Corona Update: મહિલાનો રિપોર્ટ પોઝિટિવ આવતાં સુરતના કયા વિસ્તારને કરાયો માસ કોરોન્ટાઈન? જાણો

ગુજરાત સહિત સુરતમાં કોરોનાનો કહેર જોવા મળી રહ્યો છે. સુરતમાં કોરોનાના 12 પોઝિટિવ કેસ નોંધાયેલા છે. સમગ્ર સુરતમાં હાલ લોકડાઉનની સ્થિતિ છે.

સુરત: ગુજરાત સહિત સુરતમાં કોરોનાનો કહેર જોવા મળી રહ્યો છે ત્યારે શહેરના સચિન વિસ્તારમાં એક મહિલાના શંકાસ્પદ લક્ષણો જણાંતા તેને સારવાર અર્થે સિવિલમાં પહોંચી હતી જ્યાં તેના સેમ્પલ તપાસ માટે મોકલી આપવામાં આવ્યા હતા જેનો રિપોર્ટ પોઝિટિવ આવ્યો હતો. ત્યાર બાદ તંત્ર એલર્ટ થઈ ગયું હતું આજે સચિનના સુડા વિસ્તારને માસ કોરોન્ટાઈન કરવામાં આવ્યો છે. સુરતમાં આવેલા સચિનના સુડા વિસ્તારમાં મહિલાને કોરોના પોઝિટિવ કેસ નોંધાયા બાદ તંત્ર એલર્ટ થઈ ગયું હતું અને એક સાથે 50 હજાર લોકોને માસ કોરોન્ટાઈન કરવામાં આવ્યા છે. આ મહિલા સાંઈનાથ સોસાયટીમાં રહે છે. આ મહિલાને રિપોર્ટ પોઝિટિવ આવતાં સમગ્ર વિસ્તારમાં દોડધામ મચી ગઈ હતી. જોકે આજે તંત્ર દ્વારા સચિનના સુડા વિસ્તારમાં રહેતા 50 હજાર જેટલા લોકોને માસ કોરોન્ટાઈન કર્યાં છે. માસ કોરોન્ટાઈનનો સમય 14 દિવસનો રહેશે. મહત્વની વાત એ છે કે, સુરતમાં કોરોનાના 12 પોઝિટિવ કેસ નોંધાયેલા છે. સમગ્ર સુરતમાં હાલ લોકડાઉનની સ્થિતિ છે.