Omicron Lockdown: ક્રિસમસ અને નવા વર્ષનો જશ્ન મનાવવો પડી શકે છે મોંઘો, ફરી લાગશે લોકડાઉન ?

Lockdown News: ઓમિક્રોન હવે ભારતના ઘણા રાજ્યોમાં ઝડપથી પ્રસરી રહ્યો છે. જેને લઈ સરકારની ચિંતામાં વધારો થયો છે.

ફાઈલ તસવીર

Omicron Lockdown: દક્ષિણ આફ્રિકાથી ઘણા દેશોમાં ઝડપથી ફેલાયેલા કોરોના વાયરસના નવા પ્રકાર ઓમિક્રોનએ લોકોની મુશ્કેલીઓમાં વધારો કર્યો છે. ઓમિક્રોન અમેરિકામાં પ્રથમ મૃત્યુનું કારણ બન્યું છે, જ્યારે બ્રિટનમાં આ પ્રકારે અત્યાર સુધીમાં 12 લોકોના મોત થયા છે. દરમિયાન, હવે ક્રિસમસ અને નવા વર્ષની પાર્ટીઓને લઈને સરકારોની ચિંતા વધી રહી છે.

નેધરલેન્ડ પહેલાથી જ તેના દેશમાં 14 જાન્યુઆરી સુધી લોકડાઉન લાદી ચૂક્યું છે. અહીં શાળાઓ, કોલેજો, મ્યુઝિયમ, પબ, ડિસ્કોથેક અને રેસ્ટોરન્ટ સંપૂર્ણપણે બંધ રહેશે. તે જ સમયે, અમેરિકા અને બ્રિટનની સરકારો હવે ક્રિસમસ અને નવા વર્ષ પર ભીડને ધ્યાનમાં રાખીને આંશિક લોકડાઉન લાદી શકે છે. યુકેમાં નાઈટક્લબ અને પાર્ટીઓમાં જતા પહેલા રસીકરણનું પ્રમાણપત્ર બતાવવું ફરજિયાત કરવામાં આવ્યું છે, જ્યારે ઈઝરાયેલે યુએસ, કેનેડા અને જર્મની સહિત 10 દેશોને નો-ફ્લાય લિસ્ટમાં મૂકીને આજથી મુસાફરી પર પ્રતિબંધ મૂક્યો છે. ફ્રાન્સની સરકારે ક્રિસમસ અને નવા વર્ષના દિવસે ફટાકડા ફોડવા પર સંપૂર્ણ પ્રતિબંધ લગાવી દીધો છે જેથી લોકોની ભીડ એકઠી ન થઈ શકે. આયર્લેન્ડે પણ તેમના દેશમાં રાત્રે 8 વાગ્યા પછી પબ અને બારની એન્ટ્રી બંધ કરવાનો આદેશ જારી કર્યો છે.

ભારતમાં પણ ઓમિક્રોનના દર્દીઓ ઝડપથી વધી રહ્યા છે

ઓમિક્રોન હવે ભારતના ઘણા રાજ્યોમાં ઝડપથી પ્રસરી રહ્યો છે. સોમવારે દેશમાં ઓમિક્રોનના 6 નવા દર્દીઓ મળી આવ્યા છે, જે બાદ હવે ઓમિક્રોનના સંક્રમિત કેસોની સંખ્યા વધીને 171 થઈ ગઈ છે. દિલ્હીમાં એક દિવસમાં 100થી વધુ કોરોનાના કેસ પણ નોંધાયા છે. મહારાષ્ટ્ર સરકારે ક્રિસમસ અને નવા વર્ષની પાર્ટીઓ પર પ્રતિબંધ મૂકવાની માર્ગદર્શિકા બહાર પાડી છે.

ભારતમાં કોરોનાની ત્રીજી લહેર આવી શકે છે

ભારતમાં કોરોનાની ત્રીજી લહેર આવી શકે છે, તેના માટે નિષ્ણાતો વારંવાર ચેતવણી આપી રહ્યા છે. IIT કાનપુર દ્વારા પહેલી ચેતવણી આપવામાં આવી હતી કે જાન્યુઆરી અને ફેબ્રુઆરીમાં કોરોનાની ત્રીજી લહેર આવી શકે છે. બીજી ચેતવણી, નીતિ આયોગે આપી છે કે જો ત્રીજી લહેર આવશે તો દેશમાં દરરોજ 14 લાખ કેસ આવી શકે છે, જે સમગ્ર વિશ્વમાં અત્યાર સુધીનો સૌથી મોટો આંકડો સાબિત થશે.ત્રીજી ચેતવણી AstraZeneca-Covidshield રસી બનાવનાર ઓક્સફર્ડ યુનિવર્સિટીના પ્રોફેસર ડેમ સારાહ ગિલ્બર્ટે આપી છે. તેમણે કહ્યું કે આગામી રોગચાળો વધુ ઘાતક હશે. આવી સ્થિતિમાં ત્રીજી લહેરથી બચવા માટે સરકાર અહીં પણ લોકડાઉન પર વિચાર કરી શકે છે.