Jammu and Kashmir: ભારતીય સેનાને મળી મોટી સફળતા, PM મોદીના જમ્મુ-કાશ્મીર પ્રવાસ પહેલા 3 આતંકી ઠાર

Jammu Kashmir Elections 2024: જમ્મુ અને કાશ્મીર વિધાનસભા ચૂંટણીને ધ્યાનમાં રાખીને, વડા પ્રધાન નરેન્દ્ર મોદી શનિવારે ડોડામાં જાહેર સભાને સંબોધશે.

બારામુલ્લામાં બે આતંકી ઠાર

Source : PTI

Jammu Kashmir Elections 2024: જમ્મુ-કાશ્મીરના બારામુલ્લામાં સુરક્ષા દળોને એન્કાઉન્ટરમાં મોટી સફળતા મળી છે. શનિવારે (14 સપ્ટેમ્બર, 2024) સવારે સ્થાનિક પોલીસે પુષ્ટિ કરી કે, ભારતીય સેના અને જમ્મુ અને કાશ્મીર પોલીસ વચ્ચેના સંયુક્ત ઓપરેશનમાં ત્રણ આતંકવાદીઓ માર્યા ગયા છે. હાલ ઓપરેશન ચાલુ છે. કારણ કે ઈન્ટેલિજન્સ ઈનપુટ્સ દ્વારા મળેલી માહિતીમાં જાણવા મળ્યું છે કે હજુ કેટલાક આતંકવાદીઓ ત્યાં છુપાયેલા છે. જેથી આ સમાચાર બાદ 13-14 સપ્ટેમ્બરની વચ્ચેની રાત્રે ચક ટપ્પર ક્રીરી વિસ્તારમાં એક ઓપરેશન હાથ ધરવામાં આવ્યું હતું. વાસ્તવમાં બારામુલ્લામાં સુરક્ષા દળો અને આતંકવાદીઓ વચ્ચે રાત્રે અથડામણ શરૂ થઈ હતી, જે આખી રાત ચાલુ રહી. આ અંગે અધિકારીઓના જણાવ્યું કે, આ વિસ્તારમાં બેથી ત્રણ આતંકીઓ છુપાયેલા છે. આતંકીઓને ઠાર મારવાનું ઓપરેશન હાલમાં ચાલી રહ્યું છે.

બારામુલ્લામાં આતંકવાદીઓ સામે સુરક્ષા દળોને સફળતા મળી જ્યારે શુક્રવારે યુટીના કિશ્તવાડમાં એક અથડામણમાં જેસીઓ સહિત બે સૈનિકો શહીદ થયા. અધિકારીઓના જણાવ્યા અનુસાર, છતરુ પોલીસ સ્ટેશન વિસ્તારના નૈદગામ ગામના ઉપરના વિસ્તારોમાં પિંગનાલ દુગડ્ડા જંગલ વિસ્તારમાં સુરક્ષા દળોના સર્ચ પાર્ટીઓ અને છુપાયેલા આતંકવાદીઓ વચ્ચે એન્કાઉટર થયું હતું. જેમાં સેનાના ચાર જવાનો ઘાયલ થયા હતા અને તેમાંથી બે જેસીઓ નાયબ સુબેદાર વિપન કુમાર અને કોન્સ્ટેબલ અરવિંદ સિંહનું સારવાર દરમિયાન મોત થયું હતું.

જમ્મુ-કાશ્મીરના આ વિસ્તારોમાં 2 મહિનાથી આતંકવાદી હુમલા થઈ રહ્યા છે

તમને જણાવી દઈએ કે, જમ્મુ ડિવિઝનના પુંછ, રાજૌરી, ડોડા, કઠુઆ, રિયાસી અને ઉધમપુરના પહાડી જિલ્લાઓમાં બે મહિનાથી વધુ સમયથી સેના, સુરક્ષા દળો અને નાગરિકો પર આતંકવાદી હુમલાઓ થઈ રહ્યા છે. આતંકવાદીઓ અચાનક હુમલો કરે છે અને પછી પર્વતીય વિસ્તારોના જંગલોમાં ગાયબ થઈ જાય છે. આ હુમલા માટે વિદેશી આતંકવાદીઓનું એક જૂથ જવાબદાર હોવાનું કહેવાય છે. આ આતંકીઓની સંખ્યા 40 થી 50 છે. અહેવાલ બાદ, સેનાએ તે જિલ્લાઓના ગીચ જંગલ વિસ્તારોમાં ચુનંદા પેરા કમાન્ડો અને પર્વતીય યુદ્ધમાં તાલીમ પામેલા સૈનિકો સહિત 4,000 થી વધુ પ્રશિક્ષિત સૈનિકોને તૈનાત કર્યા છે.

ચૂંટણીને ધ્યાનમાં રાખીને પીએમ નરેન્દ્ર મોદી આજે ડોડાની મુલાકાતે 

કેન્દ્રશાસિત પ્રદેશ (UT)માં આવી આતંકવાદી ગતિવિધિઓ પણ મહત્વની અને ચિંતાજનક છે કારણ કે ત્યાં વિધાનસભાની ચૂંટણી યોજાવાની છે. વડાપ્રધાન નરેન્દ્ર મોદી શનિવારે યુટીની મુલાકાત લેશે. તેઓ ડોડાના સ્પોર્ટ્સ સ્ટેડિયમમાં ચૂંટણી જાહેર સભાને સંબોધશે. ચૂંટણીની જાહેરાત બાદ યુટીમાં પીએમની આ પહેલી રેલી હશે. આ પછી તેઓ 19 સપ્ટેમ્બરે શ્રીનગર પણ જશે. કેન્દ્રીય મંત્રી અને બીજેપી ચૂંટણી પ્રભારી (જમ્મુ અને કાશ્મીર) એ કહ્યું કે છેલ્લી વખત દેશના કોઈ વડાપ્રધાને 1982માં ડોડાની મુલાકાત લીધી હતી. જમ્મુ અને કાશ્મીરમાં ત્રીજા અને અંતિમ તબક્કામાં બારામુલ્લા, કુપવાડા અને બાંદીપોરા જિલ્લામાં 1 ઓક્ટોબર, 2024ના રોજ મતદાન થશે.

આ પણ વાંચો...