માન નિધિ યોજના હેઠળ હવે તમામ ખેડૂતોના વાર્ષિક 6000 રૂપિયા મળશે. તે સિવાય ખેડૂતો માટે પેન્શન યોજનાની પણ જાહેરાત કરવામાં આવી છે. કેન્દ્ર સરકાર 6000 રૂપિયા તમામ ખેડૂતોને આપશે. જે હેઠળ 14.5 કરોડ ખેડૂતોના પરિવારનોને ફાયદો મળશે. પ્રધાનમંત્રી કિસાન સન્માન નિધિ યોજના હેઠળ નાના ખેડૂતો કે જેમની પાસે પાંચ એકર અથવા તેનાથી ઓછી જમીન છે તેમને આ યોજનાનો લાભ મળી રહ્યો છે.

The scheme provides income support to small and marginal landholder farmer families with cultivable land holding up to 2 hectare, across the country, by way of Rs 6,000 per year. The ongoing scheme aims to cover around 12.5 crore SMF families. https://t.co/zjbUDnlD6A

— ANI (@ANI) May 31, 2019

કૃષિમંત્રી નરેન્દ્રસિંહ તોમરે જણાવ્યું હતું કે, વડાપ્રધાને કહ્યુ હતું કે, ખેડૂતોની આવક આગામી પાંચ વર્ષમાં બે ગણી કરવાનો પ્રયાસ કરીશું. ખેડૂતોને ખર્ચથી ઓછામાં ઓછા દોઢ ગણુ ન્યૂનતમ સમર્થન મૂલ્ય મળે, આ વડાપ્રધાને સુનિશ્વિત કર્યું. કૃષિ મંત્રીએ કહ્યું કે, પ્રધાનમંત્રી કિસાન સન્માન નિધિ હેઠળ 3 કરોડથી વધુ ખેડૂતોના ખાતામાં પૈસા પહોંચી ચૂક્યા છે. અત્યાર સુધીમાં  12.5 કરોડ ખેડૂતો આ યોજનાનો લાભના દાયરામાં છે. આ યોજના હેઠળ 75 હજાર કરોડ રૂપિયા ખર્ચ થતા હતા હવે તેમાં 12 હજાર કરોડ રૂપિયા વધારે ખર્ચ થશે. એટલે કે હવે વાર્ષિક 87 હજાર કરોડ રૂપિયા ખર્ચ થશે.

Union Cabinet has approved a new Central Sector Scheme, Pradhan Mantri Kisan Pension Yojana. It's a voluntary & contributory pension scheme for small&marginal farmers across the country.Central Govt will contribute to the pension fund in equal amount as contributed by the farmer. https://t.co/zjbUDnlD6A

— ANI (@ANI) May 31, 2019

વડાપ્રધાને ટ્વિટ કરી જણાવ્યું હતું કે, અમારી પ્રથમ કેબિનેટ બેઠકમાં પોતાના મહત્વની ચૂંટણી વચનો પુરા કર્યા છે. તે સિવાય ખેડૂતો અને નાના વ્યાપારીઓ માટે પેન્શન યોજનાની જાહેરાત કરવામાં આવી છે. પેન્શન યોજના હેઠળ 18થી 40 વર્ષની ઉંમરના લોકોને 60 વર્ષની ઉંમર બાદ પ્રતિ મહિને 3 હજાર રૂપિયા પેન્શન મળશે. આ યોજનામાં 10 હજાર કરોડ રૂપિયાનો ખર્ચ થવાનો અંદાજ છે.

People first, people always. Glad that path-breaking decisions were taken in the Cabinet, the first in this tenure. Hardworking farmers and industrious traders will benefit greatly due to these decisions. The decisions will enhance dignity and empowerment of several Indians. pic.twitter.com/U9JTXeyoVm

— Narendra Modi (@narendramodi) May 31, 2019

આ યોજના હેઠળ 18 વર્ષની ઉમરના વ્યક્તિને 55 રૂપિયા પ્રતિ મહિને યોગદાન આપવું પડશે. સરકાર આટલા રૂપિયાનું યોગદાન આપશે. ઉંમર અનુસાર આ રકમમાં વધારો થશે. કૃષિ મંત્રી તોમરે કહ્યું કે, આ યોજનાથી ખેડૂતો અને નાના વ્યાપારીઓનું જીવનસ્તર સુધરશે. આ પેન્શન યોજના હેઠળ 12થી 13 કરોડ લોકો કવર થશે.