'PM મોદીના હસ્તક્ષેપ વિના વાપસી સંભવ નહોતી', ભારત પરત ફરેલા પૂર્વ નૌસૈનિકોએ 'ભારત માતા કી જય'ના નારા લગાવ્યા
Qatar Indian Navy Veterans: નૌકાદળના પૂર્વ અધિકારીએ પરત ફરતી વખતે કહ્યું કે પીએમ મોદીના હસ્તક્ષેપ વિના અમારા માટે ફરી પાછા આવવું શક્ય નહોતું.
Qatar Indian Navy Veterans: ભારતને મોટી કૂટનીતિક જીત મળી છે. જાસૂસીના આરોપમાં કતારની જેલમાં બંધ આઠ ભૂતપૂર્વ ભારતીય નૌસૈનિકોને મુક્ત કરવામાં આવ્યા છે. હવે વિદેશ મંત્રાલયે કહ્યું કે તેઓને મુક્ત કરવામાં આવ્યા છે અને આ પૂર્વ નૌસૈનિકોમાંથી સાત ભારત પરત પાછા ફર્યા છે. કહેવામાં આવી રહ્યું છે કે કતારથી પરત ફરી રહેલા પૂર્વ સૈનિકોએ પોતાની જમીન પર પાછા ફરતા જ ભારત માતા કી જયના નારા લગાવ્યા હતા.
"Wouldn't have been possible...": Freed Navy vets chant 'Bharat Mata Ki Jai', praise PM Modi on return from Qatar
— ANI Digital (@ani_digital) February 12, 2024
Read @ANI Story | https://t.co/iHX8v7V00r#India #Qatar #IndianNavy pic.twitter.com/CV7SAyOfdT
PM મોદી વિના મુક્તિ શક્ય નહોતીઃ પૂર્વ નૌસેના અધિકારી
કતારથી ભારત પરત આવેલા નૌકાદળના પૂર્વ અધિકારીએ પરત ફરતી વખતે કહ્યું કે પીએમ મોદીના હસ્તક્ષેપ વિના અમારા માટે ફરી પાછા આવવું શક્ય નહોતું. ભારત સરકારે અમારી મુક્તિ માટે સતત પ્રયાસો કર્યા હતા. કતારથી પરત આવેલા નૌકાદળના એક પૂર્વ સૈનિકનું કહેવું છે કે, અમે ભારત પાછા આવવા માટે લગભગ 18 મહિના સુધી રાહ જોઈ. અમે પીએમના ખૂબ જ આભારી છીએ. તેમના અંગત હસ્તક્ષેપ અને કતાર સાથેના તેમના સમીકરણ વિના આ શક્ય બન્યું ન હોત. અમે ભારત સરકાર દ્વારા કરવામાં આવેલા દરેક પ્રયાસો માટે હૃદયપૂર્વક આભારી છીએ અને તે પ્રયત્નો વિના આ દિવસ શક્ય ન હોત.
#WATCH | Delhi: One of the Navy veterans who returned from Qatar says, "It wouldn't have been possible for us to stand here without the intervention of PM Modi. And it also happened due to the continuous efforts of the Government of India." pic.twitter.com/bcwEWvWIDK
— ANI (@ANI) February 12, 2024
વિદેશ મંત્રાલયે ખુશી વ્યક્ત કરી
ભૂતપૂર્વ સૈનિકોની મુક્તિ અંગે માહિતી આપતા વિદેશ મંત્રાલયે જણાવ્યું હતું કે, ભારત સરકાર કતારમાં અટકાયતમાં આવેલા અલ દહરા ગ્લોબલ કંપની માટે કામ કરતા આઠ ભારતીય નાગરિકોની મુક્તિને આવકારે છે. તે આઠમાંથી સાત લોકો ભારત પરત ફર્યા છે. અમે કતારના અમીર શેખના આ નાગરિકોની મુક્તિ અને ઘરે પરત ફરવાના નિર્ણયની પ્રશંસા કરીએ છીએ. ભારતીય નૌકાદળના આઠ ભૂતપૂર્વ સૈનિકોમાં કેપ્ટન નવતેજ સિંહ ગિલ, કેપ્ટન સૌરભ વશિષ્ઠ, કમાન્ડર પૂર્ણેન્દુ તિવારી, કેપ્ટન બિરેન્દ્ર કુમાર વર્મા, કમાન્ડર સુગુનાકર પકાલા, કમાન્ડર સંજીવ ગુપ્તા, કમાન્ડર અમિત નાગપાલ અને નાવિક રાકેશનો સમાવેશ થાય છે. જેઓ કતારમાં અલ દાહરા ગ્લોબલ ટેક્નોલોજીસ એન્ડ કન્સલ્ટન્સીમાં કામ કરતા હતા, જે સેવાઓ અને સંરક્ષણ સેવાઓ આપતી કંપની છે.
#WATCH | Delhi: One of the Navy veterans who returned from Qatar says, "We waited almost for 18 months to be back in India. We are extremely grateful to the PM. It wouldn't have been possible without his personal intervention and his equation with Qatar. We are grateful to the… pic.twitter.com/5DiBC0yZPd
— ANI (@ANI) February 12, 2024
ગયા વર્ષે ફાંસીની સજા સંભળાવવામાં આવી હતી
નોંધનીય છે કે આ તમામ આઠ ભૂતપૂર્વ ભારતીય સૈનિકોની ઓગસ્ટ 2022માં જાસૂસીના આરોપમાં ધરપકડ કરવામાં આવી હતી અને 26 ઓક્ટોબર, 2023ના રોજ કતારની એક કોર્ટે તમામને મૃત્યુદંડની સજા સંભળાવી હતી. આ પછી ભારત સરકારે નાગરિકોની મુક્તિ માટે કાયદાકીય વિકલ્પો શોધવાનું શરૂ કર્યું. આ પછી, 1 ડિસેમ્બર, 2023 ના રોજ દુબઈમાં COP28 સમિટ દરમિયાન વડાપ્રધાન નરેન્દ્ર મોદી અને કતારના અમીર શેખ તમીમ બિન હમાદ અલ-થાની વચ્ચેની મુલાકાત પછી ભૂતપૂર્વ સૈનિકોની મોતની સજાને આજીવન કેદમાં ફેરવવામાં આવી હતી.
ટોપ સ્ટોરી
ટ્રેન્ડિંગ સમાચાર
