Vadodra: વડોદરામાં લિફ્ટ તૂટતા 4 લોકોને ઈજા પહોંચી, ફાયર બ્રિગેડની ટીમ દોડી આવી
વડોદરામાં લિફ્ટ તૂટવાની ઘટના સામે આવી છે. આ લિફ્ટ તૂટવાની ઘટનામાં કુલ 4 લોકોને ઈજા પહોંચી છે. આ ઘટના વાઘોડિયા રોડ પર આવેલા ઉમા એપાર્ટમેન્ટમાં બની હતી.
વડોદરા: વડોદરામાં લિફ્ટ તૂટવાની ઘટના સામે આવી છે. આ લિફ્ટ તૂટવાની ઘટનામાં કુલ 4 લોકોને સામાન્ય ઈજાઓ પહોંચી છે. આ ઘટના વાઘોડિયા રોડ પર આવેલા ઉમા એપાર્ટમેન્ટમાં બની હતી. લિફ્ટનો તાર અચાનક તૂટતાં બીજા માળેથી લિફ્ટ ધડાકાભેર નીચે પટકાઈ હતી. આ ઘટનાની જાણ થતાં જ ફાયર બ્રિગેડની ટીમ દોડી આવી હતી. ફાયર બ્રિગેડની ટીમે ચારેય લોકોને બચાવ્યા હતા. લિફ્ટ તૂટતા સદનસીબે કોઈ જાનહાનિ થઈ ન હતી. માત્ર સામાન્ય ઈજાઓ જ થઈ હતી. ફાયર બ્રિગેડની પ્રાથમિક તપાસમાં ખુલ્યું છે કે, સમારકામના અભાવે લિફ્ટ તૂટવાની આ ઘટના બની હતી.
હવામાન વિભાગની આગાહી વચ્ચે અમદાવાદના અનેક વિસ્તારોમાં કમોસમી વરસાદ
ગાંધીનગર: હવામાન વિભાગની વરસાદની આગાહી વચ્ચે ભરશિયાળામાં કેટલાક વિસ્તારોમાં કમોસમી વરસાદ વરસી રહ્યો છે. શહેરના પૂર્વના વસ્ત્રાલ, ઓઢવ અને અમરાઇવાડીમાં કમોસમી વરસાદ વરસ્યો હતો. મણીનગર, કાંકરિયા, ખોખરા વિસ્તારમાં પણ વરસાદ વરસ્યો હતો. ઇસનપુર, લાંભા અને વટવામાં પણ વરસાદ વરસ્યો હતો.
ઈસનપુર, નારોલમાં પણ વરસાદ નોંધાયો હતો. ઈસનપુર વિસ્તારમાં માવઠાએ લગ્નની મજા બગાડી હતી. લગ્નમાં આવેલા મહેમાનોએ ભોજનની થાળીઓ સાથે દોડવાની ફરજ પડી હતી. પૂર્વ વિસ્તારમાં વાદળછાયું વાતાવરણ અને તો કેટલાક વિસ્તારોમાં વરસાદ પડી રહ્યો છે.
વડોદરા શહેરના અનેક વિસ્તારમાં ઝરમર ઝરમર વરસાદ શરૂ થયો છે. કમોસમી વરસાદને કારણે શહેરીજનો પરેશાન થયા છે. શહેરના નિઝામપુરા, છાણી, સમા, ગોરવા, ફતેહગંજ, સયાજીગંજ, હરણી સહિતના વિસ્તારમાં કમોસમી વરસાદ વરસ્યો હતો. ખેડા જિલ્લામાં ઠંડકભર્યા વાતવરણ વચ્ચે વરસાદી ઝાપટા પડ્યા છે. ગળતેશ્વર તાલુકામાં વીજળીના કડાકા સાથે વરસાદી ઝાપટા પડ્યા. વરસાદી ઝાપટા પડતા ખેડૂતોની મુશ્કેલીમાં વધારો થયો છે.
સુરતના હજીરામાં પણ વાતાવરણમાં પલટો જોવા મળ્યાં. અહીં ઠંડા પવનો સાથે કમોસમી વરસાદ પડતા ઠંડી વધી હતી જેના કારણે લોકો હાડ થીજાવતી ઠંડીનો અનુભવ કરી રહ્યાં છે. કમોસમી વરસાદ થતાં ચણા, કપાસ, જીરૂ અને ઘઉંના પાકને વ્યાપક નુકસાનની ભીતિ સેવાઇ રહી છે. વેસ્ટન ડિસ્ટર્બન્સના કારણે વડોદરાના સાવલીમાં ભારે પવન અને વીજળીના કડાકા સાથે વરસાદ પડ્યો હતો જેના કારણે પાકને નુકસાન થવાની સંભાવના સેવાઇ રહી છે. કમોસમી વરસાદના કારણે ધરતીપુત્રોની ચિંતા વધી છે.
ટોપ સ્ટોરી
ટ્રેન્ડિંગ સમાચાર
