Rss On Rahul Gandhi: 'અમે તો મળવા માંગીએ છીએ', RSSએ કેમ રાહુલ ગાંધીને મોકલ્યો આ મેસેજ?

Rss On Rahul Gandhi: મથુરામાં મીટિંગના બીજા દિવસે દત્તાત્રેય હોસાબલેએ કહ્યું કે સંઘની કોંગ્રેસ સાથે કોઈ ખેંચતાણ નથી. તેમણે રાહુલ ગાંધીના 'મોહબ્બત કી દુકાન' અંગેના નિવેદન પર પણ પ્રતિક્રિયા આપી છે.

આરએસએસ

Source : PTI

Rss On Rahul Gandhi: ઉત્તર પ્રદેશના મથુરામાં આરએસએસ(RSS)ના અખિલ ભારતીય કાર્યકારી બોર્ડની બેઠક સમાપ્ત થઈ ગઈ છે, પરંતુ અહીં કંઈક એવું બન્યું છે જેના કારણે રાજકીય ઉત્તેજના જોર પકડવા લાગી છે. આ બેઠક દરમિયાન, સંઘના વડા મોહન ભાગવતે સમાજના તમામ વર્ગો સુધી પહોંચવા અને હિંદુ સમાજને એક રાખવા માટે પાણી, મંદિરો અને સ્મશાનગૃહો અંગેના ભેદભાવને સમાપ્ત કરવા માટે ઝડપી ગતિએ અભિયાન ચલાવવાની ચર્ચા કરી. આ બેઠકના છેલ્લા દિવસે આરએસએસમાં નંબર ટુ પદ પર રહેલા સરકાર્યવાહ દત્તાત્રેય હોસાબોલેએ રાહુલ ગાંધી અને કોંગ્રેસને લઈને નિવેદન આપ્યું હતું, જેના કારણે એક નવો સવાલ ઉભો થયો છે.

 અમારી કોંગ્રેસ સાથે કોઈ તકરાર નથી: RSS

લોકસભામાં વિપક્ષના નેતા રાહુલ ગાંધી ભારત જોડો યાત્રા દરમિયાન અને તે પહેલા RSS અને BJP પર પ્રહાર કરતા જોવા મળ્યા હતા. વર્ષ 2024માં સાંસદ તરીકે ચૂંટાયા બાદ તેમણે લોકસભામાં કહ્યું હતું કે ભાજપ અને આરએસએસ આખો હિન્દુ સમાજ નથી. તેણે ભારત જોડો યાત્રા દરમિયાન અનેકવાર ઉલ્લેખ કર્યો કે તે નફરતના બજારમાં પ્રેમની દુકાન ખોલવા આવ્યા છે. વાસ્તવમાં દત્તાત્રેય હોસાબલેએ સંઘની આ બેઠકમાં કહ્યું હતું કે કોંગ્રેસ સાથે અમારો કોઈ મતભેદ નથી. તેમણે કહ્યું, અમે અને અમારા સંઘના લોકો સમાજના તમામ લોકોને મળીએ છીએ. હું આખા વર્ષ દરમિયાન અન્ય પક્ષોના લોકોને મળું છું.

હું આરએસએસના હેડક્વાર્ટર  ન જઈ શકું - રાહુલ ગાંધી

લોકસભા ચૂંટણી પહેલા જ્યારે વરુણ ગાંધી કોંગ્રેસમાં જોડાઈ શકે છે તેવી જોરદાર ચર્ચા ચાલી રહી હતી ત્યારે રાહુલ ગાંધીએ તે સમયે કહ્યું હતું કે, તેમણે આરએસએસની વિચારધારા અપનાવી છે. તમે મારું ગળું કાપી નાખો તો પણ હું આરએસએસમાં જોડાઈ નહીં શકું.

આરએસએસ રાહુલ ગાંધીને મળવા માંગે છે

હોસાબલેએ જણાવ્યું હતું કે જ્યાં શાખા નથી ત્યાં સમાજના લોકો ભેગા થાય છે અને પોતાની વચ્ચે ભાઈચારો અને હિન્દુ સંસ્કૃતિ શીખવવાનું કામ કરે છે. કોંગ્રેસ નેતા રાહુલ ગાંધી તરફ ઈશારો કરતા દત્તાત્રેય હોસબોલેએ કહ્યું, સમાજમાં નફરતની કોઈ જરૂર નથી. તમે નફરતના બજારમાં પ્રેમની દુકાન ચલાવવા માંગો છો, પણ અમને મળવા નથી માંગતા. અમે તો મળવા ઈચ્છીએ છીએ. સંઘના લોકો બધાને મળે છે.

આ પણ વાંચો...