Bangladesh: બાંગ્લાદેશમાં ફરી રસ્તા પર ઉતર્યા પ્રદર્શનકારીઓ, સુપ્રીમ કોર્ટનો ઘેરવા કરતા રાજીનામું આપવા મજબૂર થયા ચીફ જસ્ટીસ
Bangladesh: બાંગ્લાદેશમાં શનિવારે ફરી એકવાર વિરોધ પ્રદર્શનો શરૂ થયા છે. દેખાવકારોએ હવે ઢાકામાં સુપ્રીમ કોર્ટનો ઘેરાવ કર્યો અને ચીફ જસ્ટિસ સહિત તમામ જજોને એક કલાકમાં રાજીનામું આપવા કહ્યું.
Bangladesh: બાંગ્લાદેશમાં શનિવારે ફરી એકવાર વિરોધ પ્રદર્શનો શરૂ થયા છે. દેખાવકારોએ હવે ઢાકામાં સુપ્રીમ કોર્ટનો ઘેરાવ કર્યો અને ચીફ જસ્ટિસ સહિત તમામ જજોને એક કલાકમાં રાજીનામું આપવા કહ્યું. વધી રહેલા વિરોધને જોઈને બાંગ્લાદેશના મુખ્ય ન્યાયાધીશ ઓબેદુલ હસને ન્યાયતંત્રના વડા પદેથી રાજીનામું આપવાનો નિર્ણય કર્યો. સાંજે રાષ્ટ્રપતિ મોહમ્મદ શહાબુદ્દીન સાથે ચર્ચા કર્યા બાદ તેઓ રાજીનામું સોંપશે.
પ્રદર્શનકારીઓએ ચેતવણી આપી હતી કે જો ન્યાયાધીશ અને મુખ્ય ન્યાયાધીશ ઓબેદુલ હસન રાજીનામું નહીં આપે તો તેઓ તેમના નિવાસસ્થાનો પર હુમલો કરશે. તાજેતરમાં બાંગ્લાદેશમાં ભારે વિરોધ બાદ શેખ હસીનાને વડાપ્રધાન પદેથી રાજીનામું આપવાની ફરજ પડી હતી.
મુખ્ય ન્યાયાધીશના તાત્કાલિક રાજીનામાની માંગ સાથે સેંકડો દેખાવકારો, જેમાં મોટાભાગે વિદ્યાર્થીઓ હતા તેમણે શનિવારે બાંગ્લાદેશની સુપ્રીમ કોર્ટને ઘેરી લીધી હતી.
આ વાતથી ગુસ્સે થયા હતા પ્રદર્શનકારીઓ
વાસ્તવમાં એવા સમાચાર આવ્યા હતા કે ચીફ જસ્ટિસે ફુલ કોર્ટ મીટિંગ બોલાવી હતી, જેનાથી પ્રદર્શનકારીઓ ગુસ્સે થયા હતા. વિદ્યાર્થીઓ અને વકીલો સહિત સેંકડો પ્રદર્શનકારીઓ સુપ્રીમ કોર્ટ તરફ આગળ વધવા લાગ્યા. અબ્દુલ મુકદ્દિમ નામના વિરોધકર્તાએ દાવો કર્યો હતો કે મુખ્ય ન્યાયાધીશ વચગાળાની સરકારને ગેરકાયદેસર જાહેર કરવાનું કાવતરું કરી રહ્યા છે.
મુકદ્દિમે ડેલી સ્ટારને કહ્યું, ફાસીવાદીઓ વચગાળાની સરકારને ગેરકાયદેસર જાહેર કરવા માટે સુપ્રીમ કોર્ટ અને મુખ્ય ન્યાયાધીશનો ઉપયોગ કરવાનો પ્રયાસ કરી રહ્યા છે. તેથી જ અમે મુખ્ય ન્યાયાધીશને રાજીનામું આપવા દબાણ કરવા માટે આવ્યા છીએ. વચગાળાની સરકારના રમતગમત મંત્રાલયના સલાહકાર આસિફ મહમૂદે પણ ચીફ જસ્ટિસ ઓબેદુલ હસનનું બિનશરતી રાજીનામું અને ફુલ કોર્ટ મીટિંગ રદ કરવાની માંગ કરી હતી. રિપોર્ટમાં કહેવામાં આવ્યું છે કે તણાવ વચ્ચે ચીફ જસ્ટિસે જજોની મીટિંગ સ્થગિત કરી દીધી હતી.
વચગાળાની સરકારના કાયદાકીય સલાહકારે શું કહ્યું?
આ અગાઉ, વચગાળાની સરકારમાં કાનૂની સલાહકાર (મંત્રી) પ્રોફેસર આસિફ નઝરુલે કહ્યું હતું કે ન્યાયતંત્રની ગરિમાની રક્ષા કરવા માટે મુખ્ય ન્યાયાધીશે તેમના ભાગ્યનો નિર્ણય કરવો જોઈએ. વિરોધ કરી રહેલા નેતાઓની ફરિયાદોનો ઉલ્લેખ કરતા, આસિફ નઝરુલે કહ્યું, મેં વિદ્યાર્થીઓની ફરિયાદો જોઈ છે. મુખ્ય ન્યાયાધીશે જે રીતે ફુલ કોર્ટ મીટિંગ બોલાવી હતી તે પરાજિત નિરંકુશ દળોની તરફેણમાં ચાલતી હોય તેવું લાગતું હતું. તેના પર ટીપ્પણી કરતા પહેલા હું કહેવા માંગુ છું કે, અમારા મુખ્ય ન્યાયાધીશ ખૂબ જ આદરણીય વ્યક્તિ છે, જો કે, ખાસ કરીને આ આંદોલન દરમિયાન તેમના વિશે પ્રશ્નો ઉઠાવવામાં આવ્યા હતા. તેમણે કહ્યું કે જ્યારે ઓબેદુલ હસન વિદેશ ગયા ત્યારે તેઓ અવામી લીગના વિવિધ નેતાઓના ઘરે રોકાયા હતા. તેના વિશે ઘણા વિવાદો થયા હતા.
ટ્રેન્ડિંગ સમાચાર
ટોપ સ્ટોરી
