![ABP Premium](https://cdn.abplive.com/imagebank/Premium-ad-Icon.png)
UP Nikay Chunav 2023: વારણસીમાં એક આદમીના 48 ‘બાળકો’, વોટર લિસ્ટમાં તમામનું નામ, જાણો પૂરો મામલો
48 મતદારોના પિતા/પતિનું નામ મતદાર યાદીમાં સમાન છે. હવે આ મતદાર યાદી સમગ્ર શહેરમાં ચર્ચાનો વિષય બની છે.
![UP Nikay Chunav 2023: વારણસીમાં એક આદમીના 48 ‘બાળકો’, વોટર લિસ્ટમાં તમામનું નામ, જાણો પૂરો મામલો UP Nikay Chunav 2023: 48 'children' of a man in Varanasi, name of all in voter list, know full case UP Nikay Chunav 2023: વારણસીમાં એક આદમીના 48 ‘બાળકો’, વોટર લિસ્ટમાં તમામનું નામ, જાણો પૂરો મામલો](https://feeds.abplive.com/onecms/images/uploaded-images/2023/05/05/ee7b96c54126beee74a2aeb433c5678b168327282448776_original.jpg?impolicy=abp_cdn&imwidth=1200&height=675)
UP Nikay Chunav 2023: ઉત્તર પ્રદેશમાં મહાનગરપાલિકા ચૂંટણીના પ્રથમ તબક્કામાં ગુરુવારે 37 જિલ્લાઓમાં મતદાન થયું હતું. આ દરમિયાન વારાણસીમાં એક વિચિત્ર મતદાર યાદી જોવા મળી હતી. આ યાદીમાં 48 બાળકોના પિતાનું એક જ નામ છે. મતદાર યાદી સામે આવ્યા બાદ લોકો તેને સોશિયલ મીડિયા પર શેર કરી રહ્યા છે. યાદીમાં તમામ મતદારોની સામે પિતા/પતિનું એક જ નામ લખવામાં આવ્યું છે.
વારાણસી મહાનગરપાલિકામાં ચૂંટણી દરમિયાન વિચિત્ર કિસ્સો સામે આવ્યો છે. અહીં મતદાર યાદીમાં 48 બાળકોની સામે માત્ર એક જ વ્યક્તિનું નામ દેખાય છે. 48 મતદારોના પિતા/પતિનું નામ મતદાર યાદીમાં સમાન છે. હવે આ મતદાર યાદી સમગ્ર શહેરમાં ચર્ચાનો વિષય બની છે. લોકો હવે તેને સોશિયલ મીડિયા પર શેર કરી રહ્યા છે. સોશિયલ મીડિયા યૂઝર્સ આ લિસ્ટને જોયા પછી તેમની પ્રતિક્રિયા આપી રહ્યા છે. આ મતદાર યાદી સોશિયલ મીડિયા પર પણ વાયરલ થઈ રહી છે.
આ પરંપરાને કારણે એક પિતા
મતદાર યાદીમાં 48 બાળકોની આગળ પિતા અને પતિના નામે સ્વામી રામકમલ દાસનું નામ લખવામાં આવ્યું છે. યાદીમાં હાજર રામકમલ દાસના 10 બાળકોની ઉંમર 37 વર્ષ છે. જ્યારે પાંચ બાળકોની ઉંમર 39 વર્ષ છે. સ્વામી રામકમલ દાસના પ્રતિનિધિના જણાવ્યા અનુસાર, ગુરુ શિષ્ય પરંપરાને કારણે લોકો તેમના પિતા તરીકે ગુરુ રામ કમલનું નામ નોંધાવી રહ્યા છે. પરંતુ હવે આ ગરબડ વારાણસીના ભેલુપુર વોર્ડમાં નગર પાલિકાની ચૂંટણીમાં મતદાન દરમિયાન સામે આવી છે.
નગર પાલિકા ચૂંટણીના પ્રથમ તબક્કામાં રાજ્યના 37 જિલ્લાઓમાં 52 ટકા મતદાન થયું છે. રાજ્યના ચૂંટણી કમિશનર મનોજ કુમારે મોડી સાંજે જણાવ્યું હતું કે પ્રથમ તબક્કાનું મતદાન સવારે 7 વાગ્યે શરૂ થયું હતું અને સાંજે 6 વાગ્યા સુધી ચાલ્યું હતું. તેમણે જણાવ્યું કે પંચ દ્વારા જાહેર કરવામાં આવેલા આંકડા મુજબ વારાણસીમાં સાંજે 5 વાગ્યા સુધી 40.58 ટકા મતદાન થયું હતું. વારાણસીમાં મતદાન શાંતિપૂર્ણ રહ્યું હતું.
કેશવ પ્રસાદ મૌર્યએ કર્યો જીતનો દાવો
ઉત્તર પ્રદેશના ડેપ્યુટી સીએમ કેશવ પ્રસાદ મૌર્યએ જીતનો દાવો કર્યો છે. તેમણે કહ્યું, 2022 વિધાનસભા ચૂંટણી દરમિયાન 85 અને 15ની ચર્ચાથી અલગ આંકડો છે. તેમણે ટ્વિટર પર લખ્યું, 100માં 75 અમારા છે, 25માં ભાગલા છે અને ભાગલામાં પણ અમારા છે. કેશવ પ્રસાદ મૌર્યના દાવા મુજબ સમીકરણને સમજવામાં આવે તો બીજેપી ત્રણ ચતુર્થાંશથી વધુ સીટ જીતશે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)