યુક્રેનમાં યુદ્ધ લડી રહેલા ભારતીયોની થશે સ્વદેશ વાપસી, PM મોદીની અપીલ બાદ પુતિનનો નિર્ણય

PM Modi Russia Visit: પીએમ મોદી હાલમાં રશિયામાં છે. વડાપ્રધાન મોદી રાષ્ટ્રપતિ વ્લાદિમીર પુતિનના આમંત્રણ પર મોસ્કો ગયા છે. આ બેઠક ઘણી મહત્વપૂર્ણ માનવામાં આવે છે.

પ્રધાનમંત્રી નરેન્દ્ર મોદી સાથે રશિયાના રાષ્ટ્રપતિ (તસવીર - PTI)

Source : PTI

Pm Modi Russia Visit: પીએમ મોદી હાલ રશિયામાં છે. વડાપ્રધાન મોદી રાષ્ટ્રપતિ વ્લાદિમીર પુતિનના આમંત્રણ પર મોસ્કો ગયા છે. આ બેઠક ઘણી મહત્વપૂર્ણ માનવામાં આવે છે. વડાપ્રધાન કોરોના બાદ પ્રથમ વખત રશિયા ગયા છે.

આ શ્રેણીમાં રશિયાના પ્રવાસે ગયેલા વડાપ્રધાન નરેન્દ્ર મોદીએ રાષ્ટ્રપતિ વ્લાદિમીર પુતિન સાથે રશિયન સેનામાં કામ કરી રહેલા ભારતીયોના સ્વદેશ પરત આવવાનો મુદ્દો ઉઠાવ્યો હતો. આ પછી રાષ્ટ્રપતિ પુતિને પીએમ મોદીને કહ્યું કે ભારતીયો જલ્દી જ દેશમાં પરત ફરશે.                                                                                                                                                                                          

જાણો શું છે સમગ્ર મામલો

હકીકતમાં, અગાઉના અહેવાલો સામે આવ્યા હતા કે ભારતીય નાગરિકોને રશિયન સેના સાથે યુક્રેન સામે લડવા માટે મજબૂર કરવામાં આવી રહ્યા છે. ભારતીયોને છેતરપિંડીથી સરહદ પર સુરક્ષા સહાયક તરીકે કામ કરવા મોકલવામાં આવી રહ્યા છે. ધ હિંદુએ પોતાના રિપોર્ટમાં જણાવ્યું હતું કે, એક એજન્ટે માહિતી આપી હતી કે, નવેમ્બર 2023થી લગભગ 18 ભારતીયો રશિયા-યુક્રેન બોર્ડર પર ફસાયેલા છે. આ દરમિયાન એક વ્યક્તિનું મોત પણ થયું છે.

અસદુદ્દીન ઓવૈસીએ પત્ર લખ્યો હતો

 રશિયા અને યુક્રેન વચ્ચે ચાલી રહેલા યુદ્ધમાં હૈદરાબાદનો એક યુવક પણ ફસાઈ ગયો હતો. યુવકે સોશિયલ મીડિયા દ્વારા ભારત સરકારને મદદ માટે અપીલ કરી હતી. જે બાદ પીડિત પરિવારે AIMIM સાંસદ અસદુદ્દીન ઓવૈસીનો સંપર્ક કર્યો હતો.   આ અંગે ઓવૈસીએ 25 જાન્યુઆરીએ વિદેશ મંત્રી એસ જયશંકર અને મોસ્કોમાં ભારતીય દૂતાવાસને પત્ર લખ્યો હતો. જેમાં તેમણે યુવાનોની વાપસી માટે સરકાર પાસે હસ્તક્ષેપની માંગ કરી હતી.