ગૃહિણીઓને રાહત, તહેવારોની સિઝન પહેલા શાકભાજીના ભાવ 10 થી 20 રૂપિયા ઘટ્યા, જાણો આજનો રેટ
હાલમાં ટામેટાં અને આદુને છોડી દેતા તમામ પ્રકારની શાકભાજીના ભાવમાં 10 થી 20 રૂપિયા જેવો એક કિલોએ ઘટાડો નોંધાયો છે.
Vegetable Price Drop: રાજ્યમાં ગૃહિણીઓ માટે એક મોટા સમાચાર સામે આવ્યા છે, ગૃહિણીઓને શાકભાજીના ભાવમાં રાહત મળી છે, હાલમાં નવા રેટ પ્રમાણે, રાજ્યમાં શાકભાજીના ભાવમાં ઘટાડો થતાં રાહત મળી છે. મળતી માહિતી પ્રમાણે, રાજકોટ શાકભાજીના ભાવમાં 10 થી 20 રૂપિયા કિલોએ ઘટાડો થયો છે. છેલ્લા આઠ દિવસથી સૌરાષ્ટ્રમાં વરસાદે વિરામ લેતા શાકભાજીના ઉત્પાદનમાં ધરખમ વધારો થયો છે. ખાસ વાત છે કે, હાલમાં ટામેટાં અને આદુને છોડી દેતા તમામ પ્રકારની શાકભાજીના ભાવમાં 10 થી 20 રૂપિયા જેવો એક કિલોએ ઘટાડો નોંધાયો છે. જો વરસાદ વિરામ લેશે તો આગામી દિવસોમાં હજી પણ શાકભાજીના ભાવમાં ઘટાડો થઇ શકે છે.
હાલના શાકભાજી ભાવ..
રીંગણા - 40 રૂપિયા
ભીંડા - 50 રૂપિયા
મરચાં - 60 રૂપિયા
ગુવાર -120 રૂપિયા
ફૂલાવર - 80 રૂપિયા
આદુ - 200 રૂપિયા
કોબીજ - 50 રૂપિયા
કારેલા - 50 રૂપિયા
ટમેટા -180 થી 200
ટામેટાના ભાવમાં ફરી ભડકો
રસોડામાં દરરોજ વપરાતું ટામેટું હવે સામાન્ય લોકોની પહોંચથી દૂર થઈ રહ્યું છે. ઘણા જથ્થાબંધ વેપારીઓના મતે ટામેટાના ભાવમાં આગ વધુ ભડકશે અને તેના છૂટક ભાવ 300 રૂપિયા પ્રતિ કિલો સુધી જઈ શકે છે. છેલ્લા એક મહિનાથી ટામેટાના ભાવ આસમાને છે. ભારે વરસાદને કારણે ટામેટા ઉત્પાદક વિસ્તારોમાં તેના ઉત્પાદન અને પુરવઠામાં સમસ્યાઓના કારણે આવું થઈ રહ્યું છે.
ટામેટાના ભાવ કેમ વધી રહ્યા છે
એગ્રીકલ્ચરલ પ્રોડ્યુસ માર્કેટિંગ કમિટી (APMC)ના સભ્ય કૌશિકે પીટીઆઈને જણાવ્યું હતું કે ટામેટા, કેપ્સીકમ જેવા અનેક મોસમી શાકભાજીના ભાવમાં તીવ્ર વધારો થયા બાદ તેમના વેચાણમાં ભારે ઘટાડો થયો છે. જેના કારણે જથ્થાબંધ બજારના વિક્રેતાઓ સહિત છૂટક વિક્રેતાઓને ભારે નુકસાન વેઠવું પડી રહ્યું છે. તેમણે જણાવ્યું હતું કે ટામેટાના ભાવ હવે પ્રતિ કિલો રૂ. 160થી વધીને રૂ.220 પ્રતિ કિલો થઇ ગયા છે અને તેના કારણે છૂટક બજારમાં પણ આ શાકભાજીના ભાવમાં વધારો જોવા મળી રહ્યો છે.
મધર ડેરીમાં ટામેટા 259 રૂપિયા પ્રતિ કિલોના ભાવે મળે છે
ટામેટાના ભાવ 300 રૂપિયા સુધી જઈ શકે છે
શાકમાર્કેટના હોલસેલરોનું કહેવું છે કે આગામી સમયમાં ટામેટાંનો ભાવ 300 રૂપિયા પ્રતિ કિલો સુધી જઈ શકે છે. દિલ્હીને અડીને આવેલા નોઈડામાં પણ ટામેટાં રૂ.300 પ્રતિ કિલોના ભાવે વેચાઈ રહ્યા છે. જો કે, ટામેટાંના વધતા ભાવને જોતા, કેન્દ્ર સરકાર એક્શનમાં આવી અને 14મી જુલાઈથી ઓછા ભાવે ટામેટાંનું વેચાણ શરૂ કર્યું. આના કારણે રાજધાની દિલ્હી અને એનસીઆરમાં ટામેટાંના ભાવમાં ઘટાડો થયો હતો, પરંતુ સપ્લાયમાં ઘટાડો થયા પછી તે ફરીથી ચઢવા લાગ્યા છે. ગ્રાહક બાબતોના મંત્રાલયના જણાવ્યા અનુસાર, બુધવારે ટામેટાની કિંમત 203 રૂપિયા પ્રતિ કિલો હતી, જ્યારે મધર ડેરીના સફલ સ્ટોર્સ પર તે 259 રૂપિયા પ્રતિ કિલો વેચાઈ રહી હતી.
ટોપ સ્ટોરી
ટ્રેન્ડિંગ સમાચાર
