Dabhoi: ત્રણ દિવસથી ગુમ મહિલા કોન્સ્ટેબલ કોની સાથે મળી આવી, ચોંકાવનારા ખુલાસા થવાની શક્યતા

વડોદરામાં ડભોઈ પોલીસ સ્ટેશનની ગુમ મહિલા કોન્સ્ટેબલ મણીબેન ચૌધરી મળી આવી હતી.

ફાઇલ તસવીર

વડોદરામાં ડભોઈ પોલીસ સ્ટેશનની ગુમ મહિલા કોન્સ્ટેબલ મણીબેન ચૌધરી મળી આવી હતી. મળતી જાણકારી અનુસાર, ડભોઇ પોલીસ સ્ટેશનની ગુમ મહિલા કોન્સ્ટેબલ અને તેની સાથેનો યુવક મહારાષ્ટ્રના કોલ્હાપુરથી મળી આવ્યા છે. અને પોલીસે બંન્નેને ડભોઈ પરત લાવવાની કાર્યવાહી હાથ ધરી છે. મહિલા કોન્સ્ટેબલને ડભોઇ લાવ્યા બાદ વધુ વિગત સામે આવશે.

મહત્વનું છે કે ત્રણ દિવસ પહેલાં રજા મૂકી ભેદી સંજોગોમાં મહિલા કોન્સ્ટેબલ ગુમ થઇ જતાં પરિવારજનો ચિંતામાં મુકાયા હતા. તેમની રજૂઆતના આધારે પોલીસે તપાસ હાથ ધરી હતી. ડભોઈ પોલીસની અલગ અલગ ત્રણથી ચાર ટીમો તપાસમાં જોડાઈ હતી અને પોલીસને મહારાષ્ટ્રમાં હોવાની વિગતો મળી હતી. જેથી પોલીસની અમુક ટીમ મહારાષ્ટ્ર તરફ રવાના કરાઈ હતી ત્યારે બંન્ને કોલ્હાપુરથી મળી આવ્યા હતા.

Accident: છોટા ઉદેપુરમાં એસ.ટી.બસને નડ્યો અકસ્માત, ધારાસભ્યએ વિદ્યાર્થીઓની કરી મદદ

Accident: રાજ્યમાં રોજ બરોજ ક્યાંકને ક્યાંક અકસ્માતની ઘટના બનતી રહે છે. આજે છોટા ઉદેપુરમાં એસ.ટી. બસને અકસ્માત નડ્યો હતો. બસ ચાલકે અચાનક જ કાબુ ગુમાવી દેતાં ઘટના બની હતી. એસ.ટી બસ કાવીઠાથી સંખેડા આવતી હતી તે સમયે બહાદરપુર પુલના છેડે સર્જાયેલા અકસ્માતમાં ST બસમાં 15 વિદ્યાર્થીઓ સવાર હતા. જોકે કોઈને ઈજા થઈ નહોતી. આ દરમિયાન પાઠળ આવતા ધારાસભ્યએ સવાર તમામ વિદ્યાર્થીઓને ટેમ્પામાં બેસાડી શાળાએ મોકલ્યા હતા.

તીવ્ર ઠંડીનો સામનો કરી રહેલા ઉત્તર ભારતને રાહત મળી શકે છે. હવામાન વિભાગે આગામી 24 કલાકમાં કોલ્ડવેવની સ્થિતિમાં ઘટાડો થવાની આગાહી કરી છે. દિલ્હી અને તેની આસપાસના વિસ્તારોમાં તાપમાનમાં 2 થી 3 ડિગ્રીનો વધારો થવાનો અંદાજ છે. પરંતુ આ પછી વરસાદની સંભાવના વ્યક્ત કરવામાં આવી છે.

હવામાન વિભાગના જણાવ્યા અનુસાર, 20 જાન્યુઆરીની રાત્રે વેસ્ટર્ન ડિસ્ટર્બન્સ હિમાલય વિસ્તારમાં પહોંચશે, જે 25 જાન્યુઆરી સુધી રહેશે. જેના કારણે 21 જાન્યુઆરીથી પહાડો પર હળવોથી મધ્યમ વરસાદ પડી શકે છે. તે જ સમયે, વેસ્ટર્ન ડિસ્ટર્બન્સના કારણે, 23 થી 25 જાન્યુઆરી સુધી ઉત્તર પશ્ચિમ ભારતના મેદાની વિસ્તારોમાં વરસાદની સંભાવના છે. આ રાજ્યોમાં વરસાદ પડી શકે છે

પંજાબના કેટલાક વિસ્તારોમાં 22 જાન્યુઆરીએ હળવો વરસાદ જ્યારે 23 જાન્યુઆરીએ હળવાથી મધ્યમ વરસાદની આગાહી કરવામાં આવી છે. 24 અને 25 જાન્યુઆરીએ પણ વરસાદની સંભાવના છે. 22 જાન્યુઆરીએ દિલ્હી, ચંદીગઢ અને હરિયાણામાં વરસાદની સંભાવના છે. 23 અને 24 જાન્યુઆરીએ હળવોથી મધ્યમ વરસાદ પડી શકે છે. 25 જાન્યુઆરીએ પણ દૂરના વિસ્તારોમાં હળવો વરસાદ થવાની સંભાવના છે. પશ્ચિમ ઉત્તર પ્રદેશમાં 23 જાન્યુઆરીએ કેટલાક વિસ્તારોમાં જ્યારે 24 જાન્યુઆરીએ મોટાભાગના વિસ્તારોમાં વરસાદ પડશે. પૂર્વી ઉત્તર પ્રદેશમાં 24 અને 25 જાન્યુઆરીએ વરસાદની સંભાવના વ્યક્ત કરવામાં આવી છે.