AAP ના ધારાસભ્ય અનમોલ ગગન માને આપ્યું રાજીનામું, અચાનક રાજકારણ છોડવાની જાહેરાત
આમ આદમી પાર્ટીના ખરડથી ધારાસભ્ય અને પૂર્વ મંત્રી અનમોલ ગગન માને ધારાસભ્ય પદેથી રાજીનામું આપી દીધું છે.
આમ આદમી પાર્ટીના ખરડથી ધારાસભ્ય અને પૂર્વ મંત્રી અનમોલ ગગન માને ધારાસભ્ય પદેથી રાજીનામું આપી દીધું છે. અનમોલ ગગન માને પોતાના સોશિયલ મીડિયા પર લખ્યું છે કે તેમનું દિલ ભારે છે પરંતુ તેમણે રાજકારણ છોડવાનો નિર્ણય લીધો છે. મારી શુભેચ્છાઓ પાર્ટી સાથે છે. મને આશા છે કે પંજાબ સરકાર લોકોની અપેક્ષાઓ પર ખરી ઉતરશે.
Anmol Gagan Maan resigns as a Punjab MLA, urges Speaker to accept her resignation. Also states that she is quitting politics. pic.twitter.com/OCTHlTmq4i
— ANI (@ANI) July 19, 2025
ગગન માનએ કહ્યું કે ધારાસભ્ય તરીકે તેમણે વિધાનસભા અધ્યક્ષને રાજીનામું આપી દીધું છે. રાજીનામું સ્વીકારવામાં આવે. આશા છે કે પંજાબ સરકાર લોકોની અપેક્ષાઓ પર ખરી ઉતરશે.
2020 માં પાર્ટીમાં જોડાયા
અનમોલ ગગન માન પંજાબ સરકારમાં પર્યટન મંત્રી રહી ચૂક્યા છે. પંજાબી ગાયિકાથી મંત્રી બનવા સુધીની અનમોલ ગગન માનની સફર ખૂબ જ રસપ્રદ છે. તેઓ 2020 માં આમ આદમી પાર્ટીમાં જોડાયા હતા. 2022ની વિધાનસભા ચૂંટણીમાં તેમણે શિરોમણી અકાલી દળના ઉમેદવાર રણજીત સિંહ ગિલને લગભગ 37718 મતોથી હરાવ્યા હતા. તેઓ 2022 ની વિધાનસભા ચૂંટણી જીતનારા સૌથી યુવા નેતાઓમાંના એક છે. અનમોલ ગગન માન પાર્ટીના પ્રચાર ગીતની રચના પણ કરી હતી.
મોડેલિંગ અને ગાયકીમાં નામ બનાવ્યું
અનમોલ ગગન માનનો જન્મ 1990 માં માનસામાં થયો હતો. તેમણે ચંદીગઢમાં અભ્યાસ કર્યો હતો. આ પછી, તેમણે પહેલા મોડેલિંગ અને પછી ગાયનમાં કારકિર્દી બનાવી. ગયા વર્ષે જૂનમાં તેમના લગ્ન એડવોકેટ શાહબાઝ સોહી સાથે થયા હતા.
એક દિવસ પહેલા, શિરોમણી અકાલી દળના વરિષ્ઠ નેતા અને રિયલ એસ્ટેટ ઉદ્યોગપતિ રણજીત સિંહ ગિલે અકાલી દળ છોડવાની જાહેરાત કરી હતી.
સુખપાલ ખૈરાએ નિશાન સાધ્યું
અનમોલ ગગન માનના રાજીનામા પર કોંગ્રેસ ધારાસભ્ય સુખપાલ ખૈરાએ પ્રતિક્રિયા આપી છે. સુરખપાલ ખૈરાએ ઇન્સ્ટાગ્રામ પર લખ્યું - અનમોલ ગગન માનનો રાજકારણ છોડવાનો નિર્ણય અરવિંદ કેજરીવાલના પૂર્ણ વિશ્વાસઘાતને દર્શાવે છે. માન આમ આદમી પાર્ટીની ઉપયોગ કરો અને ફેંકી દોની ગંદી રાજનીતિનો પહેલો ભોગ નથી બની, પરંતુ પ્રશાંત ભૂષણથી લઈને ગુરપ્રીત ઘુગ્ગી સુધીની યાદી લાંબી છે. ભગવંત માન સરકારના દિવસો ગણતરીના બાકી રહ્યા છે.
ટોપ સ્ટોરી
ટ્રેન્ડિંગ સમાચાર
