UP Election 2022: મથુરાથી નહી ઉત્તર પ્રદેશની આ બેઠક પરથી ચૂંટણી લડશે CM યોગી આદિત્યનાથ

ઉત્તર પ્રદેશના મુખ્યમંત્રી યોગી આદિત્યનાથ આ વખતે વિધાનસભાની ચૂંટણી લડવા ઉતરી રહ્યા છે. અગાઉ અહેવાલ હતા કે યોગી આદિત્યનાથ મથુરા વિધાનસભા બેઠક પરથી ચૂંટણી લડશે

11am_CM_yogi_Live

Yogi Adityanath Seat: ઉત્તર પ્રદેશના મુખ્યમંત્રી યોગી આદિત્યનાથ આ વખતે વિધાનસભાની ચૂંટણી લડવા ઉતરી રહ્યા છે. અગાઉ અહેવાલ હતા કે યોગી આદિત્યનાથ મથુરા વિધાનસભા બેઠક પરથી ચૂંટણી લડશે પરંતુ હવે જાણકારી મળી રહી છે કે યોગી આદિત્યનાથ મથુરાથી નહી પરંતુ રામની નગરી અયોધ્યાથી ચૂંટણી લડવા જઇ રહ્યા છે. ભાજપ સાથે જોડાયેલા સૂત્રોએ એબીપી ન્યૂઝને આ જાણકારી આપી હતી.

દિલ્હીમાં થયેલી બેઠકમાં મુખ્યમંત્રીની બેઠકને લઇને થયેલી ચર્ચામાં કહેવામાં આવ્યું છે કે મંગળવારે દિલ્હીમાં યોજાયેલી કોર કમિટીની બેઠક બાદ તમામ બેઠકોને લઇને નિર્ણય થયો હતો. આ દરમિયાન યોગી આદિત્યનાથની બેઠકને લઇને ચર્ચા થઇ હતી. સૂત્રોના મતે યોગી આદિત્યનાથને પાર્ટી અયોધ્યાથી ઉતારવા માંગે છે. હિંદુત્વ ફેક્ટરને ધ્યાનમાં રાખીને એ નિર્ણય લેવામાં આવી રહ્યો છે. સાથે જ મથુરા બેઠક પરથી શ્રીકાંત શર્માને જ પાર્ટી ટિકિટ આપવા જઇ રહી છે. જોકે કેટલાક મંત્રીઓની બેઠક બદલવામાં આવી શકે છે.

નોંધનીય છે કે યોગી આદિત્યનાથ ઉત્તર પ્રદેશ જ નહી દેશભરમાં ભાજપનો હિંદુત્વનો એક મોટો ચહેરો માનવામાં આવે છે. જેથી તે જે પણ બેઠક પરથી ચૂંટણી લડશે તેના અનેક સમીકરણો નીકળશે. જો અયોધ્યા બેઠક પરથી યોગી આદિત્યનાથ ચૂંટણી લડશે તો ચૂંટણીમાં ભાજપને ફાયદો થઇ શકે છે. આ અગાઉ યોગી આદિત્યનાથ ગોરખપુર, મથુરા અને અયોધ્યાથી ચૂંટણી લડી શકે છે. સૂત્રોના મતે જલદી સત્તાવાર જાહેરાત થઇ શકે છે.