Agalega : વિદેશના ટાપુ પર ભારતીય સૈન્યએ પાર પાડ્યું 'ગુપ્ત ઓપરેશન'? દુનિયાભરમાં હોબાળો
તાજેતરમાં સામે આવેલી સેટેલાઇટ ઈમેજમાં એગેગા આઇલેન્ડ પર બનેલ એરસ્ટ્રીપની નજીક હેંગરે દેખા દીધી છે.
Agalega Island Airport : હિંદ મહાસાગરમાં સ્થિત મોરેશિયસનો એક ટાપુ છેલ્લા કેટલાક સમયથી ચર્ચામાં છે. અગલેગા નામના આ ટાપુનું નામ ભારત સાથે જોડાયું છે. હવે અચાનક જ આ ટાપુ દુનિયાની નજરે ચડતા ખળભળાટ મચી જવા પામ્યો છે. આ ટાપુ પર બનેલી એરટ્રીપ નજીક એક હેંગર નજરે પડ્યું છે. ખાસ વાત એ છે કે, આ હેંગર સિવિલિયન નહીં પણ મિલિટરી ટાઈપ જેવું લાગે છે. ઘણા સૈન્ય નિષ્ણાતોનો દાવો છે કે, ભારતે આ ટાપુ પર સૈન્ય મથક બનાવ્યું છે.
જો કે, આ દાવાઓને ભારતીય પક્ષ દ્વારા ન તો સ્વીકારવામાં આવ્યા છે કે ન તો નકારી કાઢવામાં આવ્યા છે. તાજેતરમાં સામે આવેલી સેટેલાઇટ ઈમેજમાં એગેગા આઇલેન્ડ પર બનેલ એરસ્ટ્રીપની નજીક હેંગરે દેખા દીધી છે. આ હેંગર સિવિલિયન નહીં પણ મિલિટરી પ્રકારનું હોવાનું કહેવાઈ રહ્યું છે. એટલું જ નહીં અહીં રનવે, ટેક્સી વે અને એપ્રોન ચિહ્નો પણ સ્પષ્ટ રીતે નજરે પડી રહ્યા છે. આ સ્થિતિમાં એવી અપેક્ષા રાખવામાં આવે છે કે આ એર સ્ટ્રીપ હવે ઉપયોગ માટે પણ સંપૂર્ણપણે તૈયાર છે.
હેંગર સિવાય પણ અનેક બાંધકામો નજરે પડ્યા
ઓપન સોર્સ ઇન્ટેલિજન્સ @detresfa_ દ્વારા શેર કરાયેલ સેટેલાઇટ ફોટોમાં એગેગા આઇલેન્ડ પર એરસ્ટ્રીપની આસપાસ નવું બાંધકામ નજરે પડી રહ્યું છે. આગામી એરસ્ટ્રીપ પર હેંગર્સ, રનવે, ટેક્સીવે અને એપ્રોન ચિહ્નો દેખાય છે. આ એરસ્ટ્રીપનો ઉપયોગ નાના એરોપ્લેન, સર્વેલન્સ ડ્રોન, મેરીટાઇમ પેટ્રોલ એરક્રાફ્ટ ઓપરેટ કરવા માટે થઈ શકે છે. ગયા વર્ષે ઓસ્ટ્રેલિયાની લોવી સંસ્થાએ દાવો કર્યો હતો કે, ભારતે એગેગા ટાપુ પર એરસ્ટ્રીપ બનાવી છે. થોડા દિવસો બાદ અરબી મીડિયા અલ જઝીરાએ પણ આવો જ દાવો કર્યો હતો.
ક્યાં આવેલો છે અગલેગા ટાપુ?
અગલેગા આઇલેન્ડ મોરેશિયસના મુખ્ય ટાપુથી લગભગ 1100 કિમી દૂર સ્થિત છે. તે બે ટાપુઓનો સમૂહ છે. તેનો ઉત્તરીય ટાપુ વિંગટ સિંક 12.5 કિમી લાંબો અને 1.5 કિમી પહોળો છે. જ્યારે દક્ષિણી ટાપુ 7 કિમી લાંબો અને 4.5 કિમી પહોળો છે. અગલેગા ખાતે બનેલ એરસ્ટ્રીપ નોર્થ આઇલેન્ડ પર સ્થિત છે. Vingt Cinq નામનો આ ટાપુ લગભગ 6400 એકરમાં ફેલાયેલો છે. એગેગા ટાપુ પર લગભગ 300 લોકો રહે છે. તેમનો મુખ્ય વ્યવસાય માછીમારી અને નાળિયેરની ખેતી છે.
અગલેગા ટાપુથી ભારતને શું ફાયદો?
અગલેગા ટાપુ પર ભારતીય નૌકાદળની હાજરી સાથે જ હિંદ મહાસાગરનું એક મહત્વપૂર્ણ વ્યૂહાત્મક સ્થાન તેના નિયંત્રણમાં આવી જશે. આ ટાપુ વૈશ્વિક શિપિંગ રૂટની વચ્ચોવચ્ચ આવેલું છે. વિશ્વના કુલ દરિયાઈ વેપારનો 35 ટકા અહીંથી પસાર થાય છે. ભારત આગેગાથી તેના દક્ષિણી દરિયા કિનારા પર સારી રીતે નજર રાખી શકે છે. ચીન હિંદ મહાસાગરમાં પણ ઝડપથી પોતાની હાજરી વધારી રહ્યું છે. આવી સ્થિતિમાં ભારત અગલેગા ટાપુ દ્વારા હિંદ મહાસાગરમાં ચીનની ગતિવિધિઓ પર નજર રાખી શકે છે.
ટ્રેન્ડિંગ સમાચાર
ટોપ સ્ટોરી
