Surat: આગ ઝરતી ગરમી વચ્ચે સુરત સહિત દક્ષિણ ગુજરાત અનેક વિસ્તારોમાં વીજળી ગૂલ, લોકોએ ટોરેન્ટ પાવરની ઓફીસે મચાવ્યો હોબાળો
સુરત: ઉનાળાની શરુઆતમાં જ દક્ષિણ ગુજરાત લાઈટ ગૂલ થતા લોકો ગરમી અકળાયા છે. દક્ષિણ ગુજરાતના મોટા ભાગના વિસ્તારોમાં લાઈટનો પ્રોબ્લેમ આવતા લોકો ગરમીમાં છેકાવા મજબૂર બન્યા છે.
સુરત: ઉનાળાની શરુઆતમાં જ દક્ષિણ ગુજરાત લાઈટ ગૂલ થતા લોકો ગરમી અકળાયા છે. દક્ષિણ ગુજરાતના મોટા ભાગના વિસ્તારોમાં લાઈટનો પ્રોબ્લેમ આવતા લોકો ગરમીમાં છેકાવા મજબૂર બન્યા છે. સુરત સહિત દક્ષિણ ગુજરાતના અનેક વિસ્તારોમાં વીજળી ગૂલ થઈ છે. સુરત શહેરમાં લાઇટનો મોટો ફોલ્ટ થયા હોવાની વાત સામે આવી છે.
કતારગામ વિસ્તારમાં લાઈટની ટ્રીપ થતા લોકો મુશ્કેલીમાં મુકાયા છે. અનેક કારખાનામાં મોટું નુકશાન થયું છે. મોટી સંખ્યામાં લોકો ટોરેન્ટ પાવરની ઓફીસે પહોંચ્યા છે. અનેક કારખાનામાં મશીનરીને નુકશાન થયું છે. લોકોએ ટોરેન્ટ પાવરની ઓફિસે જઈ હોબાળો મચાવ્યો છે.
સુરતના અનેક વિસ્તારમાં લાઈટ જતી રહી છે.
મળતી માહિતી પ્રમાણે સોર્સ લાઇન 400 કેવી લાઈનમાં સમસ્યા સર્જાઈ છે. સ્ટેટ લોડ જાંબુઆ ખાતે લાઈન સ્ટ્રીપ થઈ છે. આખા દક્ષિણ ગુજરાતમાં તાપી, ભરૂચ, રાજપીપળા, સુરત ખાતે વીજળી ડૂલ થઈ છે.
વીજળી ગૂલ થતા વ્યારામાં સ્કૂલોમાં વિદ્યાર્થીઓ પરેશાન
વ્યારા, વાલોડ, ડોલવણ, સોનગઢમાં લાઈટ ગૂલ થઈ છે. લાઈટ ન હોવાના કારણે શાળામાં વિદ્યાર્થીઓ હેરાન થયા છે. આગ ઝરતી ગરમી વચ્ચે દક્ષિણ ગુજરાતમાં વીજળી સંકટ ઉભુ થયું છે. સુરત,તાપી,ભરૂચ,રાજપીપળામાં એક કલાકથી વીજળી ગૂલ છે. DGVCL હેઠળ આવતા વિસ્તારોમાં વીજળી જતા લોકોને હાલાકી પડી છે. સુરત ગ્રામ્ય વિસ્તારોમાં પણ એક કલાકથી લાઈટ નથી. આગ ઝરતી ગરમી વચ્ચે તાપીમાં પણ એક કલાકથી લાઈટ નથી. જોકે, એક કલાકમાં વીજ પુરવઠો પૂર્વવત થઈ જશે તેવો DGVCLએ દાવો કર્યો છે.
સુરત, ભરૂચમાં લાઈટ ગૂલ થતા ફેક્ટરી, કારખાનાઓમાં કામકાજ ઠપ થયા છે. દક્ષિણ ગુજરાતમાં લાઈટ ગૂલ થતા સરકારી કચેરીઓમાં કામકાજ ઠપ થઈ ગયા છે. અચાનક ઈલેક્ટ્રિક શટડાઉનથી હીરા-કાપડ ઉદ્યોગને ભારે અસર થઈ છે. લાઈટ ગૂલ થતા લોકોએ માળિયા પરથી હાથ પંખા ઉતારી હવા ખાવા લાગ્યા છે.
નોંધનીય છે કે, દક્ષિણ ગુજરાત માટે મુખ્ય વીજ પુરવઠા સ્ત્રોત ગણાતા ઉકાઈ થર્મલ પાવર સ્ટેશનની 4 યુનિટ ટ્રિપ થતા સમગ્ર દક્ષિણ ગુજરાત અંધારપટ છવાયો છે. 500 મેગાવોટ વીજ ઉત્પાદન બંધ થવાને કારણે આ સ્થિતિ ઉભી થઈ છે. જેના કારણે 7 જિલ્લા, 45 તાલુકા, 23 શહેર અને 3461 ગામોમાં વીજ પુરવઠો ખોરવાયો છે. આ ખોરવાતા વીજ પુરવઠાથી 32,37,000થી વધુ ગ્રાહકો આકરી ગરમીમાં શેકાવા મજબૂર બન્યા છે.
ટોપ સ્ટોરી
ટ્રેન્ડિંગ સમાચાર
