Weather Update Live: પર્વતો પર બર્ફિલા પવન, ગુજરાતમાં હાડ થીજવતી ઠંડી, વાંચો લેટેસ્ટ અપડેટ્સ
Weather Update 17 January : દિલ્હી, પંજાબ અને ઉત્તર પ્રદેશ સહિત ઉત્તર પશ્ચિમ ભારત તીવ્ર ઠંડીથી ધ્રૂજી રહ્યું છે.
LIVE
Background
Weather Update 17 January: દિલ્હી, પંજાબ અને ઉત્તર પ્રદેશ સહિત ઉત્તર પશ્ચિમ ભારત તીવ્ર ઠંડીથી ધ્રૂજી રહ્યું છે. હાલ આગામી બે દિવસ ઠંડીમાંથી રાહત મળવાની કોઈ આશા નથી. પહાડો પરથી ફૂંકાતા બર્ફીલા પવનોને કારણે મેદાની વિસ્તારોમાં ભારે ઠંડી પડી રહી છે.
મંગળવારે (17 જાન્યુઆરી) સવારે 5.30 વાગ્યે, દિલ્હીના સફદરજંગમાં લઘુત્તમ તાપમાન 4.6 ડિગ્રી સેલ્સિયસ નોંધાયું હતું. પાલમમાં લઘુત્તમ તાપમાન 6.0 ડિગ્રી સેલ્સિયસ હતું. આ પહેલા સોમવારે રાજધાની દિલ્હીના સફદરજંગમાં સીઝનનું લઘુત્તમ તાપમાન 1.4 ડિગ્રી સેલ્સિયસ નોંધાયું હતું.
દિલ્હીમાં મંગળવારે પણ શીત લહેર યથાવત રહેશે. દિલ્હીમાં વિઝિબિલિટી 600 મીટર છે. દિલ્હીનું લઘુત્તમ તાપમાન 2.7 અને મહત્તમ 18.7 નોંધાય તેવી શક્યતા છે.
રાજસ્થાનનો સીકર જિલ્લો ઠંડીથી ધ્રૂજ્યો
રાજસ્થાનનો સીકર જિલ્લો ઠંડીથી ધ્રૂજી રહ્યો છે. સીકરમાં તાપમાનનો પારો થીજી ગયો છે. પારાને કારણે સર્વત્ર બરફ જામી છે. મેદાનો અને ખેતરોમાં પાક પર બરફ જામી ગયો છે. ત્રણ દિવસથી અહીં તાપમાન માઈનસમાં નોંધાઈ રહ્યું છે ફતેહપુર શહેરના ગ્રામીણ વિસ્તારોમાં ખેતરોમાં ઝાકળના ટીપાં બરફમાં ફેરવાઈ ગયા છે. ઝાકળના ટીપાં ખેતરો અને વાડ પર થીજી ગયા છે. થીજી ગયેલા ઝાકળના ટીપા કાચના ઝુમ્મર જેવા દેખાતા હતા.
ગુજરાતમાં ઠંડીથી લોકોને રાહત મળશે
આગામી સમયમાં રાજ્યમાં ઠંડીથી લોકોને રાહત મળશે. આજે અમદાવાદનું તાપમાન 9.7 ડિગ્રી નોંધાયું છે. આગામી સમયમાં તાપમાનમાં 2-3 ડિગ્રીનો વધારો થશે. પશ્ચિમી વિક્ષોભને કારણે તાપમાનમાં ફરી વધારો આવશે. આજે એક દિવસ માટે કચ્છમાં કોલ્ડ વેવની અસર રહેશે.
વધુ પડતી ઠંડી રવિપાકો માટે નુકશાન કરી શકે તેવી સંભાવના
પાટણ જિલ્લામાં કડકડતી ઠંડીનું જોર વધ્યું છે. પાટણ જિલ્લામાં 7.1 ડીગ્રી તાપમાન નોંધાયું. છેલ્લા 3 દિવસમાં જિલ્લામાં 5. ડીગ્રી તાપમાનમાં ઘટાડો થયો છે. કડકડતી ઠંડીથી બચવા લોકો તાપણાનો સહારો લેતા નજરે પડ્યા. ઠંડીની સાથે ખેતરોમાં પણ ધુમ્મસ જોવા મળ્યું. વધુ પડતી ઠંડી રવિપાકો માટે નુકસાન કરે તેવી સંભાવના છે. એરંડા, રાયડુ, જીરું સહિત શાકભાજીના વાવેતર પર માઠી અસર થવાની ભીતિ છે.
ગાંધીનગર વિક્રમી 5.3 ડિગ્રીમાં ઠુંઠવાયું
ઠંડા બર્ફિલા પવનોએ સમગ્ર ગાંધીનગર જિલ્લાને બાનમાં લીધો. જનજીવન પ્રભાવિત મહત્તમ તાપમાન નીચું રહેવાને કારણે દિવસ દરમ્યાન પણ નગરજનો ગરમવસ્ત્રો પહેરવા મજબુર બન્યા હતા.
19 જાન્યુઆરીથી રાહત
હવામાન વિભાગના જણાવ્યા અનુસાર 18 અને 20 જાન્યુઆરીએ બે વેસ્ટર્ન ડિસ્ટર્બન્સ ઉત્તર પશ્ચિમ ભારતને અસર કરશે. જેના કારણે ઉત્તર-પશ્ચિમ ભારતમાં કોલ્ડવેવની સ્થિતિ 19 જાન્યુઆરી પછી સમાપ્ત થવાની સંભાવના છે. 18 જાન્યુઆરીની રાતથી, એક નવું પશ્ચિમી વિક્ષેપ પશ્ચિમ હિમાલયન ક્ષેત્રને અસર કરી શકે છે. આને કારણે, જમ્મુ-કાશ્મીર-લદ્દાખ-ગિલગિટ-બાલ્ટિસ્તાન-મુઝફ્ફરાબાદ, હિમાચલ પ્રદેશમાં હળવા/મધ્યમ વરસાદની શક્યતા છે.
ટ્રેન્ડિંગ સમાચાર
ટોપ સ્ટોરી
