'મસ્જિદમાં જય શ્રીરામના નારા લગાવવા ગુનો કેવી રીતે?', સુપ્રીમ કોર્ટનો કર્ણાટક સરકારને સવાલ
Supreme Court: આ મામલો દક્ષિણ કન્નડ જિલ્લાનો છે. અહીં બે લોકો મસ્જિદમાં પ્રવેશ્યા અને જય શ્રી રામના નારા લગાવ્યા હતા
Supreme Court: સુપ્રીમ કોર્ટે મસ્જિદની અંદર 'જય શ્રી રામ' ના નારા લગાવીને ધાર્મિક લાગણીઓને ઠેસ પહોંચાડવાના આરોપમાં દાખલ કરાયેલા કેસને રદ કરવા સામે હાઈકોર્ટના આદેશને પડકારતા કેસમાં કર્ણાટક સરકાર પાસેથી જવાબ માંગ્યો છે. સુપ્રીમ કોર્ટે આ મામલામાં કર્ણાટક સરકારને નોટિસ આપવાનો ઈનકાર કરી દીધો છે.
આ મામલો દક્ષિણ કન્નડ જિલ્લાનો છે. અહીં બે લોકો મસ્જિદમાં પ્રવેશ્યા અને જય શ્રી રામના નારા લગાવ્યા હતા. આ પછી મામલો હાઈકોર્ટમાં પહોંચ્યો હતો. ત્યારબાદ કોર્ટે આ કેસને રદ કર્યો હતો. આ પછી સુપ્રીમ કોર્ટમાં અરજી દાખલ કરવામાં આવી હતી.
સુપ્રીમ કોર્ટે સવાલ ઉઠાવ્યા
સુનાવણી દરમિયાન સુપ્રીમ કોર્ટે પૂછ્યું હતું કે આ ગુનો કેવી રીતે હોઇ શકે છે? કોર્ટના આ સવાલ પર અરજદારના વકીલે જવાબ આપતા કહ્યું હતું કે, "જો એક સમુદાયના ધાર્મિક સ્થળ પર બીજા સમુદાયના નારા લગાવવાની પરવાનગી આપવામાં આવે તો તેનાથી કોમી વિવાદ થઈ શકે છે. આ પછી સુપ્રીમ કોર્ટે હૈદર અલી નામના વ્યક્તિની અરજી પર કર્ણાટક સરકાર પાસેથી જવાબ માંગ્યો છે.
કર્ણાટક સરકાર પાસે જવાબ માંગ્યો
હાઈકોર્ટના નિર્ણય સામે દાખલ કરવામાં આવેલી અરજી પર કર્ણાટક સરકાર પાસેથી જવાબ માંગવામાં આવ્યો છે. આ કેસમાં હાઈકોર્ટે ધાર્મિક લાગણીઓને ઠેસ પહોંચાડી ન હોવાના આધારે મસ્જિદની અંદર સૂત્રોચ્ચાર કરનારા બદમાશો સામેની ફોજદારી કાર્યવાહીને રદ કરી હતી.
પોતાના નિર્ણયમાં હાઈકોર્ટે કહ્યું હતું કે, 'એ સમજની બહાર છે કે જો કોઈ જય શ્રી રામ બોલે છે, તો તે કોઈ પણ વર્ગની ધાર્મિક લાગણીઓને કેવી રીતે ઠેસ પહોંચાડે છે. જ્યારે ફરિયાદીએ જણાવ્યું છે કે આ વિસ્તારમાં હિંદુ અને મુસ્લિમો વચ્ચે સંવાદિતા છે. આવી સ્થિતિમાં આ ઘટનાને કોઈપણ રીતે ગુનો ગણી શકાય નહીં.
'ધર્મના આધારે અનામત આપી શકાય નહીં', સુપ્રીમ કોર્ટની મહત્ત્વપૂર્ણ ટિપ્પણી
ટ્રેન્ડિંગ સમાચાર
ટોપ સ્ટોરી
