PM Modi Kashmir Visit: ત્રીજી વખત PM બન્યા બાજ પહેલીવાર શ્રીનગર પહોંચ્યા નરેન્દ્ર મોદી, જણાવ્યું ક્યારે યોજાશે કાશ્મીરમાં ચૂંટણી
PM Modi Shrinagar Visit: વડાપ્રધાન નરેન્દ્ર મોદીની જમ્મુ-કાશ્મીરની આ મુલાકાત ઘણી મહત્વપૂર્ણ માનવામાં આવે છે. છેલ્લા કેટલાક દિવસોથી ઘાટીમાં આતંકવાદીઓ વિરુદ્ધ ઓપરેશન પૂરજોશમાં ચાલી રહ્યું છે.
PM Modi Jammu Kashmir Visit: વડાપ્રધાન નરેન્દ્ર મોદી આંતરરાષ્ટ્રીય યોગ દિવસ કાર્યક્રમમાં ભાગ લેવા માટે શુક્રવારે (20 જૂન) જમ્મુ અને કાશ્મીર પહોંચ્યા છે. પીએમ મોદીની આ કાશ્મીર મુલાકાત આતંકવાદી હુમલા વચ્ચે મહત્વપૂર્ણ માનવામાં આવે છે. કાશ્મીરની તેમની મુલાકાતને ધ્યાનમાં રાખીને, કડક સુરક્ષા વ્યવસ્થા કરવામાં આવી છે, વિસ્તારના દરેક ખૂણે મોટી સંખ્યામાં સુરક્ષા દળો તૈનાત કરવામાં આવ્યા છે.
#WATCH | Speaking at 'Empowering Youth, Transforming J&K' event in Srinagar, PM Modi says, "The changes we are seeing in Jammu & Kashmir today is the result of our work in the last 10 years." pic.twitter.com/b9gWUlBFwW
— ANI (@ANI) June 20, 2024
પ્રધાનમંત્રીએ શ્રીનગરમાં 'યુવા સશક્તિકરણ, જમ્મુ અને કાશ્મીરમાં પરિવર્તન' કાર્યક્રમને સંબોધિત કર્યો હતો. આ દરમિયાન તેમણે કહ્યું કે, "છેલ્લા ઘણા દાયકાઓથી ભારતને અસ્થિર સરકારો મળી અને આ અસ્થિરતાને કારણે જ્યારે ભારતે ટેક ઓફ કરવાનું ત્યારે તે થઈ શક્યું નહીં. આજે દેશ નવી ઊંચાઈઓ પર પહોંચી રહ્યો છે. તાજેતરમાં યોજાયેલી ચૂંટણીમાં જમ્મુ અને કાશ્મીરે પણ ઉત્સાહપૂર્વક ભાગ લીધો અને લોકશાહીના આ ઉત્સવમાં ભાગ લેનાર અને માનવતા, લોકશાહી અને કાશ્મીરિયતને સાચો અર્થ આપનારા લોકોને મળવા અહીં આવ્યો છું.
જમ્મુ-કાશ્મીરમાં વિધાનસભાની ચૂંટણી ક્યારે યોજાશે?
પીએમ મોદીએ કહ્યું, વિધાનસભા ચૂંટણીની તૈયારીઓ શરૂ થઈ ગઈ છે. તે દિવસ દૂર નથી જ્યારે ખીણ એક રાજ્ય તરીકે તેનું ભવિષ્ય નક્કી કરશે. આજે જમ્મુ-કાશ્મીરમાં ખરા અર્થમાં ભારતનું બંધારણ લાગુ કરવામાં આવ્યું છે અને આ બધું થઈ રહ્યું છે, કારણ કે દરેકને વિભાજિત કરતી કલમ 370ની દિવાલ હટી ગઈ છે અને આજે આપણે આ ચૂંટણીમાં લોકશાહીની જીત જોઈ રહ્યા છીએ, તમે છેલ્લા 35-40 વર્ષનો રેકોર્ડ તોડ્યો છે.
PM મોદીએ જમ્મુ-કાશ્મીરમાં અનામત અંગે શું કહ્યું?
તેમણે એમ પણ કહ્યું કે જમ્મુ-કાશ્મીરમાં આ પરિવર્તન કેન્દ્ર સરકારના 10 વર્ષના પ્રયાસોનું પરિણામ છે. પાકિસ્તાનથી આવેલા શરણાર્થીઓએ પણ પ્રથમ વખત મતદાન કર્યું હતું. વાલ્મિકી સમાજની વર્ષો જૂની માંગણી પૂર્ણ કરવામાં આવી હતી. પંચાયત, નગરપાલિકા અને મ્યુનિસિપલ કોર્પોરેશનમાં પ્રથમ વખત OBC અનામત લાગુ કરવામાં આવી છે. તેમણે વધુમાં કહ્યું કે હું દેશ માટે રાત-દિવસ જે કંઈ પણ કરી રહ્યો છું તે સારા ઈરાદાથી કરી રહ્યો છું. કાશ્મીરની અગાઉની પેઢીઓએ જે સહન કર્યું છે તેમાંથી બહાર નીકળવા માટે હું ખૂબ જ ઈમાનદારી અને સમર્પણ સાથે કામ કરી રહ્યો છું.
ટોપ સ્ટોરી
ટ્રેન્ડિંગ સમાચાર
