ભારતના હુમલા બાદ પાકિસ્તાનના ગોળીબારમાં ભારતીયોએ ગુમાવ્યા જીવ, વિદેશ મંત્રાલયે આંકડો કર્યો જાહેર
MEA ની પ્રેસ કોન્ફરન્સમાં ખુલાસો, પૂંછમાં ગુરુદ્વારાને નિશાન બનાવ્યું, ભારતે ફક્ત આતંકી છાવણીઓ પર જ કાર્યવાહી કરી, પાકિસ્તાન UN નિયુક્ત આતંકીઓનું ઘર, ઇન્ડસ વોટર ટ્રીટી અને TRF મુદ્દે પણ કરી સ્પષ્ટતા.
MEA confirms deaths in LoC shelling: ભારતીય સેના દ્વારા પાકિસ્તાન અને પાકિસ્તાન અધિકૃત કાશ્મીર (PoK) માં આતંકવાદી ઠેકાણાંઓ પર 'ઓપરેશન સિંદૂર' હાથ ધરવામાં આવ્યા બાદ, નિયંત્રણ રેખા (LOC) પર પાકિસ્તાન તરફથી ભારે ગોળીબાર કરવામાં આવી રહ્યો છે. આ પાકિસ્તાની કાર્યવાહીના કારણે ભારતીય પક્ષે જાનહાનિ થઈ છે. વિદેશ મંત્રાલય (Ministry of External Affairs - MEA) દ્વારા આયોજિત એક સંયુક્ત પ્રેસ કોન્ફરન્સમાં આ અંગે મહત્વપૂર્ણ માહિતી આપવામાં આવી. વિદેશ સચિવ વિક્રમ મિશ્રી, કર્નલ સોફિયા કુરેશી અને વિંગ કમાન્ડર વ્યોમિકા સિંહ દ્વારા સંબોધિત આ પ્રેસ કોન્ફરન્સમાં પાકિસ્તાનની કાર્યવાહી, ભારતનો પ્રતિભાવ અને અન્ય સંબંધિત મુદ્દાઓ પર સ્પષ્ટતા કરવામાં આવી.
LOC પર પાકિસ્તાનનો ગોળીબાર, ૧૬ લોકોના મોત
પ્રેસ કોન્ફરન્સમાં વિદેશ મંત્રાલયે જણાવ્યું કે, 'ઓપરેશન સિંદૂર' પછી LOC પર પાકિસ્તાન દ્વારા કરવામાં આવેલા ગોળીબારમાં ભારતીય પક્ષે ૧૬ લોકોએ જીવ ગુમાવ્યા છે. આમાં નાગરિકો અને સુરક્ષા દળોના જવાનોનો સમાવેશ થાય છે. વિદેશ મંત્રાલયે ખાસ કરીને ઉલ્લેખ કર્યો કે બુધવારે પાકિસ્તાને જમ્મુ-કાશ્મીરના પૂંછમાં એક ગુરુદ્વારાને પણ નિશાન બનાવ્યું હતું. પાકિસ્તાનના આ હુમલાઓમાં અત્યાર સુધીમાં ૧૬ નાગરિકોના મોત થયા છે.
પાકિસ્તાનની કાર્યવાહી ઉશ્કેરણીજનક, ભારત આપી રહ્યું છે જવાબ
વિદેશ મંત્રાલયે સ્પષ્ટ કર્યું કે પાકિસ્તાન દ્વારા જે કાર્યવાહી કરવામાં આવી રહી છે, તે ઉશ્કેરણીજનક છે. MEA એ જણાવ્યું કે ભારત પાકિસ્તાનની આ ઉશ્કેરણીનો યોગ્ય જવાબ આપી રહ્યું છે. આ ઉપરાંત, પાકિસ્તાન દ્વારા નીલમ ઝેલમ પ્રોજેક્ટ અંગે જે આરોપો લગાવવામાં આવી રહ્યા છે તેને વિદેશ મંત્રાલયે પાયાવિહોણા અને તથ્યો વગરના ગણાવ્યા. MEA એ ફરીથી સ્પષ્ટ કર્યું કે ભારતે ૭ મેની સવારે ફક્ત આતંકવાદી છાવણીઓને જ નિશાન બનાવી હતી અને કોઈ નાગરિક કે સૈન્ય માળખાને નુકસાન પહોંચાડ્યું ન હતું.
