Parliament Winter Session: લોકસભામાં આજે રજૂ થશે 'વન નેશન, વન ઇલેક્શન બિલ', મોદી સરકારે કરી છે આ તૈયારી

Parliament Winter Session: જ્યારે વિપક્ષે આ બિલનો વિરોધ કરવાની યોજના બનાવી છે. સૂત્રોનું માનીએ તો લોકસભામાં વિપક્ષ દ્વારા આ બિલને લઈને હોબાળો થઈ શકે છે

પ્રતિકાત્મક તસવીર

Source : PTI

Parliament Winter Session: લાંબી રાહ જોયા બાદ કેન્દ્ર સરકાર મંગળવારે (17 ડિસેમ્બર) શિયાળુ સત્ર દરમિયાન લોકસભામાં વન નેશન વન ઈલેક્શન બિલ રજૂ કરવા જઈ રહી છે. કાયદા મંત્રી અર્જુન મેઘવાલ બપોરે 12 વાગ્યે બિલ રજૂ કરશે. ભારતીય જનતા પાર્ટી (BJP)એ પણ તેના સાંસદો માટે વ્હીપ જાહેર કર્યો છે. સૂત્રોનું માનીએ તો સરકારના બિલને એનડીએના સાથી પક્ષોનું સમર્થન પણ મળ્યું છે, જ્યારે વિપક્ષે આ બિલનો વિરોધ કરવાની યોજના બનાવી છે.

BJP issues three-line whip to party members in Lok Sabha

Read @ANI Story | https://t.co/3TueuBvFAt#BJP #LokSabha #NirmalaSitharaman pic.twitter.com/TVwvymHtU1

— ANI Digital (@ani_digital) December 16, 2024

સૂત્રોનું માનીએ તો લોકસભામાં વિપક્ષ દ્વારા આ બિલને લઈને હોબાળો થઈ શકે છે. ગયા ગુરુવારે મોદી સરકારે એક મોટું પગલું ભર્યું અને ભારતમાં વન નેશન, વન ઇલેક્શન માટે કેન્દ્રીય કેબિનેટની બેઠકમાં કાયદા સંબંધિત બિલને મંજૂરી આપી હતી. સપ્ટેમ્બર મહિનાની શરૂઆતમાં કેબિનેટે પૂર્વ રાષ્ટ્રપતિ રામનાથ કોવિંદની ઉચ્ચ સ્તરીય સમિતિના પ્રસ્તાવોને પણ મંજૂરી આપી હતી.

વન નેશન, વન ઇલેક્શન કાયદો બને તો ચૂંટણી કેવી રીતે થશે?

સૂચિત કાયદા અનુસાર, તેને બે તબક્કામાં લાગુ કરવાની તૈયારી કરવામાં આવી રહી છે. પ્રથમ તબક્કામાં લોકસભા અને વિધાનસભાની ચૂંટણીઓ એક સાથે યોજાશે અને 100 દિવસમાં બીજા તબક્કામાં નગરપાલિકા અને પંચાયતોની ચૂંટણી યોજવાની તૈયારીઓ ચાલી રહી છે.

સરકારે આવી તૈયારીઓ કરી છે

હવે આ કાયદાને લાગુ કરવા માટે મંગળવારે (17 ડિસેમ્બર) કેન્દ્રીય કાયદા મંત્રી અર્જુન મેઘવાલ બપોરે 12 વાગ્યે કેન્દ્ર સરકાર તરફથી લોકસભામાં તેને રજૂ કરશે. આ માટે ભાજપે તેના તમામ સાંસદોને ગૃહમાં ફરજીયાતપણે હાજર રહેવા જણાવ્યું છે.

એવું માનવામાં આવે છે કે જો કોઈને બિલમાં હાજર કલમો અને તથ્યોને લઈને કોઈ વાંધો હોય તો સરકાર તેને સંસદીય સમિતિને મોકલી શકે છે. હાલમાં સરકારના ઘટક પક્ષોએ બિલને સમર્થન આપ્યું છે, જ્યારે વિપક્ષ રાજકીય કારણોસર આ બિલની વિરુદ્ધ છે. આ અંગે ગૃહમાં હોબાળો થઈ શકે છે. હાલમાં સરકારે લોકસભામાં બિલ પસાર કરવાની સંપૂર્ણ યોજના બનાવી છે.