Elections 2024: RJDએ 22 ઉમેદવારોના નામ કર્યા જાહેર, પિતા લાલુ યાદવને કિડની આપનાર રોહિણીને મળી ટિકિટ
Lok Sabha Election 2024: આરજેડીએ બિહારમાં 22 સીટો માટે ઉમેદવારોની જાહેરાત કરી છે. જેમાં લાલુ યાદવની પુત્રી રોહિણી આચાર્ય અને આરજેડી નેતા રિતુ જયસ્વાલનું નામ સામેલ છે.
Lok Sabha Election 2024: આરજેડીએ બિહારમાં 22 સીટો માટે ઉમેદવારોની જાહેરાત કરી છે. જેમાં લાલુ યાદવની પુત્રી રોહિણી આચાર્ય અને આરજેડી નેતા રિતુ જયસ્વાલનું નામ સામેલ છે.
RJD releases a list of candidates for the upcoming Lok Sabha elections.
— ANI (@ANI) April 9, 2024
Rohini Acharya to contest from Saran, Misa Bharti to contest from Patliputra, Bima Bharti to contest from Purnea, Jai Prakash Yadav from Banka, Vijay Kumar Shukla from Vaishali. pic.twitter.com/6v29Qut47l
લોકસભા ચૂંટણીને ધ્યાનમાં રાખીને લાલુ પ્રસાદ યાદવની પાર્ટી આરજેડીએ મંગળવારે મોડી સાંજે ઉમેદવારોની યાદી જાહેર કરી. આ યાદીમાં બિહારની કુલ 22 બેઠકો માટે ઉમેદવારોના નામની જાહેરાત કરવામાં આવી છે. લોકસભાની ચૂંટણી લડવા જઈ રહેલી લાલુ યાદવની બંને દીકરીઓના નામ પણ આ યાદીમાં સામેલ છે. જેમાં રોહિણી આચાર્યને સારણથી અને મીસા ભારતીને પાટલીપુત્રથી ઉમેદવાર બનાવવામાં આવ્યા છે. આ સિવાય બીમા ભારતીને પણ સત્તાવાર રીતે પૂર્ણિયાથી ઉમેદવાર જાહેર કરવામાં આવ્યા છે. ભાજપે સારણથી રાજીવ પ્રતાપ રૂડીને ટિકિટ આપી છે. ભાજપે પાટલીપુત્રથી રામ કૃપાલ યાદવને પોતાના ઉમેદવાર બનાવ્યા છે.
RJDએ ગયાથી સર્વજીત પાસવાન, નવાદાથી શ્રવણ કુમાર કુશવાહe, સારણથી રોહિણી આચાર્ય, જમુઈથી અર્ચના રવિદાસ, બાકાંથી જય પ્રકાશ યાદવ, પૂર્ણિયાથી બીમા ભારતી, દરભંગાથી લલિત યાદવ અને સુપૌલથી ચંદ્રહાસ ચૌપાલને મેદાનમાં ઉતાર્યા છે.
આ સાથે પાલીપુત્રાથી મીસા ભારતી, વૈશાલીથી મુન્ના શુક્લા, ઔરંગાબાદથી અભય કુમાર કુશવાહ, હાજીપુરથી શિવચંદ્ર રામ, અરરિયાથી શાહનવાઝ આલમ, જહાનાબાદથી સુરેન્દ્ર પ્રસાદ, મુંગેરથી અનિતા દેવી મહતો, ઉજિયારપુરથી આલોક કુમાર મહતો, અર્જુન રાય સીતામઢી., મધુબનીથી અલી અશરફ ફાતમી, વાલ્મિકીનગરથી દીપક યાદવ, શિવહરથી રિતુ જયસ્વાલ અને મધેપુરાથી કુમાર ચંદ્ર દીપને ટિકિટ આપવામાં આવી છે.
ઉમેદવારોની યાદી જાહેર કરતાં RJDએ કહ્યું, રાષ્ટ્રીય અધ્યક્ષ લાલુ પ્રસાદ, જેમને પક્ષના કેન્દ્રીય અને રાજ્ય સંસદીય બોર્ડ દ્વારા ઉમેદવારોની પસંદગી કરવા અને નિર્ણયો લેવા માટે અધિકૃત છે, તેમણે આગામી લોકસભા ચૂંટણી માટે ઉમેદવારોના નામોને તેમની મંજૂરી આપી દીધી છે.
તમને જણાવી દઈએ કે બિહારમાં મહાગઠબંધન વચ્ચે સીટોની વહેંચણી કરવામાં આવી છે. રાજ્યમાં લોકસભાની કુલ 40 બેઠકો છે. આરજેડી સૌથી વધુ 26 સીટો પર ચૂંટણી લડી રહી છે. જ્યારે કોંગ્રેસને 9 બેઠકો આપવામાં આવી છે. ડાબેરીઓ પાંચ બેઠકો પર પોતાના ઉમેદવારો ઉભા રાખશે. જોકે, મુકેશ સાહની સાથે આવ્યા બાદ આરજેડીએ તેમની પાર્ટીને 3 સીટો આપી છે - ગોપાલગંજ, ઝાંઝરપુર અને મોતિહારી.
ટોપ સ્ટોરી
ટ્રેન્ડિંગ સમાચાર
