Surat: સુરતમાં પાલિકાની ટીમ અને પશુપાલકો વચ્ચે ઘર્ષણ, ઢોર પકડ્યા વિના વિલા મોઢે પરત ફરી ટીમ

સુરત: રખડતા ઢોર પકડવા ગયેલી પાલિકાની ટીમ અને પશુપાલકો વચ્ચે ઘર્ષણની ઘટના સામે આવી છે. સુરતના સચિન કનસાડ રોડ પર આ બનાવ બન્યો છે. પશુપાલકોએ વિરોધ નોંધાવતા પાલિકાની ટીમ વિલા મોઢે પરત ફરી હતી.

સુરતમાં પાલિકાની ટીમ અને પશુપાલકો વચ્ચે ઘર્ષણ

સુરત: રખડતા ઢોર પકડવા ગયેલી પાલિકાની ટીમ અને પશુપાલકો વચ્ચે ઘર્ષણની ઘટના સામે આવી છે. સુરતના સચિન કનસાડ રોડ પર આ બનાવ બન્યો છે. પશુપાલકોએ વિરોધ નોંધાવતા પાલિકાની ટીમ વિલા મોઢે પરત ફરી હતી. ચુસ્ત સિક્યોરિટી અને પોલીસ બંદોબસ્ત સાથે પાલિકાની ટીમ ઢોર પકડવા ગઈ હતી.  ઢોર પકડતી વખતે પશુપાલકો અને પાલિકાની ટીમ સામસામે આવી ગયા હતા. તો બીજી તરફ ઘર આંગણેથી પશુઓને લઈ જતા હોવાનો પશુપાલકોએ આરોપ લગાવ્યો છે. ભારે હોબાળો અને પશુપાલકોનો રોષ પારખી ગયેલ પાલિકાની ટીમે વિલા મોઢે પરત ફરવું પડ્યું હતું.

 નડિયાદમાં પતંગની દોરીથી યુવકનું ગળું કપાયું

ખેડા:  જેમ જેમ ઉતરાયણ નજીક આવી રહી છે તેમ તેમ પતંગ રસિયાઓ આકાશમાં પતંગ ચગાવવાની મજા લઈ રહ્યા છે. તો બીજી તરફ ચાઈનીઝ દોરીના કારણે અનેક લોકો ઘાયલ થયા છે અને કેટલાકના મોત પણ થયા છે. સરકારે ચાઈનીઝ દોરીને જાહેરનામું બહાર પાડ્યું છે પરંતુ તેમ છતાં લોકો તેનો ઉપયોગ કરી છે અને બીજાના જીવને જોખમાં મુકે છે. આવી જ ઘટના સામે આવી છે નડિયાદમાં, કે જ્યાં પતંગની દોરીથી એક યુવકનું ગળુ કપાઈ ગયું છે.

નડિયાદના સરદારનગરના પ્રવેશ દ્વાર પાસે યુવકનું ગળું કપાઈ ગયું હતું. જે બાદ આ યુવકને ગંભીર હાલતમાં સ્થાનિક નાગરિકો ખાનગી હોસ્પિટલમાં લઇ ગયા હતા.. જોકે લોહી વધારે પ્રમાંણમાં વહી જતા વધુ સારવાર માટે મહા ગુજરાત હોસ્પિટલ ખસેડવામાં આવ્યો હતો. જોકે વધારે પ્રમાણમાં લોહી વહી જવાથી યુવકનું મોત નિપજ્યું હતું.

ગુજરાત ચૂંટણીમાં ભાજપના કયા મહિલા સાંસદે પક્ષ વિરુદ્ધ કર્યુ કામ ?

વિધાનસભાની ચૂંટણીમાં પક્ષ વિરૂદ્ધ કામ કરનારાઓની હવે ભાજપે શોધખોળ શરૂ કરી છે. ભાજપની શિસ્ત સમિતિની બેઠક મળી હતી, જેમાં ભાજપ નેતા અશ્વિન કોટવાલે રાજ્યસભાના સાંસદ રમીલાબેન બારા વિરૂદ્ધ ફરિયાદ કરી હોવાનું સૂત્રોમાંથી જાણવા મળ્યું છે. સાબરકાંઠાની ખેડબ્રહ્મા બેઠક પરથી તુષાર ચૌધરી સામે કૉંગ્રેસમાંથી ભાજપમાં જોડાનારા અશ્વિન કોટવાલને ભાજપે ઉમેદવાર બનાવ્યા હતાં. ખેડબ્રહ્મા બેઠક પરથી અશ્વિન કોટવાલની માત્ર 1 હજાર 464 મતે જ હાર થઈ હતી. સૂત્રોએ તો ત્યાં સુધી કહ્યું કે દિગ્ગજ નેતા અશ્વિન કૉટવાલ ભાજપમાં જોડાયા ત્યારથી જ હેરાનગતિ શરૂ કરવામાં આવી છે.

ભાજપના કાર્યકર સામે નોંધાયો વ્યાજખોરીનો ગુનો

ગુજરાત પોલીસ દ્વારા વ્યાજખોરો સામે કડક કાર્યવાહી કરવા સ્પેશિયલ ડ્રાઇવનું રાજ્યભરમાં આયોજન કરવામાં આવ્યું છે. જે અંતર્ગત વ્યાજખોરોથી પીડિત નાગરિકો માટે લોકદરબારનું આયોજન કરવા તમામ પોલીસ સ્ટેશનોને સૂચના આપવામાં આવી છે. આ લોક દરબારમાં વ્યાજખોરોથી પીડિત નાગરિકો દ્વારા રજૂઆત કરવામાં આવી. જેની સત્યતા ચકાસી તુરંત યોગ્ય પગલા પણ લેવામાં આવી રહ્યા છે. રાજકોટમાં ભાજપના કાર્યકર પિન્ટુ રાઠોડ સામે વ્યાજખોરીનો ગુનો નોંધાયો છે. પિન્ટુ રાઠોડ ભાજપના પૂર્વ કોર્પોરેટર અનિલ રાઠોડનો ભાઈ છે. થોરાળા પોલીસે આકરી કલમ લગાડી દાખલ ગુનો કર્યો છે. પિન્ટુ રાઠોડ એક પરિવારે લીધેલી વ્યાજની રકમ ન આપતાં ધમકી આપતો હતો.