Parliament Special Session: આજથી શરૂ થશે સંસદનું વિશેષ સત્ર, આ મુ્દાઓ પર થશે ચર્ચા, જાણો ક્યા બિલ કરાશે રજૂ ?
Parliament Special Session From Today: આ સત્રમાં સંસદની 75 વર્ષની સફરની ચર્ચા અને ચૂંટણી કમિશનરની નિમણૂક સહિત ચાર બિલ પર વિચાર કરવાનો પ્રસ્તાવ છે.
Parliament Special Session From Today: સોમવાર (18 સપ્ટેમ્બર)થી સંસદનું પાંચ દિવસનું સત્ર શરૂ થઈ રહ્યું છે. તેની જાહેરાત કરતી વખતે સરકારે તેને 'વિશેષ સત્ર' ગણાવ્યું હતું પરંતુ બાદમાં સ્પષ્ટતા કરવામાં આવી હતી કે તે નિયમિત સત્ર છે. આને વર્તમાન લોકસભાનું 13મું સત્ર અને રાજ્યસભાનું 261મું સત્ર ગણાવાયું છે. સત્ર 22 સપ્ટેમ્બર સુધી ચાલશે. આ સમયગાળા દરમિયાન ગૃહની કાર્યવાહી સવારે 11 વાગ્યાથી 1 વાગ્યા સુધી અને પછી બપોરે 2 વાગ્યાથી સાંજે 6 વાગ્યા સુધી ચાલુ રહેશે. આ સત્રમાં સંસદની 75 વર્ષની સફરની ચર્ચા અને ચૂંટણી કમિશનરની નિમણૂક સહિત ચાર બિલ પર વિચાર કરવાનો પ્રસ્તાવ છે.
કેવું હશે સંસદનું વિશેષ સત્ર?
આ સત્ર જૂના સંસદ ભવનમાં શરૂ થશે. બીજા દિવસે (19 સપ્ટેમ્બર) જૂના સંસદ ભવનમાં જ ફોટો સેશનનું આયોજન કરવામાં આવ્યું છે. તે જ દિવસે સવારે 11 વાગ્યે સેન્ટ્રલ હોલમાં એક કાર્યક્રમ યોજાનાર છે. જે બાદ સાંસદો નવા સંસદ ભવન પહોંચશે. નવી બિલ્ડીંગમાં 19મી સપ્ટેમ્બરે જ સત્રની બેઠક યોજાશે અને 20મી સપ્ટેમ્બરથી તેમાં નિયમિત કામગીરી શરૂ થશે. નોંધનીય છે કે રવિવારે (17 સપ્ટેમ્બર) સવારે ઉપરાષ્ટ્રપતિ અને રાજ્યસભાના અધ્યક્ષ જગદીપ ધનખડેએ નવા સંસદ ભવનમાં રાષ્ટ્રધ્વજ ફરકાવ્યો હતો.
વિશેષ સત્રમાં કયા મુદ્દાઓ પર ચર્ચા થશે અને કયા બિલ રજૂ થશે?
સત્રના સૂચિબદ્ધ એજન્ડાના મુખ્ય વિષયોમાંનો એક બંધારણ સભાથી શરૂ થતી સંસદની 75 વર્ષની સફરની ચર્ચા કરવાનો છે. સંસદ સુધીના પ્રવાસની ઉપલબ્ધિઓ, અનુભવો, યાદો અને શીખવા અંગે વિશેષ ચર્ચા થશે. મુખ્ય ચૂંટણી કમિશનર અને અન્ય ચૂંટણી કમિશનરોની નિમણૂક માટેની જોગવાઈઓ ધરાવતું બિલ પણ પસાર થવા માટે સૂચિબદ્ધ છે. તે ચોમાસુ સત્ર દરમિયાન રાજ્યસભામાં રજૂ કરવામાં આવ્યું હતું.
લોકસભા માટે સૂચિબદ્ધ અન્ય કાર્યોમાં એડવોકેટ્સ (એમેન્ડમેન્ટ) બિલ 2023, પ્રેસ એન્ડ જર્નલ્સ રજીસ્ટ્રેશન બિલ 2023નો સમાવેશ થાય છે, જે 3 ઓગસ્ટ, 2023ના રોજ રાજ્યસભામાં પસાર થઈ ચૂક્યું છે. આ સિવાય પોસ્ટ ઓફિસ બિલ 2023ને પણ લોકસભાની કાર્યવાહીમાં લિસ્ટ કરવામાં આવ્યું છે. આ બિલ 10 ઓગસ્ટ 2023ના રોજ રાજ્યસભામાં રજૂ કરવામાં આવ્યું હતું. કાર્યની યાદી કામચલાઉ છે અને તેમાં વધુ વિષયો ઉમેરી શકાય છે.
સરકાર પાસે લિસ્ટેડ એજન્ડા સિવાય સંસદમાં કેટલાક નવા કાયદા અથવા અન્ય વિષયો રજૂ કરવાનો વિશેષાધિકાર છે. જો કે, કોઈ સંભવિત નવા કાયદા અંગે સરકાર તરફથી કોઈ સત્તાવાર નિવેદન આવ્યું નથી. દરમિયાન, લોકસભા અને રાજ્યની વિધાનસભાઓ જેવી ચૂંટાયેલી વિધાનસભાઓમાં મહિલાઓ માટે અનામત સુનિશ્ચિત કરવા માટેના બિલ અંગે ચર્ચા જોરશોરથી ચાલી રહી છે.
સંસદના સત્ર દરમિયાન G20 સમિટની સફળતા, ચંદ્ર પર ચંદ્રયાન-3નું સોફ્ટ લેન્ડિંગ અને આઝાદીના 75 વર્ષ પૂર્ણ થવા પર પણ ચર્ચા થઈ શકે છે. એવી પણ અટકળો છે કે 'વન નેશન વન ઇલેક્શન' અને દેશનું નામ 'ઇન્ડિયા'થી બદલીને 'ભારત' કરવાનો પ્રસ્તાવ પણ આ સત્રમાં લાવવામાં આવી શકે છે.
ટોપ સ્ટોરી
ટ્રેન્ડિંગ સમાચાર
