નાયબ મુખ્યમંત્રી અજિત પવારનું ટ્વિટ- હું NCPમાં છું અને રહીશ, શરદ પવાર જ અમારા નેતા

તેમણે વડાપ્રધાન મોદીના ટ્વિટનો જવાબ આપતા કહ્યુ હતું કે, તે મહારાષ્ટ્રમાં સ્થાયી સરકાર આપશે.

મુંબઇઃ મહારાષ્ટ્રના નાયબ મુખ્યમંત્રી અજિત પવારે ફરી એકવાર કહ્યુ કે ભાજપ અને એનસીપીના ગઠબંધનની સરકાર આગામી પાંચ વર્ષ સુધી રાજ્યમાં સ્થિર સરકાર આપશે. આ સાથે જ તેમણે કહ્યું કે, તે એનસીપીમાં છે અને હંમેશા એનસીપીમાં જ રહેશે અને શરદ પવાર સાહેબ અમારા નેતા છે. અજિત પવારે થોડી મિનિટોમાં જ અનેક ટ્વિટ કર્યા હતા. તેમણે વડાપ્રધાન મોદીના ટ્વિટનો જવાબ આપતા કહ્યુ હતું કે, તે મહારાષ્ટ્રમાં સ્થાયી સરકાર આપશે.

There is absolutely no need to worry, all is well. However a little patience is required. Thank you very much for all your support.

— Ajit Pawar (@AjitPawarSpeaks) November 24, 2019

અજિત પવારે કહ્યું કે, હું એનસીપીમાં છું અને રહીશ. શરદ પવાર અમારા નેતા છે. અમારું ભાજપ અને એનસીપી ગઠબંધન મહારાષ્ટ્રમાં આગામી પાંચ વર્ષ સુધી સ્થિર સરકાર આપશે. આ સરકાર રાજ્ય અને લોકોના કલ્યાણ માટે ગંભીરતાથી કામ કરશે.

I am in the NCP and shall always be in the NCP and @PawarSpeaks Saheb is our leader.

Our BJP-NCP alliance shall provide a stable Government in Maharashtra for the next five years which will work sincerely for the welfare of the State and its people. — Ajit Pawar (@AjitPawarSpeaks) November 24, 2019

અજિત પવારે એક અન્ય ટ્વિટમાં લખ્યું કે, અહી ચિંતા કરવાની કોઇ જરૂર નથી. અહી બધુ ઠીક છે. જોકે, થોડી ધીરજ રાખવાની જરૂર છે. તમારા સમર્થન માટે સૌ કોઇનો આભાર માનું છું. અજિત પવારે ટ્વિટર પર વડાપ્રધાન મોદી, અમિત શાહ સહિતના ભાજપના નેતાઓનો આભાર માન્યો હતો.