શરદ પવારના ઘરે કાલે થશે વિપક્ષી દળોની બેઠક, આજે દિલ્હીમાં પ્રશાંત કિશોર સાથે કરી મુલાકાત

નેશનલિસ્ટ કૉંગ્રેસ પાર્ટી(એનસીપી)ના પ્રમુખ શરદ પવાર આજે દિલ્હીમાં છે. અહીં તેમણે ચૂંટણી રણનીતિકાર પ્રશાંત કિશોર સાથે મુલાકાત કરી છે. સૂત્રો પાસેથી જાણકારી મળી છે કે એનસીપી અધ્યક્ષ શરદ પવારના ઘરે કાલે વિપક્ષી દળોના નેતાઓની બેઠક થશે.

જસ્ટીસ અભય ઓકાના અધ્યક્ષપદવાળી પીઠ સમક્ષ અન્ના હઝારેએ બે સીવીલ જનહિત અરજી અને એક આપરાધિક જનહિત અરજી દાખલ કરી છે. જેના ઉપર છઠ્ઠીએ સુનાવણી થશે. અરજીમાં આરોપ લગાવવામાં આવ્યો છે કે કો.ઓપરેટીવ ખાંડની મીલોને પહેલા દેવાના બોજ હેઠળ દબાવી દેવામાં આવી હતી અને પછી તેઓને બીમારૂ જાહેર કરી અત્યંત ઓછી કિંમતે વેચી દેવામાં આવી છે. આનાથી સરકાર, સહકાર ક્ષેત્ર અને લોકોને રપ,૦૦૦ કરોડનું નુકસાન થયુ છે. આ કથિત કૌભાંડમાં જે લોકો વિરૂધ્ધ પણ પ્રથમ દ્રષ્ટિએ કેસ બનતો હોય તો તેઓની સંપત્તિઓ કબજામાં લઇ કોર્ટ રિસીવર નિયુકત કરવા અને કૌભાંડમાં રાજનેતાઓની ભુમિકાની તપાસ એસઆઇટી પાસે કરાવવાની પણ અરજીમાં માંગણી કરવામાં આવી છે.

નેશનલિસ્ટ કૉંગ્રેસ પાર્ટી(એનસીપી)ના પ્રમુખ શરદ પવાર આજે દિલ્હીમાં છે. અહીં તેમણે ચૂંટણી રણનીતિકાર પ્રશાંત કિશોર સાથે મુલાકાત કરી છે. સૂત્રો પાસેથી જાણકારી મળી છે કે એનસીપી અધ્યક્ષ શરદ પવારના ઘરે કાલે વિપક્ષી દળોના નેતાઓની બેઠક થશે. જેમાં 15-20 મોટા વિપક્ષી નેતાઓ સામેલ થઈ શકે છે. આ પહેલા પણ શરદ પવારે પ્રશાંત કિશોર સાથે મુલાકાત કરી હતી.

પૂર્વ કેંદ્રીય મંત્રી યશવંત સિન્હા જે ટીએમસીમાં સામેલ થયા છે, તેમનું રાષ્ટ્ર મંચના નામથી એક ફોર્મ છે. રાષ્ટ્ર મંચના બેનર નીચે કાલે સાંજે ચાર વાગ્યે શરદ પવારના ઘર પર બેઠક બોલાવવામાં આવી છે. આ બેઠકમાં બેઠકમાં વિપક્ષી દળોને અલગ-અલગ ચહેરાઓ સામેલ થશે. યશવંત સિન્હાએ એબીપી ન્યૂઝને આ સમાચાર કર્ન્ફર્મ કર્યા છે. આ બેઠકમાં અલગ-અલગ મુદ્દાઓ પર ચર્ચા કરવામાં આવશે. 

2024ની તૈયારી ?

12  જૂને પ્રશાંત કિશોર અને શરદ પવાર વચ્ચે આશરે 3 કલાક સુધી બેઠક ચાલી હતી. આ બેઠકના એક દિવસ બાદ એનસીપી નેતા અને મહારાષ્ટ્ર સરકારમાં મંત્રી નવાબ મલિકે કહ્યું હતું કે 2024 લોકસભા ચૂંટણી પહેલા ભાજપ વિરોધી પાર્ટીઓને મહાગઠબંધનની જરુર છે. 

નવાબ મલિકે આગળ કહ્યું હતું, આગામી ચૂંટણી પહેલા ભાજપ વિરુદ્ધની પાર્ટીઓના મહાગઠબંધનની જરુર છે. એનસીપી અધ્યક્ષ શરદ પવારે પણ ભાજપનો મુકાબલો કરા માટે તમામ દળોના રાષ્ટ્રીય ગઠબંધનની વાત કરી છે. અમે એવા પક્ષોને સાથે લાવવાનો પ્રયાસ કરીશું. ચૂંટણી રણનીતિકાર પ્રશાંત કિશોરને આંકડાઓ અને સૂચનાઓની સંપૂર્ણ જાણકારી છે.

દેશમાં કોરોનાની સ્થિતિ

દેશમાં 88 દિવસ બાદ કોરોના વાયરસના સૌથી ઓછા કેસ નોંધાયા છે. સાથે જ સતત બીજા દિવસે 60 હજારથી ઓછા કેસ નોંધાયા છે. સ્વાસ્થ્ય મંત્રાલયના લેટેસ્ટ આંકડા અનુસાર, વિતેલા 24 કલાકમાં 53256 નવા કોરોનાના કેસ આવ્યા છે અને 1422 લોકોના મોત થયા છે. આ પહેલા 23 માર્ચના રોજ 47262 કોરોના કેસ નોંધાયા હતા. વિતેલા દિવસે 78190 લોકો કોરોનાથી ઠીક પણ થયા છે એટલે કે ગઈકાલે 26356 એક્ટિવ કેસ ઘટ્યા છે.

 

દેશમાં સતત 39માં દિવસ કોરોના વાયરસના નવા કેસની સંખ્યા કરતાં રિકવર થયેલ દર્દીની સંખ્યા વધારે નોંધાઈ છે. 20 જૂન સુધી દેશભરમાં 28 કરોડ કોરોના રસીના ડોઝ આપવામાં આવ્યા છે. વિતેલા દિવસોમાં 30 લાખ 39 હજાર રસી આપવામાં આવી હતી. જ્યારે અત્યાર સુધી 39 કરોડ 24 લાખથી વધારે કોરોના ટેસ્ટ કરવામાં આવ્યા છે. વિતેલા દિવસે અંદાજે 14 લાખ કોરોના સેમ્પલ ટેસ્ટ કરવામાં આવ્યા જેનો પોઝિટિવીટી રેટ અંદાજે 3 ટકા કરતાં વધારે હતો.