Delhi Service Bill: દિલ્હી સર્વિસ બિલ રાજ્યસભામાં થયું પાસ, જાણો તરફેણમાં કેટલા પડ્યા વોટ
રાજ્યસભામાં કેન્દ્ર તરફથી લાવવામાં આવેલું દિલ્હી સર્વિસ બિલ પાસ થઈ ગયું છે. બિલના પક્ષમાં 131 અને વિરુદ્ધમાં 102 વોટ પડ્યા હતા.
Delhi Service Bill Passed Rajya Sabha: રાજ્યસભામાં કેન્દ્ર તરફથી લાવવામાં આવેલું દિલ્હી સર્વિસ બિલ પાસ થઈ ગયું છે. બિલના પક્ષમાં 131 અને વિરુદ્ધમાં 102 વોટ પડ્યા હતા. કેન્દ્ર સરકાર 19 મેના રોજ દિલ્હી સરકારમાં કાર્યરત અધિકારીઓની ટ્રાન્સફર-પોસ્ટિંગથી સંબંધિત એક વટહુકમ લાવી હતી. સુપ્રીમ કોર્ટે આ વટહુકમના તે નિર્ણયને પલટી નાખ્યો, જેમાં અધિકારીઓની ટ્રાન્સફર-પોસ્ટિંગનો અધિકારી દિલ્હી સરકારને અપાયો હતો. આ વિધેયકને લોકસભામાં મંજુરી મળી ગઈ છે અને તેને રાજ્યસભામાં રજુ કરાયું હતું.
રાજ્યસભામાં વિપક્ષના તમામ સુધારા પ્રસ્તાવોનો પરાજય થયો હતો. બિલ પર ચર્ચા દરમિયાન અમિત શાહ અને કોંગ્રેસ અધ્યક્ષ મલ્લિકાર્જુન ખડગે વચ્ચે ઉગ્ર દલીલ જોવા મળી હતી. અમિત શાહે રાજ્યસભામાં કહ્યું કે આ બિલનો હેતુ દિલ્હીમાં ભ્રષ્ટાચાર મુક્ત વહીવટ સુનિશ્ચિત કરવાનો છે. બિલની એક પણ જોગવાઈથી અગાઉ જે સિસ્ટમ હતી તેમાં એક ઈંચ પણ ફેરફાર થઈ રહ્યો નથી.
"સુપ્રીમ કોર્ટના આદેશનું ઉલ્લંઘન નથી"
તેમણે કહ્યું કે આ બિલ સુપ્રીમ કોર્ટના આદેશનું ઉલ્લંઘન કરતું નથી. અમે આ બિલ કેન્દ્રમાં સત્તા લાવવા માટે નહીં, પરંતુ કેન્દ્રને આપવામાં આવેલી સત્તા પર દિલ્હી યુટી સરકારના અતિક્રમણને કાયદાકીય રીતે રોકવા માટે લાવ્યા છીએ. ઘણા સભ્યો વતી કહેવામાં આવ્યું હતું કે કેન્દ્રે સત્તા પોતાના હાથમાં લેવાની છે. અમારે સત્તા લેવાની જરૂર નથી કારણ કે 130 કરોડ લોકોએ અમને સત્તા આપી છે.
અમિત શાહે બીજું શું કહ્યું?
અમિત શાહે કહ્યું કે ઘણી વખત કેન્દ્રમાં કોંગ્રેસની સરકાર હતી, પછી દિલ્હીમાં ભાજપની સરકાર હતી, ઘણી વખત કેન્દ્રમાં ભાજપની સરકાર હતી અને દિલ્હીમાં કોંગ્રેસની સરકાર હતી, તે સમયે ટ્રાન્સફર પોસ્ટિંગને લઈને ક્યારેય કોઈ વિવાદ નહોતો થયો. તે સમયે આ સિસ્ટમ દ્વારા નિર્ણયો લેવાતા હતા અને કોઈપણ મુખ્યમંત્રીને કોઈ સમસ્યા ન હતી.
Rajya Sabha passes National Capital Territory of Delhi (Amendment) Bill, 2023 pic.twitter.com/SjKwLoVKVB
— ANI (@ANI) August 7, 2023
કેન્દ્રીય મંત્રી શાહે કહ્યું, "હું દિલ્હીના શાસનના ઇતિહાસ વિશે પણ થોડું કહેવા માંગુ છું. આઝાદી પહેલા પણ ઘણા વર્ષોથી દિલ્હી એક યા બીજી રીતે દેશની સત્તાનું કેન્દ્ર રહ્યું છે. 1911માં દિલ્હી તહસીલ અને મહેરૌલી પોલીસ સ્ટેશન બંનેને અલગ કરીને રાજધાની બનાવવામાં આવી હતી. પાછળથી, 1919 અને 1935 ના કાયદાઓમાં, તે સમયની બ્રિટિશ સરકારે દિલ્હીને મુખ્ય કમિશનર પ્રાંત તરીકે ગણાવ્યું હતું. આઝાદીના સમયે, જ્યારે બંધારણ બનાવવાની પ્રક્રિયા થઈ, ત્યારે દિલ્હીની સ્થિતિ અંગે પટ્ટાભી સીતારમૈયા અને બાબાસાહેબ આંબેડકરની બનેલી સમિતિની રચના કરવામાં આવી હતી અને મુસદ્દા સમિતિએ દિલ્હીની સ્થિતિ વિશે વિગતવાર ચર્ચા કરી હતી. તેમણે કહ્યું, “પટ્ટાભી સીતારમૈયા સમિતિએ દિલ્હીને લગભગ રાજ્યનો દરજ્જો આપવાની ભલામણ કરી હતી, તે જ સમિતિની ચર્ચા દરમિયાન પંડિત નેહરુ, સરદાર પટેલ, સી. રાજગોપાલાચારી, ડૉ. રાજેન્દ્ર પ્રસાદ અને ડૉ. આંબેડકર જેવા નેતાઓએ આ અંગે અલગ-અલગ મંતવ્યો આપ્યા હતા. જુદી જુદી દલીલ આપીને વિરોધ કર્યો. ગૃહમંત્રીએ કહ્યું, “હું બંધારણના અંતિમ મુસદ્દાની સાથે 1949માં બંધારણ સભાના પ્રમુખને મોકલવામાં આવેલ ડૉ. આંબેડકરના અહેવાલનો ફકરો વાંચવા માંગુ છું. જ્યાં સુધી દિલ્હીનો સંબંધ છે, તે અમને લાગે છે કે ભારતની રાજધાની તરીકે દિલ્હી ભાગ્યે જ કોઈ સ્થાનિક વહીવટ હેઠળ મૂકી શકાય છે. યુનાઈટેડ સ્ટેટ્સ ઑફ અમેરિકામાં સંસદ પાસે રાજધાનીના સંદર્ભમાં સંપૂર્ણ કાયદાકીય સત્તા છે, તેવી જ રીતે ઑસ્ટ્રેલિયામાં પણ.
ટોપ સ્ટોરી
ટ્રેન્ડિંગ સમાચાર
