Uttarakhand : હારેલા પુષ્કર સિંહ ધામીનો દબદબો, 6 ધારાસભ્યો તેમના માટે પોતાની બેઠક ખાલી કરવા તૈયાર

Uttarakhand : પુષ્કર ધામીએ રાજ્યપાલ ગુરમીત સિંહને મળીને સરકાર બનાવવાનો દાવો કર્યો છે. ધામીનો શપથ ગ્રહણ સમારોહ 23 માર્ચે દેહરાદૂનના પરેડ ગ્રાઉન્ડમાં યોજાશે.

pushkar_singh_dhami_file_image

Uttarakhand : પુષ્કર સિંહ ધામી ફરીથી ઉત્તરાખંડના મુખ્યમંત્રી બનશે. તેઓ રાજ્યની ખાતિમા બેઠક પરથી ચૂંટણી લડ્યા હતા, પરંતુ તેઓ ચૂંટણી હારી ગયા હતા. રાજ્યમાં પાર્ટીની જીત બાદ સવાલ એ ઉઠ્યો હતો કે હવે મુખ્યમંત્રી કોણ બનશે? પરંતુ પાર્ટીએ નીતિમાં મોટો ફેરફાર કર્યો અને પરાજિત ઉમેદવાર પુષ્કર ધામીને ફરીથી મુખ્યમંત્રી બનાવવાનો નિર્ણય કર્યો. સામાન્ય રીતે હારેલા ઉમેદવારને મંત્રી કે મુખ્યમંત્રી બનાવવામાં આવતા નથી.

હિમાચલ પ્રદેશમાં 2017ની વિધાનસભાની ચૂંટણીમાં પ્રેમ કુમાર ધૂમલ પોતે ચૂંટણી હારી ગયા હતા, જ્યારે પાર્ટીએ ત્યાંરે પણ ચૂંટણી જીતી હતી, પરંતુ પછી ધૂમલને મુખ્યપ્રધાન બનાવવામાં આવ્યા ન હતા, પરંતુ હવે ભાજપે એક મોટો નીતિગત ફેરફાર કરીને પુષ્કર ધામીને મુખ્યમંત્રી બનાવવાનો નિર્ણય લીધો  છે.

પુષ્કર ધામીએ રાજ્યપાલ ગુરમીત સિંહને મળીને સરકાર બનાવવાનો દાવો કર્યો છે. ધામીનો શપથ ગ્રહણ સમારોહ 23 માર્ચે દેહરાદૂનના પરેડ ગ્રાઉન્ડમાં યોજાશે.

ધામી મુખ્યપ્રધાન બન્યા બાદ તેમના માટે બેઠક ખાલી કરનારા ધારાસભ્યોની લાઈન લાગી છે. છ ધારાસભ્યો પહેલેથી જ ધામી માટે તેમની બેઠકો છોડવાની ઓફર કરી ચૂક્યા છે. ચંપાવતના ધારાસભ્ય કૈલાશ ગહતોડી અને કપકોટના ધારાસભ્ય સુરેશ ગાડિયા ઉપરાંત અન્ય ચાર ધારાસભ્યોએ મુખ્ય પ્રધાનને ટેકો આપ્યો અને તેમના માટે તેમની બેઠકો છોડવાની ઓફર કરી. 

ખાનપુરના અપક્ષ ધારાસભ્ય ઉમેશ શર્માએ પણ ધામી માટે પોતાની બેઠક છોડવા માટે લેખિત પ્રસ્તાવ આપ્યો છે, જ્યારે દીદીહાટ સીટના ધારાસભ્ય અને પાર્ટીના વરિષ્ઠ નેતા બિશન સિંહ ચુફાલને જો રાજ્યસભામાં મોકલવામાં આવે તો તે  બેઠક પુષ્કર સિંહ ધામી માટે સૌથી સુરક્ષિત બેઠક  બની શકે છે. પાર્ટી સૂત્રોના જણાવ્યા અનુસાર ધામી આ સીટ પરથી ચૂંટણી લડી શકે છે.

પુષ્કર સિંહ ધામીનો ટૂંકો પરિચય 
જન્મ- 16 સપ્ટેમ્બર 1975
જન્મ સ્થળ- પિથોરાગઢ, ઉત્તરાખંડ
કર્મ સ્થળ- ખાતિમા, ઉત્તરાખંડ
શૈક્ષણિક લાયકાત: અનુસ્નાતક (માનવ સંસાધન વ્યવસ્થાપન અને ઔદ્યોગિક સંબંધો), એલએલબી
રાજકીય કારકિર્દીની શરૂઆત - 1990
પ્રદેશ પ્રમુખ, ભારતીય જનતા યુવા મોરચા, ઉત્તરાખંડ (2002 થી 2008 સુધી સતત બે ટર્મ)
2012-2017- MLA
2017-2022-MLA