Khyati Hospital Live Update: બે દર્દીના મૃત્યુ બાદ હોસ્પિટલનો સ્ટાફ રવાના, ડોક્ટર્સ ભૂગર્ભમાં, પરિજનોમાં આક્રોશ
Ahmedabad News: અમદાવાદ ખ્યાતિ હોસ્પિટલની ઘોર બેદરકારીનો કિસ્સો સામે આવ્યો છે, અહીં સ્ટેન્ટ મૂકાવ્યાં બાદ 2 દર્દીના મૃત્યુ થતાં પરિવારજનોનો આક્રોશ ભભૂકી ઉઠ્યો છે
LIVE
Background
પૂર્વ આરોગ્યમંત્રી નીતિનભાઈ પટેલ પહોંચ્યા ખ્યાતિ હોસ્પિટલ
પૂર્વ આરોગ્યમંત્રી નીતિનભાઈ પટેલ ખ્યાતિ હોસ્પિટલ પહોંચ્યા હતા. મીડિયા સાથે રુબરૂ થતાં આ મામલે નિતીન પટેલે કહ્યું હતું કે, સરકારી યોજનાનો દુરૂપયોગ થયાની શક્યતા છે.19 દર્દીઓ પૈકી કેટલાકને એન્જીયોગ્રાફી અને એન્જીયોપ્લાસ્ટી કરાઇ છે. કેટલીક હોસ્પિટલો ધંધાદારી પ્રવૃતિ કરે છે, એકસાથે દર્દીઓને લવાતા તે શંકા ઉપજાવે તેવી ઘટના છે.
ગઈકાલે 24 દર્દીઓને લઈ જવાયા હતા ખ્યાતિ હોસ્પિટલ
કડી તાલુકા બોરીસણામાં મેડિકલ કેમ્પ હતો. ગઈકાલે 24 દર્દીઓને ખ્યાતિ હોસ્પિટલ લઇ જવાયા હતા.આરોપ જાણ કર્યા વગર 19 દર્દીઓને સ્ટેન્ટ મુક્યાનો પરિજનોએ આરોપ લગાવ્યો છે. તેમજ દર્દીઓના મોત બાદ તબીબો ગાયબ થયાની વાત પણ સામે આવી છે. બે દર્દીઓના મોત બાદ અમદાવાદ આરોગ્ય વિભાગ દોડતું થયું હતું. ઉત્તર-પશ્ચિમ ઝોનના ડે. હેલ્થ ઓફિસર ખ્યાતિ હોસ્પિટલ પહોંચ્યાં હતા. હોસ્પિટલ સત્તાધીશ અને દર્દીના પરિવારજનો સાથે વાત કરશે.
પરિવારજનોએ મૃતદેહ સ્વીકારવાનો કર્યો ઈન્કાર
રૂપિયા કમાવવાની લ્હાયમાં ખ્યાતિ હોસ્પિટલ પર મોતનો ખેલ ખેલ્યાનો આરોપ લાગ્યો છે. એબીપી અસ્મિતાની ટીમ જ્યારે હોસ્પિટલ પહોંચી તો જવાબ આપવા ખ્યાતિ હોસ્પિટલનો કોઈ સત્તાધીશ હાજર ન હતો. સમગ્ર ઘટનાના પગલે પોલીસ તપાસ માટે ખ્યાતિ હોસ્પિટલ પહોંચી છે. પરિવારજનોએ મૃતદેહ સ્વીકારવાનો ઇન્કાર કર્યો છે. પરિજનોએ મૃતકના આયુષ્માન કાર્ડમાંથી પૈસા કાપી લીધાનો આરોપ લગાવ્યો છે
PMJAY યોજના અંતર્ગત ગુજરાતમાં સૌથી વધુ એન્જીયોગ્રાફી
2023ના કેગના રિપોર્ટમાં પણ સામે ગેરરીતિ આવી છે, 2022 સુધીમાં PMJAY યોજના હેઠળ હોસ્પિટલોને 3507 કરોડ ચુકાવાયા છે. 2022 સુધીમાં 14 લાખ 12 હજાર 311 દર્દીઓને PMJAYથી સારવાર લીધી.જાન્યુ, 2021થી માર્ચ 2021 સુધીમાં ઓડિટર્સે 50 હોસ્પિટલની મુલાકાત લીધી હતી. કેગના રિપોર્ટ મુજબ હોસ્પિટલમાં બેડની સંખ્યાની કરતા સારવાર લેનારની સંખ્યા વધુ
abp અસ્મિતાના સંવાદદાતાએ દર્દીના પરિજન સાથે વાત કરતા થયો ખુલાસો
આ સમગ્ર ઘટનામાં જ્યારે મૃતકના પરિજનો સાથે વાતચીત કરવામાં આવી ત્યારે પરિવારજનોનું કહેવાનું હતું કે, પરિજનોને જાણ કર્યાં વિના સર્જરી કરવામાં આવી હતી. આ સમગ્ર સારવાર આયુષ્યમાન કાર્ડ પર કરવામાં આવી હતી. “મફ્ત મેડિકલ કેમ્પના દર્દીઓની સાથે જ્યારે abp અસ્મિતાના સંવાદદાતાએ વાત કરી તો તેમનું કહેવાનું હતું કે, નસ બ્લોક હોવાનું કહીને હોસ્પિટલમાં દાખલ કરાયા હતા. તબીબોએ કેટલાકને ઓપરેશન કરાવવાની વાત કરી હતી. હૃદયનો રિપોર્ટ કઢાવી હોસ્પિટલ આવવાની વાત કરી હતી. કેમ્પ કરીને ગ્રામજનોને ભેગા કરાયા હતા. રિપોર્ટ કઢાવવાના બહાને ગ્રામજનોને અમદાવાદ લવાયા હતા. એન્જીયોગ્રાફી કરીને સ્ટેન્ટ મુકવાની દર્દીના પરિજનને પણ જાણ કરી ન હતી. આયુષ્માન કાર્ડમાંથી હોસ્પિટલ સત્તાધીશોએ પૈસા કાપી લીધા હતા”
ટ્રેન્ડિંગ સમાચાર
ટોપ સ્ટોરી
