પહલગામ આતંકી હુમલાના હૃદય કંપાવનારા ૫ વીડિયો વાયરલ: લાશ અને માનવતાના દ્રશ્યો જોઈ આંખો ગુસ્સા અને આંસુથી છલકાશે

Pahalgam terror attack videos: ૨૬ લોકોના જીવ લેનાર હુમલાની ભયાવહતા દર્શાવતા વીડિયો, શહીદની પત્નીનો દર્દનાક વીડિયો અને કાશ્મીરીઓની મદદના દ્રશ્યો સામે આવ્યા.

પહેલગામ આતંકવાદી હુમલાના વાયરલ વીડિયો

Source : X

Kashmir tourist attack footage: ૨૨મી એપ્રિલે જમ્મુ અને કાશ્મીરના પહલગામમાં થયેલો આતંકવાદી હુમલો ભારતના તાજેતરના ઇતિહાસના સૌથી ખતરનાક હુમલાઓમાંનો એક હતો. નિર્દોષ પ્રવાસીઓ અને સ્થાનિકોને નિશાન બનાવનાર આ હુમલામાં પ્રાપ્ત માહિતી અનુસાર ૨૬ લોકોએ જીવ ગુમાવ્યા હતા અને અનેક લોકો ઘાયલ થયા હતા. આ હુમલાની ભયાવહતા અને માનવતાના દ્રશ્યો દર્શાવતા અનેક વીડિયો સોશિયલ મીડિયા પર વાયરલ થઈ રહ્યા છે, જેને જોઈને કોઈ પણ વ્યક્તિની આંખો ગુસ્સા અને આંસુથી છલકાઈ જાય તેમ છે. આ વીડિયો હુમલા પહેલા, દરમિયાન અને પછીના ભયાનક દ્રશ્યો રજૂ કરે છે.

પહલગામ આતંકી હુમલા સાથે જોડાયેલા પાંચ વાયરલ વીડિયો નીચે મુજબ છે:

૧. સ્થાનિક કાશ્મીરી એક પર્યટકને પોતાની પીઠ પર ઉઠાવીને બચાવતો વીડિયો: આ હુમલાએ કાશ્મીરમાં સ્થાપિત શાંતિ પર પણ પ્રહાર કર્યો હતો. આ વીડિયોમાં માનવતાનું ઉત્કૃષ્ટ ઉદાહરણ જોવા મળે છે. એક સ્થાનિક કાશ્મીરી વ્યક્તિ આતંકી હુમલામાં ઘાયલ થયેલા એક પ્રવાસીને પોતાની પીઠ પર ઉઠાવીને સુરક્ષિત સ્થળે લઈ જતો જોવા મળે છે. આ કાશ્મીરી વ્યક્તિના વખાણ થઈ રહ્યા છે. માનવતા દર્શાવતા આ વીડિયોને અત્યાર સુધીમાં ૭ લાખથી વધુ વખત જોવામાં આવ્યો છે.

A local Kashmiri put his life on the line to save tourists from terrorists and still, some people shamelessly spew hate against his entire community.#PahalgamTerroristAttack pic.twitter.com/hCS4ity11W

— هارون خان (@iamharunkhan) April 23, 2025

૨. શહીદ લેફ્ટનન્ટ વિનય નરવાલની પત્નીનો ભાવુક વીડિયો: હરિયાણાના ૨૫ વર્ષીય લેફ્ટનન્ટ વિનય નરવાલના લગ્નને માત્ર ૧૦ દિવસ જ થયા હતા. તેઓ પોતાની પત્ની સાથે હનીમૂન પર પહલગામ આવ્યા હતા, ત્યારે આતંકવાદીઓએ તેમને ગોળી મારી દીધી હતી. શહીદ લેફ્ટનન્ટ વિનય નરવાલની પત્ની જ્યારે તેમને અંતિમ વિદાય આપી રહી હતી, તે સમયનો વીડિયો ખૂબ જ ભાવુક કરનારો છે. આ વીડિયો જોઈને તમારી આંખોમાંથી પણ આંસુ આવી જશે.

#WATCH | Delhi | Indian Navy Lieutenant Vinay Narwal's wife bids an emotional farewell to her husband, who was killed in the Pahalgam terror attack

The couple got married on April 16. pic.twitter.com/KJpLEeyxfJ

— ANI (@ANI) April 23, 2025

૩. હુમલા પછીનો (ઘટના સમયનો) વીડિયો: પહલગામ આતંકી હુમલા સાથે જોડાયેલા આ હૃદય કંપાવનારા વીડિયોમાં શહીદ લેફ્ટનન્ટ વિનય નરવાલની પત્ની અને તેમની સાથે અન્ય એક મહિલા ઉભેલી જોવા મળે છે. વીડિયોમાં દેખાય છે કે શહીદ લેફ્ટનન્ટની પત્ની એક સ્થાનિક કાશ્મીરી સાથે વાત કરી રહી હતી ત્યારે જ એક આતંકવાદી આવે છે અને તેના પતિને ગોળી મારી દે છે. આ પછી મહિલા સ્થાનિક કાશ્મીરીને આજીજી કરતા કહે છે કે મારા પતિને બચાવો. આ પછી સ્થાનિક કાશ્મીરી વ્યક્તિ ઘાયલ થયેલા વ્યક્તિને પાણીની બોટલ આપે છે. આ વીડિયો હુમલાની ભયાવહતા અને પીડિતોની લાચારી દર્શાવે છે.

