પશ્ચિમ રેલવેએ રાજકોટ-મુંબઈ વચ્ચે સમર સ્પેશિયલ તેજસ ટ્રેનની જાહેરાત કરી, જાણો સમય
ઉનાળાની મુસાફરીને સરળ બનાવવાના ઉદ્દેશ્ય સાથે પશ્ચિમ રેલવેએ મુંબઈ સેન્ટ્રલ અને રાજકોટ વચ્ચે ખાસ તેજસ સુપરફાસ્ટ ટ્રેન સેવાની જાહેરાત કરી છે.
ઉનાળાની મુસાફરીને સરળ બનાવવાના ઉદ્દેશ્ય સાથે પશ્ચિમ રેલવેએ મુંબઈ સેન્ટ્રલ અને રાજકોટ વચ્ચે ખાસ તેજસ સુપરફાસ્ટ ટ્રેન સેવાની જાહેરાત કરી છે. ઉનાળાના વેકેશને લઈ વધતી માંગને પહોંચી વળવા અને મુસાફરોને વધારાની સુવિધા આપવા માટે રેલવે દ્વારા આ મહત્વનો નિર્ણય લેવામાં આવ્યો છે.
પશ્ચિમ રેલવેના મુખ્ય જનસંપર્ક અધિકારી વિનીત અભિષેકના જણાવ્યા અનુસાર, આ વિશેષ સેવા કુલ 34 ટ્રિપ્સ ચલાવશે. ટ્રેન નંબર 09005/09006 મુંબઈ સેન્ટ્રલ - રાજકોટ સુપરફાસ્ટ તેજસ સ્પેશિયલ આ મહિનાથી શરૂ થતા પસંદગીના દિવસોમાં ચાલશે.
આ ટ્રેન સેવા 21મી એપ્રિલથી શરૂ થશે
ટ્રેન નં. 09005, મુંબઈ સેન્ટ્રલથી રાજકોટ સુધી દોડશે જેમાં, દર સોમવાર, બુધવાર અને શુક્રવારે રાત્રે 11.20 કલાકે ઉપડશે અને બીજા દિવસે સવારે 11.45 કલાકે રાજકોટ પહોંચાડશે. આ ટ્રેન સેવા 21મી એપ્રિલથી શરૂ થશે અને 28મી મે 2025 સુધી આ ટ્રેન ચલાવવામાં આવશે.
રિટર્ન સર્વિસની વાત કરીએ તો ટ્રેન નંબર 09006 દર મંગળવાર, ગુરુવાર અને શનિવારે રાજકોટથી મુંબઈ સેન્ટ્રલ વચ્ચે ચાલશે. આ ટ્રેન સાંજે 6.30 વાગ્યે રાજકોટથી ઉપડશે અને બીજા દિવસે સવારે 7.30 વાગ્યે તમને મુંબઈ પહોંચાડશે. આ ટ્રિપ્સ 22મી એપ્રિલથી 29મી મે 2025 સુધી ચાલશે.
આ ટ્રેન બંને દિશામાં બોરીવલી, વાપી, સુરત, વડોદરા, આણંદ, અમદાવાદ, વિરમગામ, સુરેન્દ્રનગર અને વાંકાનેર ખાતે ઉભી રહેશે.
IRCTC વેબસાઇટ દ્વારા ટિકિટ બુક કરી શકો છો
આરામદાયક મુસાફરી પ્રદાન કરવા માટે ટ્રેનમાં ફર્સ્ટ એસી, એસી 2-ટાયર અને એસી 3-ટાયર કોચ હશે. ટિકિટ ખાસ ભાડા પર ઉપલબ્ધ થશે, અને બુકિંગ 19મી એપ્રિલ 2025ના રોજ ખુલશે. મુસાફરો તેમની સીટ PRS કાઉન્ટર અથવા IRCTC વેબસાઇટ દ્વારા બુક કરી શકે છે.
જ્યારે લોકો તેમના મિત્રો અને સંબંધીઓને રેલવે સ્ટેશને મૂકવા જાય છે, ત્યારે તેમને પ્લેટફોર્મ પર મૂકવા માટે પ્લેટફોર્મ ટિકિટ ખરીદવી જરૂરી છે. પ્લેટફોર્મ ટિકિટ વગર તમારા પરિવારના સભ્યોને રેલવે પ્લેટફોર્મ પર મૂકવા બદલ તમને દંડ થઈ શકે છે. જો તમે પણ તમારા મિત્રો અથવા સંબંધીઓને રેલવે પ્લેટફોર્મ પર મૂકવા જઈ રહ્યા છો, તો તમને જણાવી દઈએ કે ભારતીય રેલવે ટૂંક સમયમાં પ્લેટફોર્મ ટિકિટ પર સંપૂર્ણ પ્રતિબંધ લગાવવા જઈ રહી છે. તેનો હેતુ પ્લેટફોર્મ પર ભીડ ઘટાડવાનો છે. જો રેલવે પ્લેટફોર્મ ટિકિટ પર પ્રતિબંધ મૂકે છે, તો તમે તમારા પરિવારના સભ્યોને પ્લેટફોર્મ પર છોડી શકશો નહીં.
પ્લેટફોર્મ ટિકિટ પર થોડા સમય માટે પ્રતિબંધ
ભારતીય રેલવેએ હજી સુધી પ્લેટફોર્મ ટિકિટ પર પ્રતિબંધ મૂક્યો નથી પરંતુ મુંબઈ અને નજીકના વિસ્તારોમાં મધ્ય રેલવેના કેટલાક સ્ટેશનોએ ભીડ ઘટાડવા માટે પ્લેટફોર્મ ટિકિટ પર થોડા સમય માટે પ્રતિબંધ મૂક્યો છે.
આ સ્ટેશનો પર પ્લેટફોર્મ ટિકિટ બંધ કરી દેવામાં આવી છે
મધ્ય રેલવેએ મહારાષ્ટ્રના કેટલાક રેલવે સ્ટેશનો પર પ્લેટફોર્મ ટિકિટના વેચાણ પર પ્રતિબંધ મૂક્યો છે. મધ્ય રેલવેના જણાવ્યા અનુસાર, પ્લેટફોર્મ ટિકિટના વેચાણ પર આ પ્રતિબંધ 18 એપ્રિલથી 15 મે સુધી લાદવામાં આવ્યો છે. આ સ્ટેશનોમાં મુંબઈના છત્રપતિ શિવાજી મહારાજ ટર્મિનસ (CSMT), લોકમાન્ય તિલક ટર્મિનસ (LTT), કલ્યાણ અને પૂણેનો સમાવેશ થાય છે, જ્યાં પ્લેટફોર્મ ટિકિટના વેચાણ પર પ્રતિબંધ મૂકવામાં આવ્યો છે.
ટોપ સ્ટોરી
ટ્રેન્ડિંગ સમાચાર
