Tahawwur Rana: તહવ્વુર રાણાની અરજી ફગાવાઇ, ભારત આવશે 26/11 હુમલાનો આરોપી
Tahawwur Rana Extradition:અમેરિકન કોર્ટના આ નિર્ણય સાથે તહવ્વુર રાણાને ભારત લાવવાનો માર્ગ મોકળો થયો છે
Tahawwur Rana Extradition: અમેરિકાની સુપ્રીમ કોર્ટે સોમવારે (7 એપ્રિલ, 2025) મુંબઈ આતંકવાદી હુમલાના આરોપી તહવ્વુર રાણાના ભારત પ્રત્યાર્પણ પર રોક લગાવવાની માંગ કરતી અરજીને ફગાવી દીધી હતી. અમેરિકન કોર્ટના આ નિર્ણય સાથે તહવ્વુર રાણાને ભારત લાવવાનો માર્ગ મોકળો થયો છે.
US top court rejects extradition stay plea of 26/11 attack accused Tahawwur Rana
— ANI Digital (@ani_digital) April 7, 2025
Read @ANI Story | https://t.co/CnDaTdHAaK#TahawwurRana #2611Attack #MumbaiTerrorAttacks #Terrorist #Extradition pic.twitter.com/3MJXVdwRjC
ડિટેન્શન સેન્ટરમાં બંધ છે તહવ્વુર રાણા
પાકિસ્તાની મૂળના 64 વર્ષીય કેનેડિયન નાગરિક તહવ્વુર રાણા વર્તમાનમાં લોસ એન્જલસના મેટ્રોપોલિટન ડિટેન્શન સેન્ટરમાં બંધ છે. તેણે 27 ફેબ્રુઆરીના રોજ અમેરિકાની સુપ્રીમ કોર્ટના એસોસિયેટ જસ્ટિસ અને નવમી સર્કિટના સર્કિટ જસ્ટિસ એલેના કાગન સમક્ષ હેબિયસ કોર્પસ રિટ સુધી ટ્રાયલ પર સ્ટે મૂકવા માટે કટોકટીની અરજી દાખલ કરી હતી.
ગયા મહિનાની શરૂઆતમાં કાગને અરજી ફગાવી દીધી હતી. ત્યારબાદ રાણાએ પોતાની અરજી રિન્યૂ કરી અને વિનંતી કરી કે રિન્યૂ કરેલી અરજી ચીફ જસ્ટિસ રોબર્ટ્સને મોકલવામાં આવે. સુપ્રીમ કોર્ટની વેબસાઇટ પર પોસ્ટ કરાયેલા આદેશમાં કહેવામાં આવ્યું છે કે રાણાની નવી અરજી 4 એપ્રિલ, 2025ના રોજ એક બેઠક માટે સૂચિબદ્ધ કરવામાં આવી હતી.
તહવ્વુરે ભારત પર ઘણા આરોપો લગાવ્યા
સોમવારે સુપ્રીમ કોર્ટની વેબસાઇટ પરની એક નોટિસમાં કહેવામાં આવ્યું છે કે, "કોર્ટે અરજી ફગાવી દીધી છે." મુંબઈ હુમલાના આરોપીએ પોતાની અરજીમાં ભારત વિરુદ્ધ અનેક આરોપો પણ લગાવ્યા હતા. હ્યુમન રાઇટ્સ વોચ 2023ના અહેવાલને ટાંકીને તેણે કહ્યું હતું કે ભારતની ભાજપ સરકાર ધાર્મિક લઘુમતીઓ, ખાસ કરીને મુસ્લિમો સાથે ભેદભાવ કરે છે અને સતત સરમુખત્યારશાહી બની રહી છે.
તહવ્વુર રાણાએ પોતાની અરજીમાં કહ્યું હતું કે, "જો મને ભારતને સોંપવામાં આવશે તો મને ત્યાં ત્રાસ આપવામાં આવશે કારણ કે હું પાકિસ્તાની મૂળનો મુસ્લિમ છું. ગયા મહિને ડોનાલ્ડ ટ્રમ્પે કહ્યું હતું કે અમેરિકાએ તહવ્વુર રાણાના ભારત પ્રત્યાર્પણને મંજૂરી આપી દીધી છે. જ્યારે ટ્રમ્પે આ જાહેરાત કરી ત્યારે પીએમ મોદી અમેરિકાના પ્રવાસે હતા.
ટોપ સ્ટોરી
ટ્રેન્ડિંગ સમાચાર
