![ABP Premium](https://cdn.abplive.com/imagebank/Premium-ad-Icon.png)
ભાજપનાં ક્યાં મહિલા મેયરે કારમાં નિકળેલા પરિવારને કોરોનાના નામે ધમકાવ્યો ? ચૂંટણી વખતે પોતે માસ્ક વિના કરેલો ડાન્સ
ગઈ કાલે સુરત શહેરના મેયર કોરોનાને લઇ રસ્તા પર ઉતર્યા હતા. તેમજ કોરોનાના નામે લોકોને ધમકાવ્યા હતા. ત્યારે સુરતના મેયરનો કોર્પોરેશનની ચૂંટણી સમયનો વીડિયો સામે આવ્યો છે, જેમાં મેયર માસ્ક વિના ડાન્સ કરતા નજરે પડી રહ્યા છે.
![ભાજપનાં ક્યાં મહિલા મેયરે કારમાં નિકળેલા પરિવારને કોરોનાના નામે ધમકાવ્યો ? ચૂંટણી વખતે પોતે માસ્ક વિના કરેલો ડાન્સ Surat Corona update : Mayor Hemali Boghawala ask to people follow corona guideline , she had dance without mask in past ભાજપનાં ક્યાં મહિલા મેયરે કારમાં નિકળેલા પરિવારને કોરોનાના નામે ધમકાવ્યો ? ચૂંટણી વખતે પોતે માસ્ક વિના કરેલો ડાન્સ](https://feeds.abplive.com/onecms/images/uploaded-images/2021/03/18/bd7ede67e4579560e7739028e3bab249_original.jpg?impolicy=abp_cdn&imwidth=1200&height=675)
સુરતઃ ગુજરાતમાં સ્થાનિક સ્વરાજની ચૂંટણીઓ પછી કોરોનાએ ઉથલો માર્યો છે. ગુજરાતમાં સૌથી વધુ કોરોનાનું સંક્રમણ સુરતમાં છે, ત્યારે સુરતમાં બે દિવસથી એક પછી એક પ્રતિબંધો લગાવવામાં આવી રહ્યા છે. સિટી બસ સેવા બંધ કરી દેવામાં આવી છે. આ સાથે જ ગાર્ડનો પણ બંધ કરી દેવામાં આવ્યા છે. આ બધાની વચ્ચે ગઈ કાલે સુરત શહેરના મેયર કોરોનાને લઇ રસ્તા પર ઉતર્યા હતા. તેમજ કોરોનાના નામે લોકોને ધમકાવ્યા હતા. ત્યારે સુરતના મેયરનો કોર્પોરેશનની ચૂંટણી સમયનો વીડિયો સામે આવ્યો છે, જેમાં મેયર માસ્ક વિના ડાન્સ કરતા નજરે પડી રહ્યા છે.
કારમાં વધુ સંખ્યામાં જઈ રહેલા લોકોને કોરોનાને લઈ ચેતવ્યા હતા. સોશિયલ ડિસ્ટન્ટ અને ફરજિયાત માસ્ક પહેરવા સૂચન કર્યું હતું. કાર રોકીને મેયર હેમાલી બોઘાવાલાએ કાર ચાલકને પૂછ્યું હતું કે, ક્યાં જવાના? અહીંના છો તો પણ કારમાં આટલા બધા લોકો કેમ છો? આ ગાડીમાં કેટલા બધા ભર્યા છે, હમણા ગાડી સાઇડમાં કરાવી દઇશ ને તો બધાને બેસાડી દઈશ. ફેમિલી હોય તો ફેમિલીને કોરોના ના થાય?
સુરતના મેયરની પહેલ સરાહનીય માનવામાં આવી રહી છે. મેયરે કોરોના કહેરમાં સાવચેત રહેવા અપીલ કરી હતી. મેયર હેમાલી બોઘાવાલાએ લોકોને ચેતવ્યા હતા.
અઠવા ઝોન મુકાયો રેડ ઝોનમાં
સુરતમાં અઠવો ઝોન રેડ ઝોન મુકવામાં આવ્યો છે. આ ઝોનમાં તમામ દુકાનદારોએ ફરજિયાત કોરોના ટેસ્ટ કરાવો પડશે. આ ઝોનમાં 87 પોઝિટિવ કેસ નોંધાયા છે. જ્યારે બીજા ક્રમે રાંદેરમાં 52 પોઝિટિવ કેસ નોંધાયા છે.
