Heatwave Alert: હજુ પણ આકાશમાંથી વરસશે અગનગોળા, આગમી 4-5 દિવસ ભીષણ ગરમીનું એલર્ટ
IMD Weather Forecast: હવામાન વિભાગ મુજબ, 15 જૂન, 2024 ના રોજ ઉત્તર પ્રદેશના ઘણા ભાગો અને ઉત્તરાખંડ, હરિયાણા-ચંદીગઢ-દિલ્હી, પંજાબ અને ઝારખંડના કેટલાક ભાગોમાં તીવ્ર હીટવેવની સ્થિતિની સંભાવના છે.
IMD Weather Update: દેશના અનેક ભાગોમાં આકરી (heatwave) ગરમીથી લોકો પરેશાન છે. હવામાન વિભાગના (IMD) જણાવ્યા અનુસાર આગામી ઘણા દિવસો સુધી ગરમીમાંથી (No relief from heatwave)કોઈ રાહત નથી. IMDએ કહ્યું કે આગામી 4-5 દિવસ દરમિયાન ઉત્તર ભારતના ઘણા ભાગોમાં તીવ્ર ગરમીની લહેર આવવાની સંભાવના છે. તે જ સમયે, ઉત્તર-પૂર્વના ઘણા રાજ્યોમાં વરસાદને લઈને ચેતવણી પણ જારી કરવામાં આવી છે.
આ રાજ્યોમાં ગરમીથી કોઈ રાહત નહીં મળે
હવામાન વિભાગના જણાવ્યા અનુસાર, 15 જૂન, 2024 ના રોજ ઉત્તર પ્રદેશના (Uttar Pradesh) ઘણા ભાગો અને ઉત્તરાખંડ, હરિયાણા-ચંદીગઢ-દિલ્હી, પંજાબ અને ઝારખંડના કેટલાક ભાગોમાં તીવ્ર હીટવેવની સ્થિતિની સંભાવના છે. IMD અનુસાર, ઉત્તર પ્રદેશ, હરિયાણા-ચંદીગઢ-દિલ્હી અને પંજાબના જુદા જુદા ભાગોમાં છેલ્લા ઘણા દિવસોથી ગરમીની સ્થિતિ યથાવત છે. તે જ સમયે, 17 જૂને હિમાચલ પ્રદેશ અને ઉત્તરાખંડમાં વિવિધ સ્થળોએ હીટવેવની આગાહી કરવામાં આવી છે.
17 જૂને ઉત્તરપૂર્વ રાજસ્થાન, હિમાચલ પ્રદેશ, જમ્મુ વિભાગ અને ઓડિશામાં હીટવેવની સ્થિતિ પ્રવર્તે તેવી શક્યતા છે. 18 જૂન, 2024 ના રોજ હરિયાણા-ચંદીગઢ-દિલ્હી, પંજાબ અને પૂર્વીય ઉત્તર પ્રદેશના વિવિધ વિસ્તારોમાં ગરમીની લહેર આવવાની સંભાવના છે.
આ રાજ્યોમાં વરસાદ પડી શકે છે
IMD અનુસાર, 16-18 જૂન દરમિયાન કર્ણાટક, કેરળ, લક્ષદ્વીપ અને આંદામાન અને નિકોબાર ટાપુઓ પર વાવાઝોડા, વીજળી અને તીવ્ર પવન (30-40 kmph) સાથે હળવાથી મધ્યમ વરસાદની શક્યતા છે. જ્યારે ગંગાના પશ્ચિમ બંગાળ, બિહાર, ઝારખંડમાં 16 જૂન સુધી તીવ્ર ગરમી પડવાની સંભાવના છે. આસામ અને મેઘાલયમાં 16 જૂન, 2024 સુધી ભારે વરસાદ (64.5-115.5 mm) ની શક્યતા છે.
15 જૂન 2024 ના રોજ ઉપ-હિમાલયન પશ્ચિમ બંગાળ અને સિક્કિમમાં ભારે વરસાદ (64.5-115.5 મીમી) થવાની સંભાવના છે. અરુણાચલ પ્રદેશમાં 15 જૂનથી 18 જૂન વચ્ચે ભારે વરસાદ (64.5-115.5 મિમી) થવાની સંભાવના છે. હવામાન વિભાગના જણાવ્યા અનુસાર, ગુજરાત, મહારાષ્ટ્ર, મધ્યપ્રદેશ, છત્તીસગઢ, ઓડિશા, ઝારખંડ, બિહાર, લદ્દાખ અને જમ્મુ-કાશ્મીરમાં છૂટાછવાયા વરસાદ અને ગાજવીજ સાથે વરસાદની પણ સંભાવના છે.
નૈઋત્યનું ચોમાસું વલસાડ, નવસારી સુધી પહોંચ્યું છે. સાયક્લોનિક સર્ક્યુલેશન દક્ષિણ પશ્ચિમ રાજસ્થાનમાં સક્રિય છે. 15 થી 19 જૂન રાજ્યના કેટલાક જિલ્લાઓમાં વરસાદની આગાહી કરવામાં આવી છે. 15 જૂને દાહોદ, છોટા ઉદેપુર, નવસારી, વલસાડ, દાદરાનગર હવેલીમાં વરસાદ વરસી શકે છે.રાજ્યના અનેક જિલ્લાઓમાં આજે ગાજવીજ સાથે હળવા વરસાદની આગાહી હવામાન વિભાગે કરી છે. ગાંધીનગર અને અમદાવાદમાં 41 ડિગ્રી તાપમાન રહેશે.
उत्तर प्रदेश के कई हिस्सों और हरियाणा-चंडीगढ़-दिल्ली और पंजाब के अलग-अलग हिस्सों में उष्ण लहर से लेकर गंभीर उष्ण लहर की स्थिति है और जम्मू संभाग, हिमाचल प्रदेश और उत्तराखंड के अलग-अलग स्थानों में 17 जून, 2024 को उष्ण लहर की स्थिति होने की संभावना है। pic.twitter.com/3FQTe2kf2F
— India Meteorological Department (@Indiametdept) June 14, 2024
ટોપ સ્ટોરી
ટ્રેન્ડિંગ સમાચાર
