Rahul Gandhi Disqualification: રાહુલ ગાંધીનું સાંસદ પદ રદ, લોકસભા સચિવાલયે નોટિફિકેશન બહાર પાડ્યું

રાહુલ ગાંધીને મોટો ઝટકો લાગ્યો છે.

ફાઈલ તસવીર

Source : PTI

Rahul Gandhi: રાહુલ ગાંધીને મોટો ઝટકો લાગ્યો છે. રાહુલ ગાંધીનું સાંસદ પદ રદ કરવામાં આવ્યું છે. લોકસભા સચિવાલયે નોટિફિકેશન બહાર પાડ્યું છે. લોકસભા સચિવાલય દ્વારા આ સંદર્ભમાં સાત લાઇનની સૂચના જારી કરવામાં આવી છે. તેમાં જણાવાયું છે કે કેરળના વાયનાડના લોકસભાના સભ્ય રાહુલ ગાંધીને સુરતની ચીફ જ્યુડિશિયલ મેજિસ્ટ્રેટની કોર્ટે દોષિત ઠેરવ્યા બાદ લોકસભાના સભ્યપદેથી ગેરલાયક ઠેરવવામાં આવ્યા છે. આ ગેરલાયકાત તેના દોષિત ઠેરવવાના દિવસથી એટલે કે 23 માર્ચ, 2023થી લાગુ થશે. આ નિર્ણય બંધારણની કલમ 102 (1) (e) અને લોકોના પ્રતિનિધિત્વ અધિનિયમ, 1951ની કલમ 8 હેઠળ લેવામાં આવ્યો છે.

લોકસભાના મહાસચિવ ઉત્પલ કુમાર સિંહના નામે આ સૂચના જારી કરવામાં આવી છે. રાહુલ ગાંધી, રાષ્ટ્રપતિ સચિવાલય, વડાપ્રધાન સચિવાલય, રાજ્યસભા સચિવાલય, ચૂંટણી પંચ, કેન્દ્ર સરકારના તમામ મંત્રાલયો અને વિભાગો, મુખ્ય ચૂંટણી અધિકારી, કેરળ, લાયઝન ઓફિસર, ડાયરેક્ટોરેટ ઓફ એસ્ટેટ, સંસદ ભવનની એનેક્સી, NDMC સચિવ, ટેલિકોમને એક-એક નકલ તથા સંપર્ક અધિકારી અને લોકસભા સચિવાલયના તમામ અધિકારીઓ અને શાખાઓને આ અંગે જાણ કરી દેવામાં આવી છે.

Congress party's Rahul Gandhi disqualified as a Member of Lok Sabha from the date of his conviction in the criminal defamation case over his 'Modi surname' remark, March 23. pic.twitter.com/qmr9pRTtTh

— ANI (@ANI) March 24, 2023

શું છે મામલો

કોંગ્રેસ નેતા રાહુલ ગાંધી 2019માં દાખલ કરવામાં આવેલા માનહાનિના કેસમાં ગુરુવારે સુરતની કોર્ટમાં હાજર થયા હતા, કોર્ટે તેમને દોષિત જાહેર કરીને બે વર્ષની સંજા ફટકારીને દંડ કર્યો. જે બાદ રાહુલ ગાંધીએ અપીલમાં જવા માટે મુદત માંગી હતી અને જામીન પણ મળી ગયાં હતા. રાહુલ ગાંધી સાથે કે.સી.વેણુગોપલ પણ સુરત કોર્ટમાં પહોંચ્યા હતા. રાહુલ ગાંધીના વકીલ કિરિટ પાનવાલા પણ હાજર રહ્યા હતા, રાહુલ ગાંધી સામે ફરિયાદ કરનારા ભાજપ નેતા પૂર્ણેશ મોદી પણ હાજર રહ્યા હતા.

 સુરત કોર્ટમાં ભાજપના પુર્વ પ્રમુખ પુર્ણેશ મોદીએ રાહુલ ગાંધીના એક ભાષણમાં ઉપયોગ મોદીના કરેલા ઉપયોગ બાદ બદનક્ષીનો કેસ કરવામાં આવ્યો હતો. કર્ણાટકની ચૂંટણીમાં રાહુલ ગાંધીના નિવેદન બાદ કેસ કરનારા ભાજપના પૂર્વ પ્રમુખ અને ગુજરાત સરકારના પૂર્વ મંત્રી પુર્ણેશ મોદીએ કોર્ટના ચુકાદાને આવકાર્યો હતો. તેઓએ કહ્યું હતું કે, રાહુલ ગાંધીના ભાષણમાં દરેક ચોરની અટક મોદી હોય છે તેવું કહ્યું હતું તેના કારણે મોદી સમાજની બદનામી થતી હતી તેનાથી નારાજ થઈને અમે બદનક્ષીનો કેસ કરવામાં આવ્યો હતો. આ કોઈ રાજકીય મુદ્દો નથી અને કોર્ટે જે ચુકાદો આપ્યો છે તેને અમે આવકારીએ છીએ.