એક અઠવાડિયામાં સુરતમાં કેટલા નોંધાયા કેસ
બુધવાર, 17 માર્ચે સુરત કોર્પોરેશનમાં 315, 16 માર્ચ મંગળવારે સુરત કોર્પોરેશનમાં 263 કેસ, સોમવાર, 15 માર્ચે 240 કેસ નોંધાયા હતા. જ્યારે ગત રવિવાર, 14 માર્ચે 217 કેસ, શનિવાર, 13 માર્ચે 188 કેસ, શુક્રવાર, 12 માર્ચે 183 કેસ, ગુરુવાર, 11 માર્ચે 171 કેસ નોંધાયા હતા. સાત દિવસમાં સુરતમાં 1577 કેસ નોંધાયા હતા.
સુરતની મહિલાઓ પર શું છે ખતરો
સુરતના કમિશ્નરના કહેવા મુજબ મહિલાઓમાં પોઝિટિવિટી રેશિયો પહેલા 30 ટકા હતો જે વધીને 45 ટકા થયો છે. અત્યારે કોવિડ 19ના લક્ષણો બદલાયા છે. હાલ ડાયરીયા, માથામાં દુખાવો, નબળાઈ જેવા લક્ષણો જોવા મળ્યા છે. હાલ રસીકરણ વધારે કરી રહ્યા છીએ. 111 સ્થળો પર રસીકરણ ચાલુ છે.
સુરતમાં શું શું થયું બંધ
સુરત શહેર જિલ્લામાં કોરોના પોઝિટિવ કેસમાં ધરખમ વધારો થઈ રહ્યો છે. પાલિકાએ સિટી અને બીઆરટીએસના 20 રૂટની 300 બસ, ગાર્ડન, સ્વિમીંગ પુલ, લાઈબ્રેરી, ઝૂ, એક્વેરિયમ, ગોપીતળાવ, સાયન્સ સેન્ટર સહિત કોમ્યુનિટી હોલ ઉપરાંત એક સપ્તાહ સુધી ટ્યૂશન ક્લાસ બંધ કરવાનો નિર્ણય લીધો છે. આ સાથે ટેક્સટાઇલ માર્કેટ સવારે 10 વાગ્યાથી સાંજે 7 વાગ્યા સુધી માર્કેટ ખુલી રહેશે. પાલિકાના આ નિર્ણયના અમલ માટે ગત રોજ રાતથી જ ટીમો ઉતારી દેવામાં આવી છે.
સુરત સહિત ચાર શહેરોમાં નાઇટ કર્ફ્યૂનો અમલ શરૂ
સુરત, અમદાવાદ, રાજકોટ, વડોદરામાં નાઇટ કર્ફ્યૂની સમય મર્યાદા વધારવામાં આવી છે અને બુધવાર રાતથી તેનો અમલ શરૂ થઈ ગયો છે. ચાર મહાનગરોમાં રાતે 10થી સવારે 6 વાગ્યા સુધી નાઇટ કર્ફ્યૂ લાગું કરવામાં આવ્યો છે. એટલું જ નહીં, ગુજરાત સરકારે મહાનગરોના કમિશ્નરોને કોરોનાનું સંક્રમણ અટકાવવા જરૂરી પગલા ભરવા માટે છૂટ આપી છે. રાત્રી કર્ફ્યુનો સમય રાત્રીના 10થી થતા 10 વાગ્યા બાદ હવે એસટી બસો અમદાવાદ, વડોદરા, સુરત અને રાજકોટમાં નહીં પ્રવેશે.
કઈ સ્કૂલ વિદ્યાર્થીઓને લાગ્યો કોરોનાનો ચેપ
આ દરમિયાન સુરતની શાળા-કોલેજોમાં વધુ 24 વિદ્યાર્થીઓ કોરોના સંક્રમિત થયા છે. જેમનું લિસ્ટ નીચે પ્રમાણે છે.
જીવન ભારતી સ્કૂલ 1 વિદ્યાર્થી
પુણા સમિતિ સ્કૂલ 1 વિદ્યાર્થી
જય અંબે સ્કૂલ 1 વિદ્યાર્થી
આદર્શ નિવાસી શાળા 1 વિદ્યાર્થી
આઈ એન ટેકરવાળા સ્કૂલ 1 વિદ્યાર્થી
MM ગર્લ્સ હાઇસ્કુલ 1 વિદ્યાર્થી
નવસર્જન વિદ્યાલય 2 વિદ્યાર્થી
અરિહંત સ્કૂલ 2 શિક્ષક
સમ્રાટ સ્કૂલ 1 વિદ્યાર્થી
માઉન્ટ મેરી 3 વિદ્યાર્થી પોઝિટિવ
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)