સિંધુ જળ સંધિ અને TRF મુદ્દે સ્પષ્ટતા
વિદેશ મંત્રાલયે સિંધુ જળ સંધિ (Indus Water Treaty) અંગે પણ ભારતનું વલણ સ્પષ્ટ કર્યું. જણાવ્યું કે ભારત છેલ્લા ૬ દાયકાથી આ સંધિનું સન્માન કરી રહ્યું છે, જ્યારે પાકિસ્તાન તેનું સન્માન કરતું નથી અને હંમેશા કાયદાકીય અવરોધો ઉભા કરવાનું કામ કરે છે. MEA એ કહ્યું કે આટલી બધી ઉશ્કેરણી છતાં, ભારત હજી પણ આ સંધિનું પાલન કરી રહ્યું છે તે તેની ધીરજનું પરિણામ છે. ભારતે છેલ્લા ઘણા વર્ષોથી પાકિસ્તાનને વારંવાર સંધિમાં ફેરફાર કરવા કહ્યું છે, પરંતુ પાકિસ્તાને સંધિનું સન્માન કર્યું નથી, જે તેના નિયમોનું ઉલ્લંઘન પણ છે.
The Resistance Front (TRF) વિશે વાત કરતા, MEA એ રસપ્રદ ખુલાસો કર્યો કે સંયુક્ત રાષ્ટ્ર સુરક્ષા પરિષદ (UNSC) માં પહેલગામ પર નિવેદન જારી કરતી વખતે, પાકિસ્તાને TRF ના નામનો સમાવેશ કરવાનો વિરોધ કર્યો હતો, જે આતંકવાદી સંગઠનો પ્રત્યે તેના વલણને દર્શાવે છે.
ભારતનો પ્રતિભાવ ચોક્કસ, નિયંત્રિત અને કેન્દ્રિત
હવાઈ હુમલાઓ (મિસાઈલ સ્ટ્રાઈક) પર, MEA એ કહ્યું કે ભારતીય સેના દ્વારા આપવામાં આવેલ જવાબ ચોક્કસ, નિયંત્રિત અને કેન્દ્રિત છે, જે ઉશ્કેરણીજનક નથી. ભારતે ફક્ત આતંકવાદીઓના ઠેકાણાઓને જ નિશાન બનાવ્યા હતા અને કોઈ સૈન્ય ઠેકાણાઓને નિશાન બનાવવામાં આવ્યા ન હતા.
પાકિસ્તાન: UN નિયુક્ત આતંકવાદીઓનું ઘર
વિદેશ મંત્રાલયે પાકિસ્તાન પર સીધો પ્રહાર કરતા કહ્યું કે પાકિસ્તાન સંયુક્ત રાષ્ટ્ર દ્વારા નિયુક્ત આતંકવાદીઓનું ઘર છે. પાકિસ્તાન આંતરરાષ્ટ્રીય સ્તરે સંયુક્ત તપાસ સમિતિની વાત કરી રહ્યું છે, પરંતુ તેના ટ્રેક રેકોર્ડ પર નજર કરીએ તો, ભારતે મુંબઈ હુમલા અને પઠાણકોટ હુમલામાં ફોરેન્સિક પુરાવા પૂરા પાડ્યા હતા અને ગુનેગારો સામે કાર્યવાહીની માંગ કરી હતી, પરંતુ પાકિસ્તાને કંઈ કર્યું નહીં. જ્યારે ભારતે લશ્કર-એ-તૈયબાના એક પાકિસ્તાની આતંકવાદીને પકડ્યો ત્યારે પણ બધા પુરાવા આપ્યા, પરંતુ પાકિસ્તાને કોઈ કાર્યવાહી કરી નહીં.
Before You Go
Bhavnagar Lattha kand: ભાવનગર લઠ્ઠાકાંડની ઘટનાને લઇને અમદાવાદમાં કોંગ્રેસનો વિરોધ
ટોપ સ્ટોરી
ટ્રેન્ડિંગ સમાચાર
