રાજકોટઃ મવા રોડ પર ફ્યુઝન સ્પાની આડમાં ચાલતું કૂટણખાનું ઝડપાયું, 1 સંચાલક સહીત 4 મહિલાની ઘરપરકડ

રાજકોટઃ રાજ્યમાં સ્પાની આડમાં દેહવ્યાપારનો ગોરખધંધો મોટા પ્રમાણમાં ફેલાઇ રહ્યો છે. ત્યારે રાજકોટમાં સ્પાની આડમાં ચાલતું કૂટણખાનું ઝડપાયું હતું. ક્રાઇમબ્રાંચે નાનામવા રોડ પર આવેલ ફ્યુઝન સ્પામાં રેડ કરી હતી જેમા સ્પાના સંચાલક સહીત 4 મહિલાઓની ધરપકડ કરવામાં આવી હતી. રાજ્યના મેટ્રો શહેરોમાં સ્પાની આડમા મોટા પ્રમાણમાં દેહવ્યાપાર થઇ રહ્યો છે. અમદાવાદ, સુરત, વડોદરા અને જામનગરમાં પણ સ્પાની આડમાં ચાલતા દેહવ્યાપરના અડા ઝડપાઇ ચુક્યા છે. મેટ્રો શહેરોમાં સ્પાની આડમાં ચાલી રહેલા આ કૂંટણખાના કોની રહેમનજર હેઠળ ચાલી રહ્યા છે, તે એક મોટો પ્રશ્ન છે. પોલીસ આ અનૈતિક ધામોને સંપૂર્ણ બંધ કરાવવામાં કેમ નિષ્ફળ ગઇ છે. અમુક સમયાંતરે આ પ્રકારના કેસ નોધીને બાકીના દિવસોમાં કેમ આંખ આડા કાન કરવામાં આવે છે. શુ આમ કરવું પોલીસની ટેવ બની ગઇ છે.?