🚨 THEY. WERE. MASSACRED. BECAUSE. THEY. WERE. HINDUS.

Do not let the media or political elites sanitize what just happened in Pahalgam, Kashmir. This was not a "tourist attack."

It was a religious cleansing—a ritualistic slaughter committed by Islamic terrorists who asked the… pic.twitter.com/LFZlNAcNY8

— Amy Mek (@AmyMek) April 23, 2025

૪. મૃત્યુ પહેલાનો છેલ્લો વીડિયો: આ વીડિયોમાં દક્ષિણ ભારતમાંથી કાશ્મીર ફરવા આવેલું એક દંપતી જોવા મળે છે. તેઓ પોતાના કાશ્મીર પ્રવાસ અને શિકારા સવારીનો આનંદ માણી રહ્યા છે અને ખૂબ જ ખુશ દેખાઈ રહ્યા છે. તેઓ પોતાના કાશ્મીર પ્રવાસ અંગે માહિતી આપી રહ્યા છે. પરંતુ આ ખુશીના ક્ષણોના થોડા સમય બાદ જ મહિલાના પતિને આતંકવાદીઓએ ગોળી મારી દીધી હતી. આ "છેલ્લો વીડિયો" જોઈને કોઈ પણ વ્યક્તિનું હૃદય દ્રવી ઉઠે તેમ છે.

Naah! Man this is so heartbreaking 💔 😭 (Last Video 💔 of Karnataka's Manjunath who was killed in the terrorist attack in Pahalgam)
pic.twitter.com/uvdjYkYdHC

— Ghar Ke Kalesh (@gharkekalesh) April 22, 2025

૫. સ્થાનિક કાશ્મીરીઓ દ્વારા મદદનો વીડિયો: આ વીડિયો પહલગામ હુમલા બાદનો છે. હુમલામાંથી બચીને પરત ફરી રહેલા પ્રવાસીઓ બસમાં બેઠેલા જોવા મળે છે. ત્યારે કેટલાક સ્થાનિક કાશ્મીરીઓ તે પ્રવાસીઓ પાસે આવીને તેમને સ્થાનિક ખાદ્યપદાર્થો અને પાણીની બોટલો આપે છે. તેઓ પ્રવાસીઓને પૂછી રહ્યા છે કે શું તેમને કોઈ જરૂર છે અને ભોજન માટે ત્યાં રોકાઈ શકે છે તેમ પણ કહી રહ્યા છે. મુશ્કેલીના સમયે સ્થાનિક કાશ્મીરીઓ દ્વારા દર્શાવવામાં આવેલી આ મદદ અને ઉષ્માભર્યા વ્યવહારના લોકો ખૂબ વખાણ કરી રહ્યા છે.

Local Kashmiris are offering free meals & accommodation to tourists; this is our culture, this is Kashmiriyat. What happened in Pahalgam has bled us all. We were all happy with the tourism flow. The enemies of peace ruined everything. They are not well-wishers of Kashmir or… pic.twitter.com/fVNAz5GQaK

— Salman Nizami (@SalmanNizami_) April 23, 2025

આ વાયરલ વીડિયો પહલગામ આતંકી હુમલાની ભયાવહતા અને તેના માનવીય પાસાઓને ઉજાગર કરે છે. તે આતંકવાદની ક્રૂરતાની સાથે સાથે મુશ્કેલીના સમયે સ્થાનિક લોકો દ્વારા દર્શાવવામાં આવતી માનવતા અને સહાનુભૂતિના દર્શ્યો પણ બતાવે છે. આ વીડિયો લાખો લોકો સુધી પહોંચ્યા છે અને તેમણે દેશભરમાં લાગણી અને ગુસ્સાની લહેર દોડાવી છે.

આ પણ વાંચો

‘ગૃહમંત્રીનો ફોન આવ્યો, ક્યાં છો, વિલંબ કર્યા વગર ફટાફટ આવો...’ - ઓવૈસીએ અમિત શાહ સાથે વાતચીતને લઈને કર્યો ખુલાસો

તણાવભર્યા માહોલ વચ્ચે BSFનો જવાન ભૂલથી પાક. સરહદ પાર કરી ગયો, PAK સેનાની કસ્ટડીમાં, જાણો હવે શું થશે?