‘પીએમ મોદીનો મતલબ છે પનોતી’, રાહુલ ગાંધીનું વિવાદિત નિવેદન, ભાજપે કર્યો પલટવાર
Rahul Gandhi On PM Modi: રાજસ્થાનના જાલોરમાં રાહુલ ગાંધીએ કહ્યું કે આપણા ખેલાડીઓ ક્રિકેટ વર્લ્ડ કપ જીતી શક્યા હોત પરંતુ પનોતીએ તેમને હરાવ્યા હતા.
Rahul Gandhi Targets PM Modi: વર્લ્ડ કપ 2023 ની ફાઈનલ 19 રવિવારે ગુજરાતના અમદાવાદમાં ભારત અને ઓસ્ટ્રેલિયા વચ્ચે રમાઈ હતી, જેમાં ટીમ ઈન્ડિયાનો પરાજય થયો હતો. આ મેચ જોવા માટે વડાપ્રધાન નરેન્દ્ર મોદી પણ સ્ટેડિયમ પહોંચ્યા હતા. આવી સ્થિતિમાં ભારતીય ટીમની હાર બાદ કોંગ્રેસના સાંસદ રાહુલ ગાંધીએ પીએમ નરેન્દ્ર મોદીને 'પનોતી' કહ્યા છે.
શું કહ્યું હતું રાહુલ ગાંધીએ
રાજસ્થાનના જાલોરમાં રાહુલ ગાંધીએ કહ્યું કે આપણા ખેલાડીઓ ક્રિકેટ વર્લ્ડ કપ જીતી શક્યા હોત પરંતુ પનોતીએ તેમને હરાવ્યા હતા.જાહેર સભામાં કેટલાક લોકોએ પનૌતી-પનૌતીના નારા લગાવવાનું શરૂ કર્યું હતું. જેના પર રાહુલ ગાંધીએ કહ્યું, ટીવીવાળા આ નહીં કહે, પરંતુ જનતા જાણે છે
पनौती 😉 pic.twitter.com/kVTgt0ZCTs
— Congress (@INCIndia) November 21, 2023
ભાજપે કર્યો પ્રહાર
રાહુલ ગાંધીના આ નિવેદનને લઈને ભારતીય જનતા પાર્ટીએ તેમના પર પ્રહારો કર્યા છે અને તેમને તેમના નિવેદન માટે માફી માંગવા કહ્યું છે. આ અંગે ભાજપના નેતા રવિશંકર પ્રસાદે કહ્યું કે રાહુલ ગાંધી પીએમ મોદી માટે જે પ્રકારના શબ્દોનો ઉપયોગ કરી રહ્યા છે તે અભદ્ર છે. રાહુલ ગાંધીએ મોદીજીની માફી માંગવી પડશે. અન્યથા અમે તેને દેશમાં મોટો મુદ્દો બનાવીશું.
ફાઇનલમાં ભારતની હાર
અમદાવાદમાં 19 નવેમ્બરના રોજ ICC ક્રિકેટ વર્લ્ડ કપની ફાઈનલ મેચમાં ઓસ્ટ્રેલિયાએ ભારતને 6 વિકેટથી હરાવ્યું હતું. પ્રથમ બેટિંગ કરતા ભારતે 50 ઓવરમાં 240 રન બનાવ્યા હતા. ભારત માટે કેએલ રાહુલ અને વિરાટ કોહલીએ અડધી સદીની ઇનિંગ્સ રમી હતી.
આ સાથે જ 241 રનનો પીછો કરવા ઉતરેલી ઓસ્ટ્રેલિયન ટીમે 43 ઓવરમાં ટાર્ગેટ હાંસલ કરી લીધો હતો. ઓસ્ટ્રેલિયા માટે ઓપનિંગ બેટ્સમેન ટ્રેવિસ હેડે 120 બોલમાં 137 રન ફટકારીને પોતાની ટીમને વર્લ્ડ ચેમ્પિયન બનાવી હતી.
राजस्थान में हम 25 लाख रुपए का फ्री स्वास्थ्य बीमा दे रहे हैं। यहां हम 500 रुपए में रसोई गैस सिलेंडर दे रहे हैं।
— Congress (@INCIndia) November 21, 2023
हमारी योजनाओं का पैसा अडानी की जेब में नहीं जा रहा, इससे लाखों लोगों को फायदा मिल रहा है।
कांग्रेस और BJP में यही फर्क है।
: राजस्थान में @RahulGandhi जी pic.twitter.com/BPLi8UHpEW
ટોપ સ્ટોરી
ટ્રેન્ડિંગ સમાચાર
