આવતીકાલનું હવામાન: આગામી 48 કલાકમાં 12 રાજ્યોમાં વાવાઝોડા અને વરસાદની આગાહી

એક તરફ દિલ્હી-UP સહિત ઉત્તર ભારતમાં આકરા તાપની એલર્ટ, તો પૂર્વોત્તર રાજ્યોમાં ભારે વરસાદ.

Tomorrow's Weather April 22

Source : ai

Show Quick Read

Key points generated by AI, verified by newsroom

• દેશના ૧૨ રાજ્યોમાં ભારે વરસાદ, તોફાની પવનની આગાહી.
• ઉત્તર અને મધ્ય ભારતમાં આગામી ૩-૪ દિવસ હીટવેવ.
• પૂર્વી રાજ્યોમાં ૫૦-૭૦ કિમી/કલાકની ઝડપે પવન ફૂંકાશે.
• દિલ્હી, યુપી, બિહારમાં ગરમી યથાવત, મેદાની વિસ્તારોમાં વરસાદ.

Weather Update: દેશભરમાં અત્યારે હવામાનનો બેવડો માર જોવા મળી રહ્યો છે. એપ્રિલ મહિનામાં જ કાળઝાળ ગરમી લોકોનો પરસેવો છોડાવી રહી છે. ત્યાં જ બીજી તરફ, ભારતીય હવામાન વિભાગ (IMD) એ આગામી 48 કલાક માટે દેશના 12 રાજ્યોમાં ભારે વરસાદ અને વાવાઝોડાની આગાહી કરી છે. હવામાન વિભાગના લેટેસ્ટ અપડેટ મુજબ, પૂર્વોત્તરના કેટલાક વિસ્તારોમાં 50 થી 70 કિલોમીટર પ્રતિ કલાકની ઝડપે પવન ફૂંકાશે. જ્યારે દિલ્હી, UP અને પંજાબ સહિત ઉત્તર અને મધ્ય ભારતના રાજ્યોમાં આગામી 3 થી 4 દિવસ સુધી ભીષણ હીટવેવ (લૂ) ની આગાહી કરવામાં આવી છે. ચાલો જાણીએ આવતીકાલે 22 એપ્રિલે અને આગામી દિવસોમાં દેશનું હવામાન કેવું રહેશે.

આ રાજ્યોમાં વાવાઝોડા સાથે વરસાદની આગાહી

હવામાન વિભાગના જણાવ્યા અનુસાર, 21 થી 25 એપ્રિલ દરમિયાન અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં ગાજવીજ સાથે ભારે વરસાદ ખાબકી શકે છે. ખાસ કરીને આસામ અને મેઘાલયમાં 50 થી 70 કિમી/કલાકની ઝડપે તોફાની પવન ફૂંકાવાની શક્યતા છે. આ ઉપરાંત, જમ્મુ-કાશ્મીર, લદ્દાખ અને હિમાચલ પ્રદેશમાં 25 અને 26 એપ્રિલના રોજ હળવાથી મધ્યમ વરસાદની આગાહી છે. એક નવા વેસ્ટર્ન ડિસ્ટર્બન્સના કારણે પશ્ચિમી હિમાલય ક્ષેત્રમાં પણ હવામાનમાં પલટો આવી શકે છે.

मौसम संबंधी चेतावनी

मुख्य बिंदु

(i) पंजाब, हरियाणा और उत्तर प्रदेश में जारी उष्ण लहर की स्थिति अगले तीन दिनों तक बनी रहेगी और धीरे-धीरे पूर्वी भारत और उससे सटे मध्य भारत की ओर भी फैलने की संभावना है।

(ii) इस सप्ताह के दौरान पूर्वोत्तर और पूर्वी भारत के कुछ हिस्सों में छिटपुट… pic.twitter.com/7Y9LTbq5V2

— India Meteorological Department (@Indiametdept) April 21, 2026

દિલ્હી, હરિયાણા અને UP માં હીટવેવનો પ્રકોપ

બીજી તરફ, દેશના મોટાભાગના રાજ્યોમાં આકરી ગરમી પડી રહી છે અને તાપમાન 40 થી 45 ડિગ્રી સેલ્સિયસ વચ્ચે રમી રહ્યું છે. ઉત્તર પ્રદેશનો પ્રયાગરાજ જિલ્લો 44 ડિગ્રી તાપમાન સાથે દેશમાં સૌથી ગરમ નોંધાયો હતો.

21 થી 24 એપ્રિલ દરમિયાન હરિયાણા, ચંદીગઢ, દિલ્હી અને પંજાબના વિસ્તારોમાં આકરા હીટવેવ (ગરમીના મોજા) ની આગાહી છે.

22 થી 25 એપ્રિલ સુધી પૂર્વી UP, પશ્ચિમી UP, મધ્ય પ્રદેશ, ઓડિશા અને રાજસ્થાનમાં પણ લૂ નો કહેર જોવા મળશે.

દિલ્હી, UP અને બિહારની ખાસ સ્થિતિ:

દિલ્હી: રાજધાની દિલ્હીમાં તાપમાન 40 ડિગ્રીને પાર પહોંચી ગયું છે. 24 એપ્રિલ સુધી અહીં હવામાન સાફ રહેશે પણ ગરમીનો પારો 42 થી 44 ડિગ્રી સુધી પહોંચી જવાની સંભાવના છે.

ઉત્તર પ્રદેશ: પૂર્વી UP ના વારાણસી, ગોરખપુર, કાનપુર અને લખનૌ જેવા શહેરોમાં તાપમાન 42 ડિગ્રી વટાવી ચૂક્યું છે. આગામી 2 દિવસ અહી ગરમી હજુ વધશે તેવી ચેતવણી છે.

બિહાર: આગામી 2 દિવસ બિહારમાં ગરમી ખૂબ પરેશાન કરશે, જોકે 24 અને 25 એપ્રિલે પટના સહિત કેટલાક વિસ્તારોમાં વાદળછાયું વાતાવરણ અને હળવો વરસાદ રાહત આપી શકે છે.

પહાડી રાજ્યોનું હવામાન:

ઉત્તરાખંડના મેદાની વિસ્તારો (જેમ કે દેહરાદૂન) માં તાપમાન 39 ડિગ્રી સુધી પહોંચી શકે છે, જ્યારે ઔલી જેવા પહાડી વિસ્તારોમાં 28 ડિગ્રી આસપાસ તાપમાન રહેશે. હિમાચલ પ્રદેશમાં 3 દિવસ હવામાન સામાન્ય રહેશે, શિમલામાં પારો 27 ડિગ્રી આસપાસ રહેશે, પરંતુ 25 અને 26 એપ્રિલે વરસાદ અને હિમવર્ષા થવાની સંભાવના છે.

આ પણ વાંચો

બે સિસ્ટમ સક્રિય થતાં ગુજરાતમાં વરસાદ ભુક્કા કાઢશે, ભર ઉનાળે આ વિસ્તારમાં માવઠાની આગાહી