Fact Check: બાંગ્લાદેશમાં હિન્દુ ખેડૂતોના પાકને સળગાવવાના ખોટા દાવાથી વીડિયો વાયરલ
બૂમને જાણવા મળ્યું છે કે વાયરલ વીડિયો સાથે કરવામાં આવી રહેલો સાંપ્રદાયિક દાવો ખોટો છે. વીડિયોમાં દેખાતો પીડિત ખેડૂત હિંદુ નહીં પરંતુ મુસ્લિમ સમુદાયનો છે
CLAIM વીડિયોમાં જોઈ શકાય છે કે બાંગ્લાદેશમાં મુસ્લિમોએ હિંદુઓના ખેતરોમાં રાખેલા પાક પર પેટ્રૉલ છાંટીને સળગાવી દીધા.
FACT CHECK BOOM તેની હકીકત તપાસમાં જાણવા મળ્યું કે વીડિયોમાં દેખાતો ખેડૂત હિંદુ નથી પણ મુસ્લિમ છે. સમાચાર અહેવાલો અનુસાર, 4 ડિસેમ્બરે બાંગ્લાદેશના કુશ્તિયાના પિઅરપુરમાં પેટ્રૉલ છાંટીને નસીમ મિયાંના પાકને બાળી નાખવામાં આવ્યો હતો.
બાંગ્લાદેશમાં મુસ્લિમોએ જાણીજોઈને હિંદુ ખેડૂતના પાકને બાળી નાંખ્યો હોવાના સાંપ્રદાયિક દાવા સાથે સોશિયલ મીડિયા પર એક વીડિયો વાયરલ થઈ રહ્યો છે.
અંદાજે 2 મિનિટ 17 સેકન્ડના આ વીડિયોમાં રડતો ખેડૂત તેની આપબીતીનું વર્ણન કરે છે અને કહે છે કે, સવારે 3:30 વાગ્યાની આસપાસ તેણે જોયું કે ખેતરમાં આગ લાગી હતી. એવું લાગી રહ્યું હતું કે જાણે પેટ્રૉલનો ઉપયોગ કરીને પાકને આગ લગાડવામાં આવી હોય.
બૂમને જાણવા મળ્યું કે વાયરલ દાવો ખોટો છે. વીડિયોમાં દેખાતો ખેડૂત હિંદુ નહીં પરંતુ મુસ્લિમ સમુદાયનો છે. મીડિયા રિપોર્ટ્સ અનુસાર પીડિત ખેડૂતનું નામ નસીમ મિયાં છે.
X પર વીડિયો શેર કરતી વખતે દક્ષિણપંથી યૂઝર જીતેન્દ્રપ્રતાપ સિંહે દાવો કર્યો હતો કે બાંગ્લાદેશમાં મુસ્લિમો હિન્દુઓના પાકને બાળીને નાશ કરી રહ્યા છે.
પૉસ્ટની આર્કાઇવ લિંક.
BOOM પહેલા જ યૂઝર જીતેન્દ્રપ્રતાપ સિંહ દ્વારા કરવામાં આવેલા ઘણા ખોટા દાવાઓનું તથ્ય-તપાસ કરી ચૂક્યું છે. અહીં, અહીં અને અહીં અહેવાલો જુઓ.
હકીકત તપાસ: પીડિત ખેડૂત હિન્દુ નથી
બાંગ્લાદેશમાં પેટ્રૉલ છાંટીને પાક સળગાવવાની આ ઘટના સંબંધિત બંગાળી કીવર્ડ્સ શોધવા પર, અમને 6 ડિસેમ્બર 2024ના રોજ ધ ન્યૂઝ 24 નો અહેવાલ મળ્યો. વાયરલ વીડિયો જેવી જ એક તસવીર આ રિપોર્ટમાં જોઈ શકાય છે.
રિપોર્ટ અનુસાર બાંગ્લાદેશના કુશ્તિયાના પિઅરપુર ગામમાં ખેડૂત નસીમ મિયાંએ ભાડા પર લીધેલી દોઢ વીઘા જમીનમાં ડાંગરની ખેતી કરી હતી. તેણે ડાંગરની કાપણી કરી હતી અને તેને સૂકવવા માટે ખેતરમાં છોડી દીધી હતી. દરમિયાન 4 ડિસેમ્બરની રાત્રે કેટલાક બદમાશોએ નસીમ મિયાંના ખેતરમાં રાખેલા ડાંગરના પાકને આગ ચાંપી કરી દીધી હતી. સ્થળ પરથી પેટ્રૉલની બોટલો પણ મળી આવી હતી.
રિપોર્ટમાં આરોપીના સંદર્ભમાં નસીમને ટાંકીને કહેવામાં આવ્યું છે કે, "મારો કોઈ દુશ્મન નથી. મેં કેટલાક સ્થાનિક છોકરાઓને ડાંગરના ખેતરોમાં તોફાન કરવા માટે ઠપકો આપ્યો હતો. તેઓએ આ કર્યું હોઈ શકે છે."
રિપોર્ટમાં ઘટનાસ્થળે પહોંચેલી કુશ્તિયા પોલીસને ટાંકીને એવું પણ કહેવામાં આવ્યું છે કે આ મામલે તપાસ કરવામાં આવશે.
કાલબેલા, ચેનલ 24, દેશ ટીવી સહિત ઘણા બાંગ્લાદેશી આઉટલેટે આ ઘટનાની જાણ કરી હતી. આ તમામ અહેવાલોમાં પીડિત ખેડૂતનું નામ નસીમ મિયાં તરીકે દર્શાવવામાં આવ્યું હતું. આ સિવાય, નોંધાયેલી કોઈપણ ઘટનામાં હિન્દુ-મુસ્લિમ એંગલનો ઉલ્લેખ કરવામાં આવ્યો નથી.
(ડિસ્ક્લેમર: આ સમાચારનું ફેક્ટ ચેક બૂમ એ કર્યુ છે, એબીપી અસ્મિતાએ શક્તિ કલેક્ટિવની સાથે ભાગીદારી અંતર્ગત આ ફેક્ટ ચેક્ટમાં કોઇપણ ફેરફાર વિના પુનઃપ્રકાશિત કર્યુ છે)
ટ્રેન્ડિંગ સમાચાર
ટોપ સ્ટોરી
