Cyclone Tauktae : વડોદરામાં ખાનગી કંપનીનો ટાવર ધરાશાયી થતાં કર્મચારીનું મોત
વડોદરામાં ખાનગી કંપનીનો ટાવર ધરાશાયી થયો હતો. જેમાં કંપનીના એક કર્મચારીનું મોત નીપજ્યું છે. નંદેસરીની પાનોલી ઇન્ટરમિડીયેટ કંપનીનો ટાવર ધરાશાયી થયો છે.
વડોદરાઃ ગુજરાત તરફ તૌકતે વાવાઝોડું આગળ વધી રહ્યું છે. ગઈ કાલથી જ વાવાઝોડાની અસર જોવા મળી રહી છે, ત્યારે વડોદરામાં ખાનગી કંપનીનો ટાવર ધરાશાયી થયો હતો. જેમાં કંપનીના એક કર્મચારીનું મોત નીપજ્યું છે. નંદેસરીની પાનોલી ઇન્ટરમિડીયેટ કંપનીનો ટાવર ધરાશાયી થયો છે.
ટાવર ધરાશાયી થતાં કંપનીના કર્મચારી આશિષ ગોહિલનું મોત નીપજ્યું છે. કર્મચારીનું મોત નીપજતાં લોકોના ટોળા કંપનીમાં એકત્રિત થઈ હોબાળો મચાવ્યો હતી. પોલીસે કર્મચારીના મોત મામલે કાર્યવાહી શરૂ કરી છે.
ભારે પવનને કારણે GIDCમાં આવેલો પાનોલીનો મહાકાય ટાવર જમીનદોસ્ત થયો હતો. જેમાં એક કર્મચારી દબાઈ જતા ઘટનાસ્થળે જ તેનું મોત નીપજ્યું હતું. જ્યારે અન્ય ઘાયલ લોકોને સારવાર માટે ખસેડવામાં આવ્યા હતો. આ ઘટનાને પગલે રેસ્ક્યૂ ટીમ પહોંચી હતી અને રેસ્ક્યૂ ઓપરેશન હાથ ધરવામાં આવ્યું હતું. આ ઘટનાને પગલે પોલીસ પણ ઘટનાસ્થળે પહોંચીને પ્રાથમિક તપાસ કરી રહી છે. મૃતકનું નામ આશિષ ગોહીલ છે અને તે આણંદ નજીક આવેલા દાવોલ ગામનો રહેવાસી છે.
સુરતમાં પિતા-પુત્ર પર વૃક્ષ પડતાં પિતાનું મોત, પુત્રને ગંભીર ઇજા
સુરતઃ ગુજરાત તરફ તૌકતે વાવાઝોડું આગળ વધી રહ્યું છે. ગઈ કાલથી જ વાવાઝોડાની અસર જોવા મળી રહી છે, ત્યારે સુરતમાં વાવાઝોડાની અસરને પગલે પવન ફૂંકાતા એક વૃક્ષ ધરાશાયી થયું હતું. આ વૃક્ષ નીચે પિતા-પુત્ર આવી ગયા હતા. જેમાં પિતાનું મોત નીપજ્યું છે. જ્યારે પુત્રની હાલત ગંભીર છે.
કામરેજના માકણા ગામે ઘટના બની હતી. તૌકતે વાવાઝોડાને લઈ આધેડનું મોત નીપજ્યું છે. વાવાઝોડાના કારણે આધેડ પર વૃક્ષ પડતા મોત થયું છે. મોટર સાયકલ લઈ નોકરી પરથી પરત ઘરે જઈ રહ્યા હતા પિતા-પુત્ર. પિતાનું ઘટના સ્થળે મોત થયું છે. જ્યારે પુત્ર ગંભીર રીતે ઇજાગ્રસ્ત થયા છે. મૃતકનું નામ દાનાભાઈ આહીર છે. જ્યારે પુત્ર સંજય આહીરને સારવાર માટે ખસેડવામાં આવ્યા છે.
રવિવારે સાંજે કામરેજ નજીકના માંકણા ગામે રહેતા પિતા-પુત્ર બાઇક લઈને નીકળ્યા હતા. શિવમંદિર પાસેથી પસાર થતા હતા, ત્યારે અચાનક પીપળાનું ઝાડ પડતા બાઇક પર સવાર પિતા ઝાડ નીચે દબાઈ જતા સ્થળ પર મોત થયું હતું. જ્યારે પુત્રને ઇજા થતાં સારવાર માટે ખસેડાયો હતો.
ટ્રેન્ડિંગ સમાચાર
ટોપ સ્ટોરી
