Delhi CM Oath Ceremony: દિલ્લી CMના શપથ સમારોહમાં શું અરવિંદ કેજરીવાલને આપવામાં આવશે આમંત્રણ?
Delhi CM Oath Ceremony: હાલમાં ભાજપે દિલ્હીના મુખ્યમંત્રીના નામને લઈને કોઈ સત્તાવાર જાહેરાત કરી નથી. જો કે શપથ ગ્રહણ સમારોહની તૈયારીઓ પૂરજોશમાં ચાલી રહી છે.
Delhi CM Oath Ceremony News: દિલ્હીમાં નવી સરકારની રચના અને શપથવિધિની તૈયારીઓ ચાલી રહી છે. આ દરમિયાન સૂત્રો પાસેથી મોટી માહિતી બહાર આવી છે. સૂત્રોના જણાવ્યા અનુસાર દિલ્હીના મુખ્યમંત્રીના શપથ ગ્રહણ કાર્યક્રમમાં આમ આદમી પાર્ટીના સંયોજક અરવિંદ કેજરીવાલ અને પૂર્વ મુખ્યમંત્રી આતિશીને આમંત્રિત કરવામાં આવશે. આ સિવાય દિલ્હીના તમામ 250 ઝૂંપડપટ્ટીવાસીઓ અને વડાઓને આમંત્રિત કરવામાં આવશે. સૂત્રોના જણાવ્યા અનુસાર ધાર્મિક નેતાઓને પણ આમંત્રિત કરવામાં આવશે. શપથ ગ્રહણ સમારોહ માટે દિલ્હીના એક લાખ લોકોને આમંત્રિત કરવાની તૈયારીઓ ચાલી રહી છે.
નોંઘનિય છે કે, હજુ સુધી ભાજપે દિલ્હીના મુખ્યમંત્રીના નામને લઈને કોઈ સત્તાવાર જાહેરાત કરી નથી. જો કે શપથ ગ્રહણ સમારોહની તૈયારીઓ પૂરજોશમાં ચાલી રહી છે. ભાજપના મહાસચિવ વિનોદ તાવડે, તરુણ ચુગ અને પ્રદેશ અધ્યક્ષ વીરેન્દ્ર સચદેવા વચ્ચે આ સંબંધમાં એક મહત્વપૂર્ણ બેઠક યોજાઈ હતી, જેમાં શપથ ગ્રહણ સમારોહની તૈયારીઓ પર ચર્ચા કરવામાં આવી હતી.
આગામી 100 દિવસમાં થનારી કામગીરી માટે સંકલ્પ લેવામાં આવશે
સૂત્રોના જણાવ્યા અનુસાર એનડીએ શાસિત રાજ્યોના મુખ્યમંત્રીઓ અને નાયબ મુખ્યમંત્રીઓને આ સમારોહમાં આમંત્રિત કરવામાં આવશે. આ સિવાય 200થી વધુ સાંસદોને પણ શપથ ગ્રહણ સમારોહમાં આમંત્રિત કરવામાં આવશે. આ શપથ ગ્રહણ સમારોહમાં આગામી 100 દિવસમાં દિલ્હી માટે થનારી કામગીરીની પ્રતિજ્ઞા માટે લેવામાં આવશે.
બીજેપીના ધારાસભ્ય દળની બેઠક 19 ફેબ્રુઆરીએ યોજાશે, જ્યારે અગાઉ આ બેઠક દિલ્હીના નવા મુખ્યમંત્રીના નામ પર અંતિમ નિર્ણય લેવા માટે 17 ફેબ્રુઆરીએ મળવાની હતી. દિલ્હીના નવા મુખ્યમંત્રીના શપથ ગ્રહણ સમારોહની તારીખ પણ બદલવામાં આવી હતી. અગાઉ આ કાર્યક્રમ 19મી ફેબ્રુઆરીએ યોજવાનું આયોજન હતું, પરંતુ હવે તેને એક દિવસ લંબાવીને 20મી ફેબ્રુઆરીએ યોજાશે.
20 ફેબ્રુઆરીએ યોજાનાર શપથ ગ્રહણ સમારોહની જવાબદારી ભાજપના બે રાષ્ટ્રીય મહાસચિવ વિનોદ તાવડે અને તરુણ ચુગને સોંપવામાં આવી છે. આ બંનેને આ કાર્યક્રમ તેમજ રેલીના સંચાલનના પ્રભારી બનાવવામાં આવ્યા છે. આ કાર્યક્રમને સફળ બનાવવા માટે પાર્ટીએ સંપૂર્ણ તૈયારીઓ શરૂ કરી દીધી છે.
મુખ્યમંત્રી પદ માટે આ નામો પર ચર્ચા
દિલ્હીના નવા મુખ્યમંત્રીના નામ પર અંતિમ નિર્ણય લેવા માટે ભાજપ ટૂંક સમયમાં કેન્દ્રીય નિરીક્ષકોની નિમણૂક કરશે. નિરીક્ષકો દિલ્હી વિધાનસભાના ધારાસભ્યોનું મતદાન કરશે અને તેના આધારે પાર્ટી દિલ્હીના નવા મુખ્યમંત્રીના નામની ઘોષણા કરશે. સૂત્રોના જણાવ્યા અનુસાર, મુખ્યમંત્રી પદ માટે ઘણા નામો હાલ ચર્ચામાં છે. જેમાં નવી દિલ્હી સીટના ધારાસભ્ય પ્રવેશ વર્મા, દિલ્હી બીજેપીના પૂર્વ અધ્યક્ષ વિજેન્દ્ર ગુપ્તા, રેખા ગુપ્તા અને સતીશ ઉપાધ્યાયના નામ સૌથી આગળ હોવાનું કહેવાય છે
ટોપ સ્ટોરી
ટ્રેન્ડિંગ સમાચાર
